நொடி - வறுமை

bavanvijayaraja · bavanvijayaraja Sat Jun 18, 2016 4:17 pm

நொடி - வறுமை

நோய் நொடி இல்லாமல் வாழ்க
என வாழ்த்திச் சென்றனர்.
திருமணத்திற்குப் பின் எல்லாம் சரியாகும்
என்றார் ஜோசியர்.
நான் அவரைப் பார்க்கும் போதெல்லாம்
வறுமை ஓடி விடுகிறது - ஜோசியருக்கு
கிடைத்த காசை ஒப்படைக்கிறேன் அவரிடம்
என் ஒளிமயமான எதிர்காலத்தை எதிர்பார்த்து
உழைக்க அணியமாக (தயாராக) இருக்கிறேன்
உழைப்புக்குரிய வேலையில்லாமல் தவிக்கிறேன்
என்ன வளம் இல்லை இந்த திருநாட்டில்
பாடல் வருடிக் கொடுக்கிறது இல்லை கெடுக்கிறது
எல்லாம் இருந்தும் இல்லாமல் இருப்பது
எப்படி என்பது புரியாமலே கடந்து செல்கிறேன்
நான்கு கழுதை வயதாகி விட்டது
பொதி சுமப்பது போல் வாழ்க்கையை சுமக்கிறேன்
கொண்டாட வேண்டிய வாழ்க்கை திண்டாட்டமாய்
பசி வந்தால் பதினொன்றும் பறந்து போகிறது
பதினொன்றாய் மனைவியின் அரவணைப்பு
எல்லாம் தெரிகிறது இனி என் செய்ய
காற்றை விற்கும் அலை பேசிகள்
மண்ணை விற்கும் நில விற்பன்னர்கள்
நீரை விற்கும் பண முதலைகள்
இவர்களுடன் ஒப்பந்தம் செய்து கொண்டேன்
இடைத்தரகராய் கடையைத் திறந்தேன்
தொலைந்த பதினொன்றுடன் பன்னிரண்டாய்
குழந்தையும் பரிசாய் கிடைத்தது.
இன்று படகு காரில் பவனி வருகிறேன்
இன்று வறுமை மனதில் மட்டும்.
மனத்தை விற்றுவிட்டு பணத்துடன் வாழ்கிறேன்.