நம் தமிழை முறையாக அறிவோமே !

First topic message reminder :

காற்பந்தா? கால் பந்தா? எது சரி ?

நாள் + கள் = நாள்கள்
கால் + கள் = கால்கள்
கோள் + கள் = கோள்கள்
வேல் + கள் = வேல்கள்
தாள் + கள் = தாள்கள்

இவ்விதியின் படி கால் + பந்து = கால்பந்து என்றே எழுதப் பெறல் வேண்டும். இவ்வாறு எழுதுவதும் பேசுவதும் ஏற்புடையதுதானா என்பதே நம் ஆய்வு.

இதற்கு நடைமுறையிலுள்ள பல எடுத்துக்காட்டுகளைக் காண்பது நன்று.

மேல் + கணக்கு
கால் + கடுக்க
பால் + பசு
நாள் + கோள்
பால் + பழம்
கால் + சட்டை
மேல் + படிப்பு
கால் + புள்ளி
நூல் + பா
மேல் + கொண்டு
பால் + குடம்

இவற்றுள் திரிவனவும் திரியாதனவும் உள. எல்லா இடங்களிலும் லகர ளகர வீறு வரும் மொழி க ச ப முன் திரியா என்பது தவறு. எங்குத் திரியும் எங்குத் திரியாது என்பதை இக்கால் பார்ப்போம். .

இவ்வகையில் இரண்டாம் வேற்றுமை உருபு தொகையிலும் வினைத் தொகையிலும் லகர ளகர வீறு திரியாது. ஏனையவற்றுள் திரியும்.

எடுத்துக் காட்டு:  

கொல் + களிறு = கொல்களிறு (கொல்லும், கொல்கின்ற, கொன்ற என்பவற்றின் தொகையே கொல்) இது வினைத் தொகையாகும்.  

நாள் + கோள் = நாள்கோள்  நாளும்கோளும் என்பதே உம்மைத் தொகையாக நாள்கோள் என ஆகியிருக்கின்றது.  

பால் + பழம் என்பதும் பால்பழம் என்றே புணரும். இதுவும் உம்மைத் தொகையாகும். இதன் விரி பாலும் பழமும். பாற்பழம் என்று எழுதினால் பால் போன்ற பழம் எனப் பொருள்பட்டு உவமைத்தொகையாகி விடும் .

பால் + குடித்தான் என்பது பால் குடித்தான் என்றே புணர வேண்டும். இது இரண்டாம் வேற்றுமை உருபுத் தொகையாகும். பாலைக் குடித்தான் என்பது இதன் விரி.

 கால் + சட்டை = காலில் அணியப் படும் சட்டை எனும் உருபும் பயனும் உடன் தொக்கத் தொகையாகும். இல் எனும் வேற்றுமை உருபும் அணியப்படும் எனும் பயனும் தொக்கி வருவதால் லகர வீறு திரிந்து காற்சட்டை என்றாகும்.

பால் + பசு - பாலைத்தரும் பசு பாற்பசு என்றாகும்.

மேல் + படிப்பு - மேற்படிப்பு

மேல் + கொண்டு - மேற்கொண்டு

மேல் + சென்று - மேற்சென்று  

கால் + புள்ளி = காற்புள்ளி என்றாகும்.

நூல் + பா = நூற்பா என்றாகும். இது உருபும் பயனும் உடன்தொக்கத் தொகையாகும்.

பாலைக் கொண்டிருக்கும் குடம் பாற்குடமாகும். இதுவும் உருபும் பயனும் உடன் தொக்கத் தொகையே. பால் குடம் என்று எழுதினால் பாலும் குடமும் எனப் பொருளாகிவிடும்.

இந்நிலையில் , கால் + பந்து எனும் மொழிப் புணர்ச்சியில் லகர வீறு திரியுமா? திரியாதா? இங்கு வரும் கால் உறுப்பைக் குறித்ததா? பகுதியைக் குறித்ததா? இந்தப் பந்திற்கு ஏன் இப்பெயர் இடப்பெற்றது. கையால் தட்டப்படும் பந்து கைப்பந்தாகும். வலையில் போடப்படும் பந்து வலைப் பந்தாகும். மேசையில் ஆடப்படும் பந்து மேசைப் பந்தாகும். பூப் போன்றிருக்கும் பந்து பூப்பந்தாகும். அது போல காலால் உதைக்கப் படும் பந்தே கால் + பந்து . இது உருபும் பயனும் உடன்தொக்கத் தொகையாதலால் நிலை மொழியில் லகரவீறு திரிதலே சரி.


காற்பந்தை கால் பந்து என்று எழுதினால் வேல் கம்பு , நாள் கோள், பால் பழம் போல் உம்மைத் தொகையாகி காலும் பந்தும் என்று பொருள்பட்டு விடும்.

எனவே காற்பந்து என்பதே இலக்கண விதிப் படி சரியானதாகும்.

உதவி : இணையம் . நம் தமிழை முறையாக அறிவோமே

மூர்த்தி wrote:பிரகாரம்,பிராகாரம் இரண்டுமே தமிழ் சொல் அல்ல. திருச்சுற்று - திரு நடை -திரு நடைமாளிகை என்பது தமிழ்.

மேற்கோள் செய்த பதிவு: 1211765
தமிழ்ச் சொற்கள் இல்லையென்றாலும் , பேச்சு வழக்கிலே நிலைபெற்ற சொற்கள் . எனவே அவற்றை ஆய்வதில் தவறில்லை .

முகர்ந்து , மோந்து - எது சரி ?


மலரை எடுத்து முகர்ந்து பார்த்தான் என்று கதையில் எழுதுகிறார்கள். முகர்ந்து என ஒரு சொல் தமிழில் இல்லை.

மோந்து எனும் சொல்லே முகர்ந்து என மாறிவிட்டது. மோந்து பார்த்தல் என்று சொல்லுவதில்லையா? மோப்பநாய், “மோப்பக்குழையும் அனிச்சம்’ என்பன காண்க.

எனவே மோந்து என்பதே சரி .

முன்னூறு , முந்நூறு - எது சரி ?

”நான் உனக்கு முன்னூறு ரூபா கொடுத்தேன்’ என்றால், முன்பு நூறு ரூபா கொடுத்தேன் என்று பொருளாகும்.

முந்நூறு கொடுத்தேன் என்றால், மூன்று நூறு ரூபாய் கொடுத்தேன் என்று பொருளாகும்.

மூன்று + நூறு சேரும்போது, மூன்றில் உள்ள இரண்டு எழுத்தும் கெட்டு (நீங்கி) “மூ’ எனும் நெடில் “மு’ எனக் குறுகி மு+நூறு=முந்நூறு ஆகும்.

இலக்கியச்சான்று: “பாரியின் பறம்பு முந்நூறு ஊர் உடைத்தே’.

எனவே முந்நூறு என்பதே சரி .

அருமையான திரி ஐயா.
வாழ்த்துக்கள். தொடருங்கள்.

சசி wrote:அருமையான திரி ஐயா.
வாழ்த்துக்கள். தொடருங்கள்.

மேற்கோள் செய்த பதிவு: 1211773

க் வராது

சசியின் பாராட்டுக்கு நன்றி !

அருகாமையில் , அருகில் - எது சரி ?

என் வீடு அருகாமையில் உள்ளது என்று சொல்லுகிறோம். அருகாமை எனில் அருகில் இல்லாமை

(அருகு+ஆ+மை) – சேய்மை எனும் பொருள் உண்டாகும். இல்லாமை, கல்லாமை, நில்லாமை, செல்லாமை என்பனவற்றுள் “ஆ’ எதிர்மறை இடைநிலை இருப்பதுபோலவே, அருகாமையிலும் உள்ளது.

எனவே அருகில் என்பதே சரி .

யினியவன் wrote:

சசி wrote:அருமையான திரி ஐயா.
வாழ்த்துக்கள். தொடருங்கள்.

மேற்கோள் செய்த பதிவு: 1211773

க் வராது

மேற்கோள் செய்த பதிவு:




ரமணியன்

T.N.Balasubramanian wrote:

யினியவன் wrote:

சசி wrote:அருமையான திரி ஐயா.
வாழ்த்துக்கள். தொடருங்கள்.

மேற்கோள் செய்த பதிவு: 1211773

க் வராது

மேற்கோள் செய்த பதிவு:




ரமணியன்

மேற்கோள் செய்த பதிவு: 1211777

தமிழ் போதை எனினும் அதற்காக
க்கிட்டு வாழ்த்துதல் கூடாது

M.Jagadeesan wrote:அருகாமையில் , அருகில் - எது சரி ?

என் வீடு அருகாமையில் உள்ளது என்று சொல்லுகிறோம். அருகாமை எனில் அருகில் இல்லாமை

(அருகு+ஆ+மை) – சேய்மை எனும் பொருள் உண்டாகும். இல்லாமை, கல்லாமை, நில்லாமை, செல்லாமை என்பனவற்றுள் “ஆ’ எதிர்மறை இடைநிலை இருப்பதுபோலவே, அருகாமையிலும் உள்ளது.

எனவே அருகில் என்பதே சரி .

மேற்கோள் செய்த பதிவு: 1211776


அருகாமை தமிழை ,
அருகில் கொண்டு சேர்க்கும் நற்பணி உமது
   
ரமணியன் :