நம் தமிழை முறையாக அறிவோமே !

First topic message reminder :

காற்பந்தா? கால் பந்தா? எது சரி ?

நாள் + கள் = நாள்கள்
கால் + கள் = கால்கள்
கோள் + கள் = கோள்கள்
வேல் + கள் = வேல்கள்
தாள் + கள் = தாள்கள்

இவ்விதியின் படி கால் + பந்து = கால்பந்து என்றே எழுதப் பெறல் வேண்டும். இவ்வாறு எழுதுவதும் பேசுவதும் ஏற்புடையதுதானா என்பதே நம் ஆய்வு.

இதற்கு நடைமுறையிலுள்ள பல எடுத்துக்காட்டுகளைக் காண்பது நன்று.

மேல் + கணக்கு
கால் + கடுக்க
பால் + பசு
நாள் + கோள்
பால் + பழம்
கால் + சட்டை
மேல் + படிப்பு
கால் + புள்ளி
நூல் + பா
மேல் + கொண்டு
பால் + குடம்

இவற்றுள் திரிவனவும் திரியாதனவும் உள. எல்லா இடங்களிலும் லகர ளகர வீறு வரும் மொழி க ச ப முன் திரியா என்பது தவறு. எங்குத் திரியும் எங்குத் திரியாது என்பதை இக்கால் பார்ப்போம். .

இவ்வகையில் இரண்டாம் வேற்றுமை உருபு தொகையிலும் வினைத் தொகையிலும் லகர ளகர வீறு திரியாது. ஏனையவற்றுள் திரியும்.

எடுத்துக் காட்டு:  

கொல் + களிறு = கொல்களிறு (கொல்லும், கொல்கின்ற, கொன்ற என்பவற்றின் தொகையே கொல்) இது வினைத் தொகையாகும்.  

நாள் + கோள் = நாள்கோள்  நாளும்கோளும் என்பதே உம்மைத் தொகையாக நாள்கோள் என ஆகியிருக்கின்றது.  

பால் + பழம் என்பதும் பால்பழம் என்றே புணரும். இதுவும் உம்மைத் தொகையாகும். இதன் விரி பாலும் பழமும். பாற்பழம் என்று எழுதினால் பால் போன்ற பழம் எனப் பொருள்பட்டு உவமைத்தொகையாகி விடும் .

பால் + குடித்தான் என்பது பால் குடித்தான் என்றே புணர வேண்டும். இது இரண்டாம் வேற்றுமை உருபுத் தொகையாகும். பாலைக் குடித்தான் என்பது இதன் விரி.

 கால் + சட்டை = காலில் அணியப் படும் சட்டை எனும் உருபும் பயனும் உடன் தொக்கத் தொகையாகும். இல் எனும் வேற்றுமை உருபும் அணியப்படும் எனும் பயனும் தொக்கி வருவதால் லகர வீறு திரிந்து காற்சட்டை என்றாகும்.

பால் + பசு - பாலைத்தரும் பசு பாற்பசு என்றாகும்.

மேல் + படிப்பு - மேற்படிப்பு

மேல் + கொண்டு - மேற்கொண்டு

மேல் + சென்று - மேற்சென்று  

கால் + புள்ளி = காற்புள்ளி என்றாகும்.

நூல் + பா = நூற்பா என்றாகும். இது உருபும் பயனும் உடன்தொக்கத் தொகையாகும்.

பாலைக் கொண்டிருக்கும் குடம் பாற்குடமாகும். இதுவும் உருபும் பயனும் உடன் தொக்கத் தொகையே. பால் குடம் என்று எழுதினால் பாலும் குடமும் எனப் பொருளாகிவிடும்.

இந்நிலையில் , கால் + பந்து எனும் மொழிப் புணர்ச்சியில் லகர வீறு திரியுமா? திரியாதா? இங்கு வரும் கால் உறுப்பைக் குறித்ததா? பகுதியைக் குறித்ததா? இந்தப் பந்திற்கு ஏன் இப்பெயர் இடப்பெற்றது. கையால் தட்டப்படும் பந்து கைப்பந்தாகும். வலையில் போடப்படும் பந்து வலைப் பந்தாகும். மேசையில் ஆடப்படும் பந்து மேசைப் பந்தாகும். பூப் போன்றிருக்கும் பந்து பூப்பந்தாகும். அது போல காலால் உதைக்கப் படும் பந்தே கால் + பந்து . இது உருபும் பயனும் உடன்தொக்கத் தொகையாதலால் நிலை மொழியில் லகரவீறு திரிதலே சரி.


காற்பந்தை கால் பந்து என்று எழுதினால் வேல் கம்பு , நாள் கோள், பால் பழம் போல் உம்மைத் தொகையாகி காலும் பந்தும் என்று பொருள்பட்டு விடும்.

எனவே காற்பந்து என்பதே இலக்கண விதிப் படி சரியானதாகும்.

உதவி : இணையம் . நம் தமிழை முறையாக அறிவோமே

M.Jagadeesan wrote:ஒரு மாணவன் தேர்வு எழுதச் சென்றான் . தேர்வு அறைக் கண்காணிப்பாளராக ஒரு தமிழாசிரியர் நியமிக்கப் பட்டிருந்தார் . அவர் அந்த மாணவனைப் பார்த்து ,

" உன் கூடச் சீட்டு எங்கே ? " என்று கேட்டார் .

மாணவன் திருதிருவென்று விழித்தான் . பிறகு தமிழாசிரியர் உன்னுடைய " ஹால் டிக்கெட்டைக் காட்டு " என்று சொன்ன பிறகுதான் அந்த மாணவனுக்குப் புரிந்ததாம் .

பழகு தமிழ் , இலக்கணத் தமிழ் இரண்டையும் தெரிந்துகொள்வது நல்லதுதானே !

மேற்கோள் செய்த பதிவு: 1214285

கூடச்சீட்டு என்றவுடன் வேறேதாவது நினைத்தானோ என்னவோ !!

ரமணியன்

கடவுசீட்டு என்பது பாஸ்போட் என்பது நிறைய பேருக்கு தெரிவதில்லை. கடவுசீட்டு அலுவலகம்- பாஸ்போர்ட் ஆபிஸ்

நம் நாட்டில் அந்நியரை நுழைய அனுமதிப்பது VISA எனப்படும் . இது நுழைவாணை என்று தமிழில் சொல்கிறார்கள் .

சாம்பார்-பருப்பு குழம்பு,
சட்டினி-துவையல்,
ரசம்-சாறு,
சாதம்-சோறு,
பரோட்டா-மைதா அடை,
பயாசம்-இன்கூல்,
பிரியானி-காய்மா சோறு,
அல்வா-தீங்கலி,

தீங்கிலி - திருநெல்வேலி ஒத்து போகுதே

கார்த்திக் செயராம் wrote:சாம்பார்-பருப்பு குழம்பு,
சட்டினி-துவையல்,
ரசம்-சாறு,
சாதம்-சோறு,
பரோட்டா-மைதா அடை,
பயாசம்-இன்கூல்,
பிரியானி-காய்மா சோறு,
அல்வா-தீங்கலி,

மேற்கோள் செய்த பதிவு: 1214488

நன்றி கார்த்திக் !

மூணு  சுழி “ண” , ரெண்டுசுழி “ன” என்ன வித்தியாசம்?

படிக்காதவர்க்கும் நல்ல தமிழைக் கற்றுத்தந்த
நடிகர்திலகம் சிவாஜி கணேசன்.
கண்ணப்பன் னு எழுதச்சொன்னா ஒருத்தன்
4சுழி 5சுழி போட்டானாம்! 
என்னப்பா னு கேட்டதுக்கு அவன் கேட்டானாம்-
“தமிழ் வளரவே கூடாதாய்யா?
ரெண்டு சுழி மூணு சுழி இருக்கலாம் 
4சுழி 5சுழி இருக்கக் கூடாதா?

தமிழ் எழுத்துகளில் -
ரெண்டுசுழி ன என்பதும் தவறு! 
மூணுசுழி ண என்பதும் தவறு!

ண இதன் பெயர் டண்ணகரம்,
ன இதன் பெயர் றன்னகரம் என்பதே சரி.


மண்டபம், கொண்டாட்டம் – என எங்கெல்லாம் இந்த மூணு சுழி ணகர ஒற்றெழுத்து வருதோ, அதையடுத்து வர உயிர்மெய் எழுத்து ட வர்க்க எழுத்தாகத்தான் இருக்கும். இதனால இதுக்கு டண்ணகரம் னு பேரு. (சொல்லிப் பாருங்களேன்?)

தென்றல், சென்றான் – என எங்கெல்லாம் இந்த ரெண்டு சுழி னகரஒற்றெழுத்து வருதோ, அதையடுத்து வர உயிர்மெய் எழுத்து ற வர்க்க எழுத்தாகத்தான் இருக்கும். இதனால இதுக்கு றன்னகரம் னு பேரு. (சும்மா சொல்லிப்பாருங்க?)

இது ரெண்டும் என்றுமே மாறி வராது.. 

(இதுல கூட பாருங்களேன்? பிரியாத காதலர்கள் மாதிரிச் சேந்து சேந்தே வர்ரதப் பாருங்களேன்! இது புரியாம இதுகள  நாம பிரிச்சுடக் கூடாதுல்ல?)

வேற மாதிரி சொன்னா 
இதுவும் வர்க்க ஒற்றுமைதான்! 
(வர்க்க எழுத்து-ன்னா, 
சேந்து வர்ர எழுத்து! அவ்ளோதான்)

இந்தப் பெயரோடு (டண்ணகரம், றன்னகரம்) 
இந்த ண, ன எழுத்துகளை அறிந்து கொண்டால் 
எழுத்துப் பிழையும் குறையும். 


எப்புடீ?

மண்டபமா? மன்டபமா? சந்தேகம் வந்தா...
பக்கத்துல ட இருக்கா,
அப்ப இங்க மூணு சுழி ண தான் வரும்.
ஏன்னா அது டண்ணகரம்.

கொன்றானா? கொண்றானா? சந்தேகம் வந்தா...
பக்கத்துல ற இருக்கா
அப்ப இங்க ரெண்டு சுழி ன தான் வரும்.
ஏன்னா அது றன்னகரம். 
என்று புரிந்து கொள்ளலாம்.

இதே மாதிரித்தான் ந கரம் என்பதை, தந்நகரம்னு சொல்லணும்
ஏன்னா இந்த ந் எழுத்தை அடுத்து 
வரக்கூடிய உயிர்மெய் த மட்டுமே. (பந்து, வெந்தயம், மந்தை).  
           
-நாம் தமிழர் கட்சி          
- திருத்துறைப்பூண்டி தொகுதி..
[ 5/7/2016 ]

கார்த்திக் செயராம் wrote:கடவுசீட்டு என்பது பாஸ்போட் என்பது நிறைய பேருக்கு தெரிவதில்லை. கடவுசீட்டு அலுவலகம்- பாஸ்போர்ட் ஆபிஸ்

அப்படி என்றால், கடவு எண் என்று PASS WORD ஐ சொல்லலாமா?

கார்த்திக் செயராம் wrote:சாம்பார்-பருப்பு குழம்பு,
சட்டினி-துவையல்,
ரசம்-சாறு,
சாதம்-சோறு,
பரோட்டா-மைதா அடை,
பயாசம்-இன்கூல்,
பிரியா ணி -காய்மா சோறு,
அல்வா-தீங்களி ,

கார்த்தி , சட்டினி-துவையல், இரண்டும் வேறு வேறு ............மற்றவை அருமை !......ஆனால் இப்படி சொன்னால் எத்தனை பேருக்கு புரியும்?.............

பயனுள்ள பதிவு .

இதைத் " தமிழை முறையாக அறிவோமே " என்ற திரிக்கு மாற்றலாமே !