தவிப்பு !!!

kandhasami saravanan · kandhasami saravanan Fri Jun 17, 2016 8:34 am

First topic message reminder :

உறங்கும் முன்பும்
உறங்கி எழுந்த பின்பும்- நான்
உடனே தேடுவது அழைபேசியையே காரணம்
உன் குரலை கேட்பதற்காக!!

தினமும் நான் தூங்கும்

ஆறரை மணி நேர உறக்கதில் நீ என்னோடு
ஆனந்தமாய் பேசுகிறாய் என் மீது
அன்பும் பாராட்டுகிறாய் -என்னை
அணைத்து முத்தமும் இடுகின்றாய்!!

தூரத்தில் தொலைத்து விட்டு
தூக்கத்தில் தேடுகிறேன் -என்
தூயவளே உன் அன்பை !!

கடல் தாண்டி வந்துவிட்டேன் உன்னை
கண்ணீரோடு தவிக்க விட்டு
கவலை ஒன்றும் வேண்டாமடி -நம்மை
காலம் சீக்கிரம் ஒன்று சேர்க்கும்!!

உறக்கம் தொலைத்து உலவுகிறேன் -நான்
உன்னோடு சேரப்போகும் நாளை எண்ணி!!
உறங்கவிடு விடை கொடுத்து -என்
உயிரான உன்னதமே !!!

க. சரவணன்

kandhasami saravanan · kandhasami saravanan Sun Jun 19, 2016 10:37 am

ஓ! அப்படியா!

kandhasami saravanan · kandhasami saravanan Sun Jun 19, 2016 10:43 am

பிறந்த இடத்தை (நாட்டை ) விட்டும் குடும்மபத்தை விட்டும் வெளிநாட்டில் வசிப்பது வேதனையே அதிலும் எனக்கு கொஞ்சம் அதிகமாகவே இருக்கும் அவற்றின் வெளிப்பாடே இவை அம்மா!இதில் யாரை சொல்லியும் வருத்தபடுவதற்கில்லை சூழ்நிலை அம்மா ! நன்றி தங்களின் அன்பான விசாரிப்பிற்க்கு!!

**krishnaamma** · **krishnaamma** Sun Jun 19, 2016 10:48 am

kandhasami saravanan wrote:பிறந்த இடத்தை (நாட்டை ) விட்டும் குடும்மபத்தை விட்டும் வெளிநாட்டில் வசிப்பது வேதனையே அதிலும் எனக்கு கொஞ்சம் அதிகமாகவே இருக்கும் அவற்றின் வெளிப்பாடே இவை அம்மா!இதில் யாரை சொல்லியும் வருத்தபடுவதற்கில்லை சூழ்நிலை அம்மா ! நன்றி தங்களின் அன்பான விசாரிப்பிற்க்கு!!

மேற்கோள் செய்த பதிவு: 1211654

ம்ம்.. ரொம்ப சரி, ஏதோ கொஞ்சம் சம்பாதிக்கிறோம் என்று இருக்குமே தவிர நாம் அதனால் இழப்பவைகள் மிக அதிகம்..........அந்த சம்பாத்தியத்துக்காக நாம் தரும் விலை மிக மிக அதிகம் தான் சோகம்

.........ஆனால் என்ன செய்வது?....குறைந்த பக்ஷம் நம்மால் நம் குடும்பத்தின் பொருளாதார சுமையை நிவர்த்தி செய்ய முடிகிறதே என்று சந்தோஷப்பட வேண்டியது தான் புன்னகை