மொழி பிரச்சினை - சில கேள்விகள்?

மொழி பிரச்சினை. சில கேள்விகள்?
1.
சமஸ்கிருதம் உலக மொழி என்றால், அதை இந்தியாவிலே எத்தனை பேர் படிக்கிறார்கள்.. படிச்சியிருக்கிறார்கள்.. எத்தனைப் பேர் பேசுகிறார்கள்? உலக சனத்தொகையில் எவ்வளவு பேர் படிச்சிருக்கிறார்கள்? பேசுகிறார்கள்?
2.
சும்மாயிருக்கிற சங்கை எடுத்து ஊதினானாம் ஆண்டி என்கிற மாதிரி, இந்தி ஆட்சி மொழியைப் பின்னுக்குத் தள்ளி விட்டு இந்துத்துவச் சமஸ்கிருத மொழியைத் திணிக்க முயற்சிகளை மேற்கொண்டு வருகின்றது மத்திய அரசு.
3
இந்திய அரசால் ஏற்று அங்கீகரிக்கப்பட்டுள்ள, செம்மை மொழி அந்தஸ்து பெற்றுள்ள மாநில மொழிகளுக்கு சம அந்தஸ்தும் வாய்ப்பும் அளிக்காமல், இந்தி, சமஸ்கிருதம் ஆகிய மொழிகளுக்கு .மட்டும் அதிக முக்கியம் தருவதற்கான தக்க சூழ்நிலை இந்தியாவில் நிலவுகிறதா? இச் செயல் மற்ற மொழிகளை அவமானப்படுத்தும் காரியமாக அல்லவா கருத வேண்டியிருக்கிறது.
4.
இந்தி மொழியை மக்கள் விரும்பி படித்து வருகிறார்கள் அல்லவா. அதே போலவே சமஸ்கிருத மொழியை மக்கள் விரும்பி படித்து தான் வருகிறார்கள். அப்பணி தொடர்ந்து செயல்படுத்துவதை விடுத்து, அதை மாநில மக்களின் மீது திணிப்பது என்பது ஆத்திரமூட்டும் செயலாகவே கருத வேண்டியிருக்கிறது.
5.
இந்திய சுதந்திரத்திற்குப் பிறகு சமஸ்கிருத மொழி பற்றிய பிரச்சினைகள் அதிகம் எழுந்ததில்லை. பாஜக ஆட்சிக்கு வந்து இரண்டு ஆண்டுகளுக்குப் பிறகு இப்பிர்ச்சினையை கையில் எடுக்கிறதென்றால், அரசின் நோக்கம் சாதாரண மக்களுக்கும் புரியாமல் போய்விடுமா என்ன?
6.
ஒரு பிரச்சியை மறைக்க இன்னொரு பிரச்சினையை உருக்குவது அரசின் ராஜதந்திரம். அப்பொழுது தான் மக்கள் ஒன்றை மறந்து இன்னொன்றை பேசுவார்கள். அதைப் பறறின மக்கள் கருத்தினை அறியலாம் என்ற நோக்கில் சமஸ்கிருத மொழி பிரச்சினையை உலவி விட்டிருக்கிறார்கள் என்று புரிந்து கொள்ள முடிகின்றது.
7.
மொழி பிரச்சினை என்பது உலக அளவில் சர்வதேசிய சிக்கல்களாக இன்னும் நீடிக்கின்றன. அப் பிரச்சினைகளுக்கு இன்னும் தீர்வு காணப்படவில்லை என்பதையும் கருத்தில் கொள்ள வேண்டும்.
ந.க.துறைவன்
*

ஐயா,நீங்கள் சொல்லித்தான் சமஸ்கிருதம் உலக மொழி என தெரிகிறது. உலக மொழி என்றால் என்ன? அதிகம் பேசப்படும் மொழியா அல்லது அதிக நாடுகளில் பயன்பாட்டில் உள்ள மொழியா? இவை எதிலும் சமஸ்கிருதம் சேரவில்லை.

இந்திய அரசின் உத்தியோக கணக்கெடுப்பின்படி பதினைந்து ஆயிரம் பேர் பயன்படுத்துகிறார்கள்.பேச்சு மொழியாக அல்ல என்பதை நினைவில் கொள்ள வேண்டும்.இந்த மொழி தொடக்க மொழி என்பதற்கும் ஆதாரம் கிடையாது.Proto-Indo-European மொழியில் இருந்து உருவான இந்தோ-ஐரோப்பியன்,இந்தோ ஆரியன்,இந்தோ ஈரானியன் என கிளை மொழிக் குடும்பம் பிரிகிறது.Indo-Iranian (Avestan) மொழியுடன் நெருங்கிய தொடர்பு Epic Sanskrit ற்கு இருப்பதாக சொல்லப்படுகிறது.

அசோகர் காலம் வரை எழுத்துருக் கிடையாத மொழி சமஸ்கிருதம். அத்துடன் தமிழுக்குப் பிந்தையது சமஸ்கிருதம் என லண்டனில் நடந்த வரலாற்று,மொழி ஆய்வாளர்கள் உறுதிப்படுத்தி உள்ளனர். இதை அமெரிக்க ஆய்வாளர் Alex Collier உம் உறுதிப்படுத்தி உள்ளார்.

இந்திய மொழியாக சொல்வதற்கும் இடம் இல்லை. ஏனெனில் இதன் இலக்கணம் சேர்மானிய குடும்ப மொழிகளுடன் தான் ஒத்துப் போகிறது. மேலும் இந்தோ என்பது இந்தியாவைக் குறிக்காது. பாகிஸ்தான்-ஆப்கான் இடையில் உள்ள மலைத்தொடரைக் குறிக்கிறது.

முழு வரலாற்றையும் Michael Wood ஆவணப்படமாகவும்BBC அதனை ஆறு தொகுதிகளாக தொலைக்காட்சியிலும் ஒளிபரப்பியது.

இந்தத் தகவல்கள் Michael Wood -BBC ,Alex Collier அவர்களிடம் இருந்து படித்தவை.
பேச்சு வழக்கற்ற ஒரு மொழியை,மிகப் பழைய நூல்கள் சில சமஸ்கிருதத்தில் இருப்பதால் அவற்றைப் படிக்க மட்டும் பயன்படுத்தும் நிலையில் ஏன் திணிக்க முயற்சிக்கிறார்கள் என்பது தெரியவில்லை. இந்தி திணிப்பு என்றால் பலர் பேசும் மொழி அரச மொழி எனக் காரணம் சொல்லலாம்.

அருமையான பதிவு
அவசியமான சந்தேகங்கள் ,
சிறப்பான விளக்கங்கள்

ந க துறைவன் , முர்த்தி .

ரமணியன்

நல்ல பகிர்வு !...நன்றி !