“5ஜி அலைக்கற்றை தொழில்நுட்பத்தால் வியக்கத்தக்க முன்னேற்றம் கிடைக்கும்’

**ayyasamy ram** · **ayyasamy ram** Tue Jun 14, 2016 7:24 am

-
இந்திய தகவல் தொழில்நுட்ப வடிவமைப்பு மற்றும் உற்பத்தி நிறுவனத்தில் திங்கள்கிழமை நடைபெற்ற பயிலரங்கில் கலந்துரையாடிய (இடமிருந்து) வேலம்மாள் பொறியியல் கல்லூரி பேராசிரியர்கள் கவிதா, மஞ்சு, இயக்குநர் ஆர்.ஞானமூர்த்தி, மத்திய மின்காந்தவியல் ஆராய்ச்சி மையத்தின் மூத்த விஞ்ஞானி பி.ஹனுமந்தராவ், ஒருங்கிணைப்பாளர்கள் எம்.டி.செல்வராஜ், பிரியங்கா கோகில்.

———————————-

2020-ஆம் ஆண்டில் மக்கள் பயன்பாட்டுக்கு வரவிருக்கும்
5வது தலைமுறை அலைக்கற்றை தொழில்நுட்பத்தால்
வியக்கத்தக்க முன்னேற்றம் உருவாகும் என்று மத்திய
மின்காந்தவியல் ஆராய்ச்சி மையத்தின் மூத்த விஞ்ஞானி
பி.ஹனுமந்தராவ் கூறினார்.

சென்னை வண்டலூரை அடுத்த மேலக்கோட்டையூரில் அமைந்துள்ள
இந்திய தகவல் தொழில்நுட்ப வடிவமைப்பு, உற்பத்தி நிறுவனத்தில்
(ஐ.ஐ.ஐ.டி.டி.எம்.) பொறியியல் துறை ஆய்வாளர்கள்,கல்லூரி
பேராசிரியர்களுக்கு 5ஆவது அலைக்கற்றை தொழில்நுட்பம் மேம்பாடு
குறித்த பயிலரங்கு நடைபெற்றது.

இதில், பி.ஹனுமந்தராவ் பேசியதாவது:

கப்பல், விமானம், செயற்கைக்கோள்களுக்கான ஆண்டனா வடிவமைப்பில்
இந்தியா தன்னிறைவும்,தனித்திறனும் பெற்றுத் திகழ்கிறது. தற்போது
பயன்பாட்டில் உள்ள 4ஆவது தலைமுறை (4ஜி)அலைக்கற்றை தொழில்
நுட்பத்தைவிட பன்மடங்கு வேகம் கொண்ட 5ஜி அலைக்கற்றை.

இந்தத் தொழில்நுட்பம் மூலம் முழு திரைப்படத்தையும் ஒரு விநாடியில்
தரவிறக்கம் செய்ய முடியும்.

அடுத்தக்கட்ட வளர்ச்சியாக பல்லாயிரக்கணக்கான உணர்திறன்
கொண்ட சென்சார்களை ஒன்றிணைத்து கார், வீட்டு உபயோகப்
பொருள்களின் செயல் இயக்கத்தை செல்லிடப்பேசியுடன் இணைத்து,
அனைத்து உபகரணங்களையும் இயக்க முடியும்.

இந்தச் சிறப்புத் தொழில்நுட்பம் 2020-ஆம் ஆண்டுக்குள் மக்கள்
பயன்பாட்டிற்கு வரும் என எதிர்பார்க்கப்படுகிறது என்றார்.

இதையடுத்து, இந்திய தகவல் தொழில்நுட்ப வடிவமைப்பு மற்றும்
உற்பத்தி நிறுவனம் இயக்குநர் பேராசிரியர் ஆர்.ஞானமூர்த்தி
பேசியதாவது:-

வடிவமைப்பு, உற்பத்தித் துறையில் இளையதலைமுறை மாணவ
ஆராய்ச்சியாளர்களின் பங்களிப்பு மிகவும் அவசியம். இந்திய
தயாரிப்புகளுக்கு உலகச்சந்தையில் தனிமரியாதை பெற கடும்
உழைப்பும், அர்ப்பணிப்பும் தேவை என்றார்.

பேராசிரியர் எம்.டி.செல்வராஜ், கருத்தரங்க ஒருங்கிணைப்பாளர்கள்
கே.பிரியங்கா கோகில்,எஸ்.எஸ்.கார்த்திகேயன் உள்ளிட்டோர்
பங்கேற்றனர்.
–
———————————-
தினமணி

சிவனாசான் · சிவனாசான் Thu Jun 16, 2016 6:21 am

எல்லாவற்றிலும் முன் ஏற்றம் தான். வெறுப்பில்லாமல் இருந்தால் தேவைதான்>>

“5ஜி அலைக்கற்றை தொழில்நுட்பத்தால் வியக்கத்தக்க முன்னேற்றம் கிடைக்கும்’

“5ஜி அலைக்கற்றை தொழில்நுட்பத்தால் வியக்கத்தக்க முன்னேற்றம் கிடைக்கும்’

Re: “5ஜி அலைக்கற்றை தொழில்நுட்பத்தால் வியக்கத்தக்க முன்னேற்றம் கிடைக்கும்’

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக