பஞ்சம் – கவிதை

**ayyasamy ram** · **ayyasamy ram** Mon Jun 13, 2016 10:09 pm

-
பஞ்சம்!

கட்சிகளுக்கும், காட்சிகளுக்கும்
பஞ்சமில்லை இந்த நாட்டில்!
–
அடைமொழி
தலைவர்களுக்கும்
தலைவிகளுக்கும் பஞ்சமில்லை!
–
கொடிகளுக்கும்
செலவு செய்ய கோடிகளுக்கும்
பஞ்சமில்லை!
–
விளம்பரங்களுக்கும்
கலவரங்களுக்கும் பஞ்சமில்லை!
–
தொண்டர்களுக்கும்
அடித்துக் கொள்ளும்
குண்டர்களுக்கும் பஞ்சமில்லை!
–
கூட்டங்களுக்கும்
கூட்டி வரும் ஆட்களுக்கும்
பஞ்சமில்லை!
–
ஊற்றிக் கொடுக்க மதுவிற்கும்
உண்டு மகிழ பிரியாணிக்கும்
பஞ்சமில்லை!
–
முழக்கத்திற்கும்
ஒருவரை ஒருவர் ஏசும்
சவால்களுக்கும் பஞ்சமில்லை!
–
எல்லா வளங்களும் உள்ள
இந்த மண்ணில் பஞ்சம் எல்லாம்
அறிவிற்குத்தான்!
–
————————————

—’சொல் கேளான்’ ஏ.வி.கிரி.
வாரமலர்

**krishnaamma** · **krishnaamma** Tue Jun 14, 2016 1:25 am

எல்லா வளங்களும் உள்ள
இந்த மண்ணில் பஞ்சம் எல்லாம்
அறிவிற்குத்தான்!

பஞ்சம் இல்லை, அறிவு இருப்பவர்கள் இங்கு தங்குவதில்லை.........அதற்குத்தான் பஞ்சம் சோகம்

பஞ்சம் – கவிதை

பஞ்சம் – கவிதை

Re: பஞ்சம் – கவிதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக