‘காதலனை கைப்பிடிக்கிறேன்’

**ayyasamy ram** · **ayyasamy ram** Mon Jun 13, 2016 11:59 am

-
நடிகை விசாகா சிங்கிற்கு விரைவில் திருமணமாகப்
போவதாக தகவல்கள் வெளியாகியுள்ளன. ‘பிடிச்சிருக்கு’
படத்தின் மூலம் தமிழில் அறிமுகமானவர் விசாகா சிங்.

ஆனால் அப்படம் சரியாக ஓடாததால் தமிழில் வாய்ப்புகள்
இல்லாமல் இருந்த நிலையில், சில ஆண்டுகள் கழித்துத் தமிழில்
இவர் மீண்டும் நடித்த ‘கண்ணா லட்டுத் தின்ன ஆசையா’
படம் பெரும் வெற்றி பெற்றது.

சேது, சந்தானம், ‘பவர்ஸ்டார்’ சீனிவாசன் ஆகியோர் இணைந்து
நடித்திருந்த இப்படம் விசாகா சிங்கிற்கும் நல்ல பெயரைப் பெற்றுக்
கொடுத்தது.

அதைத்தொடர்ந்து இவர் நடிப்பில் வெளியான ‘வாலிப ராஜா’,
‘ஒரு ஊர்ல ரெண்டு ராஜா’ படங்கள் பெரியளவில் இவருக்கு
கைகொடுக்கவில்லை.

இந்நிலையில் தனது நீண்ட நாள் காதலரை விசாகா மணம்
புரியப் போவதாக தகவல்கள் அடிபடுகின்றன. விசாகாவின்
காதலரான விக்ராந்த் ராவ், விமான நிறுவனம் ஒன்றின்
விளம்பரப்பிரிவு அதிகாரியாக பணி புரிகிறார்.

ரோம் நகரத்தில் பணிபுரியும் விக்ராந்த்-விசாகா இருவரும் கடந்த
15 ஆண்டுகளுக்கும் மேலாக நண்பர்களாக இருந்து வருகின்றனர்.
தற்போது இவர்களின் நட்பு, காதலாக மாறியுள்ளது.

விக்ராந்த் குறித்து பேசிய விசாகா, “விக்ராந்த் பழகுவதற்கு
இனிமையானவர். எனது காதல் எப்போதோ தொடங்கிவிட்டது.
இப்போது மிகவும் ஆழமாக நடந்துகொண்டிருக்கிறது.

எங்கள் காதல் குழந்தை பருவத்தில் இருந்தே தொடங்கிவிட்டது.
அவர் மிகவும் கனிவானவர். அவரை காதலனாக அடைந்தது எனது
பாக்கியம். “என் வாழ்வில் இன்னொருவரை காதலனாக ஏற்கும்
பேச்சுக்கே இடமில்லை. விரைவில் எங்களின் திருமணம் குறித்த
அறிவிப்பு வெளியாகும்,” என்று கூறியிருக்கிறார்.
–
————————————–
தமிழ் முரசு

‘காதலனை கைப்பிடிக்கிறேன்’

‘காதலனை கைப்பிடிக்கிறேன்’

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக