அவர் இரங்க வேண்டுவமே ! [ எம் . ஜெயராமசர்மா .. மெல்பேண் .. அவுஸ்திரேலியா ]

**ayyasamy ram** · **ayyasamy ram** Mon Jun 13, 2016 11:31 am

-
கடவுள் ஒருநாள் தமிழரைப் பார்க்கத்
தமிழ்நாடு வந்தாராம்
தமிழர் வெறியாய் ஓடித்திரிவதைத்
தெரிவினில் கண்டாராம்
காரணம் புரியா நிலையில் கடவுள்
கைகட்டி நின்றாராம் !

தோரணம் கட்டித் தமிழர்கள் எல்லாம்
துடிப்புடன் நின்றாரும்
ஆரது ஆட்சியைப் பிடிக்கிற தென்று
அடிபட்டுக் கொண்டாராம்
வாயிலே வந்ததை வார்த்தைகள் கொட்டி
வாக்குகள் கேட்டனராம் !
தோழமை என்றவர் சொல்லிலே சொல்லி
சொத்தெலாம் குவித்தனராம்
நாளைய வளர்ச்சி எதனையும் எண்ணா
நல்லதைச் சுருட்டினராம்
வேரொடு களைவோம் ஊழலை என்றவர்
விண்ணென உயர்ந்தனராம்
வியர்வையில் நின்றவர் அத்தனை பேருமே
விக்கித்து நின்றனராம் !
மதுவினை ஒழிப்போம் என்றுமே சொன்னவர்
மதுக்கடை திறந்தனராம்
மதியினை இழந்து மற்றவர் நின்றிட
மரமென இருந்தனராம்
நீதியைக் கையில் எடுத்துமே நின்று
நிட்டூரம் செய்தனராம்
சாதியைக் காட்டி சமயத்தைக் காட்டிய
சரித்திரம் படைத்தனராம் !

வேதனையில் மக்கள் வாழ
விதம்விதமாய் வீடு கட்டி
காதலுடன் கார் வாங்கி
கணக்கின்றிப் பணம் பதுக்கி
உலக வங்கி அனைத்திலுமே
உழைப்பின்றி வந்த பணம்
உபயோகப் படும் என்று
ஒதுக்கி வைப்பார் பக்குவமாய் !
படிப்பறியார் உடுப்பறியார் படுத்திருக்க இடமறியார்
பசியாற வழியின்றி பரிதவிக்கும் நிலையினிலே
துடித்தெழுந்து ஓடிவந்து துயர்துடைக்கும் மனமின்றி
அடித்தெழுந்து பேசுகின்றார் ஆட்சியிலே அமர்வதற்கு !
காந்திபோட்டி போடவில்லை கவிதாகூர் விரும்பவில்லை
சாந்திமனம் கொண்டவர்கள் சண்டைதனை விரும்பவில்லை
சரியான தேர்தலெனின் சண்டைக்கே இடமில்லை
சனநாயகம் தளைக்கச் சரியான வழிசமைப்போம் !

குத்து வெட்டு அத்தனையும்
சுத்தி வந்து பார்த்துவிட்டு
சத்தியமாய் தமிழ் நாட்டை
தான் நினைப்ப தில்லையென
உத்தமராம் எம் கடவுள்
உடனடியாய்ச் சென்று விட்டார்
அத்தனைபேர் மனம் மாற
அவர் இரங்க வேண்டுவமே !
–
————————————————-
எம் . ஜெயராமசர்மா ..
மெல்பேண் .. அவுஸ்திரேலியா

**krishnaamma** · **krishnaamma** Mon Jun 13, 2016 11:37 am

நிறைய எழுத்துப் பிழைகள் இருக்கே அண்ணா ......திருத்தி இருக்கலாமே சோகம்

**ayyasamy ram** · **ayyasamy ram** Mon Jun 13, 2016 11:48 am

ஆஸ்திரேலியா வாழ் தமிழர் ஆதங்கத்துடன் எழுதியுள்ள கவிதை...
-
பேச்சு வழக்கில் உள்ள நடையாக கவிதை இருக்கிறது...
-
அதனால் பிழை திருத்தம் செய்ய வில்லை...
-
அசலில் உள்ளதை அப்படியே பதிவிட்டு விட்டேன்...!!
-

**krishnaamma** · **krishnaamma** Mon Jun 13, 2016 11:50 am

ayyasamy ram wrote:ஆஸ்திரேலியா வாழ் தமிழர் ஆதங்கத்துடன் எழுதியுள்ள கவிதை...
-
பேச்சு வழக்கில் உள்ள நடையாக கவிதை இருக்கிறது...
-
அதனால் பிழை திருத்தம் செய்ய வில்லை...
-
அசலில் உள்ளதை அப்படியே பதிவிட்டு விட்டேன்...!!
-

மேற்கோள் செய்த பதிவு: 1210982

அடடா....பேச்சு வழக்கை நான் குறை சொல்லவில்லை அண்ணா, 2 - 3 இது போல இருக்கு , அதை சொன்னேன்...... 'சனநாயகம் தளைக்கச்' .....'சனநாயகம் தழைக்கச்' ......:)

Sponsored content · Sponsored content

அவர் இரங்க வேண்டுவமே ! [ எம் . ஜெயராமசர்மா .. மெல்பேண் .. அவுஸ்திரேலியா ]

அவர் இரங்க வேண்டுவமே ! [ எம் . ஜெயராமசர்மா .. மெல்பேண் .. அவுஸ்திரேலியா ]

Re: அவர் இரங்க வேண்டுவமே ! [ எம் . ஜெயராமசர்மா .. மெல்பேண் .. அவுஸ்திரேலியா ]

Re: அவர் இரங்க வேண்டுவமே ! [ எம் . ஜெயராமசர்மா .. மெல்பேண் .. அவுஸ்திரேலியா ]

Re: அவர் இரங்க வேண்டுவமே ! [ எம் . ஜெயராமசர்மா .. மெல்பேண் .. அவுஸ்திரேலியா ]

Re: அவர் இரங்க வேண்டுவமே ! [ எம் . ஜெயராமசர்மா .. மெல்பேண் .. அவுஸ்திரேலியா ]

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக