பிளாட்டினம் விளையும் பூமி தமிழகம்!

பிளாட்டினம் விளையும் பூமி தமிழகம்!
விரைவில் புதிய சுரங்கம் ஏலம் !!



தமிழகத்தில், விலை உயர்ந்த பிளாட்டினம் உலோகம் கிடைக்கும் இடத்தை, மத்திய அரசு கண்டறிந்துள்ளது. அந்தச் சுரங்கம் உட்பட, பல உலோகங்கள் கிடைக்கும், ஐந்து சுரங்கங்கள் விரைவில் ஏலம் விடப்பட உள்ளன.

இந்திய நில அளவை துறையினர், தமிழகத்தின் பல இடங்களில், பூமிக்கு அடியில் ஆய்வுகளை மேற்கொண்டு வருகின்றனர். தங்கத்தை விட பன்மடங்கு விலை உயர்வான பிளாட்டினம் என்ற உலோக பொருள் படிமங்கள், திருவண்ணாமலை மாவட்டத்தில் இருப்பதை அவர்கள் கண்டுபிடித்துள்ளனர்.

துறைப்பாடியில்..இதுகுறித்து, இந்திய நில அளவை துறை அதிகாரிகள் கூறியதாவது:
தமிழகத்தில், 10 புதிய கனிம சுரங்கங்களை கண்டறிந்து, மத்திய அரசுக்கு தகவல் தெரிவித்துள்ளோம். இதில்,

* திருவண்ணாமலை மாவட்டம், துறைப்பாடியில், 110 மீட்டர் ஆழத்தில் பிளாட்டினம் இருப்பது தெரியவந்துள்ளது.

* திருப்பூர் மாவட்டம், திருமாங்காரடு பகுதியில், இரும்புக்கல்!

* ராசிபுரம் அருகே சாம்பல்பட்டியில், அரிய வகை உலோகம் !

* திருச்செங்கோடு, சங்ககிரியில், கிரானைட்!

* நாமக்கல்லில், 'நிக்கல், குரோமியம், மேக்னசைட்' தாதுக்கள் கிடைப்பதை கண்டறிந்தோம்.

இந்த, ஐந்து சுரங்கங்களை ஏலம் விட மத்திய அரசு முடிவு செய்துள்ளது. அதனால், அவற்றை ஏலத்தில் விடும்படி, தமிழக அரசுக்கு மத்திய அரசு தகவல் தெரிவிக்கும். நாமக்கல் மாவட்டம், சித்தம்பூண்டியில் பிளாட்டினம் கிடைத்தாலும், மேற்கண்ட இடங்களில், தலா, 100 ஏக்கருக்கும் அதிகமான பரப்பில் கனிமங்கள் கிடைப்பதால், அவை முதலில் ஏலம் விடப்படும்.இவ்வாறு அவர்கள் தெரிவித்தனர்.

'தமிழகத்தில், 10 சுரங்கங்கள் உட்பட, நாட்டில், 100 சுரங்கங்கள் விரைவில் ஏலம் விடப்படும்' என, மத்திய அரசு அறிவித்துள்ளது. அது பற்றி, தமிழக சுரங்கம் மற்றும் புவியியல் துறை அதிகாரிகளை கேட்ட போது அவர்கள் கூறியதாவது:

'லீஸ்' கிடையாது:

இங்கு, 'மாலிப்டினம்' என்ற உலோகம் கிடைப்பதும் உறுதியாகிஉள்ளது. ஆனால், எந்த உலோக சுரங்கங்களை ஏலம் விடுவது என்பது பற்றி மத்திய அரசு தான் முடிவு செய்யும். இதுவரை, நாம், 'லீஸ்' அடிப்படையில் சுரங்கங்களை கொடுத்து வந்தோம். இனி, அந்த நடைமுறை இருக்காது.

கடந்த, 2015ல் திருத்தப்பட்ட சுரங்கம் மற்றும் கனிம சட்டப்படி, இனி கனிம சுரங்கங்களை, ஏலத்தில் மட்டுமே விட வேண்டும். ஆனால், ஏலம் விடும் அதிகாரம் மாநில அரசுக்குத் தான் உள்ளது.இவ்வாறு அவர்கள் கூறினர்.

பயன் என்ன? :

பிளாட்டினம், தங்கத்தை விட பன்மடங்கு விலை உயர்ந்தது. இது, 'வெள்ளை தங்கம்' என்றும் அழைக்கப்படுகிறது. இதை எந்த வடிவத்திலும் வார்க்க முடியும். கோடீஸ்வரர்கள், திரையுலக நட்சத்திரங்கள், 'மாடலிங்' மற்றும் விளையாட்டுத் துறை பிரபலங்கள், தங்கத்தைக் காட்டிலும் பிளாட்டி னம் பயன்படுத்துவதையே விரும்பு கின்றனர்.

ஆபரணங்கள் தயாரிப்பு தவிர்த்து, ரசாயன ஆலைகள், மருத்துவம், பல் மருத்துவம், 'ஏரோஸ்பேஸ்' உள்ளிட்ட பல துறைகளிலும், பிளாட்டினம் பயன்படுத்தப்படுகிறது.

தினமலர்

வாவ் !...........சூப்பர் !..................

தினமலரில் ரசித்த பின்னூட்டம் :

தமிழ்நாடே பொக்கிஷ பூமி - மிக அறிய கனிமங்கள் குவிந்து கிடக்கிறது என்ற செய்தி அருமையான செய்தி ... கனிமவளங்கள் குறித்து - மாநில அரசு மத்திய அரசின் கவனத்திற்கு தொலைநோக்கு பார்வையுடன் கொண்டு செல்லவேண்டும் . ( வளைகுடா நாடுகளில் பெட்ரோல் கிடைப்பதை அந்த நாட்டு அரசே ஏற்று நடத்தி உற்பத்தியை விரிவு படுத்தி பல ஆயிர கணக்கான நபர்களுக்கு வேலைவாய்ப்புகளை வழங்கி - தனது நாடும் நாட்டு மக்களின் வளர்ச்சி குறித்தும் நல்ல திட்டங்களை வகுத்து - வெளி நாடுகளுக்கு ஏற்றுமதி செய்து - அபார வளாச்சி அடைந்துள்ளது - மேலும் எதிர் கால முன்னேற்றங்கள் குறித்து செயல் வடிவம் கொடுத்து செயல் படுத்தி - வளர்ந்து வருகிறது ) தமிழ்நாட்டில் கிடைக்கும் அறிய வகை கனிமங்களை கொண்டு மத்திய அரசு ஏற்று தொலைநோக்கு பார்வையுடன் பல தொழில்சாலைகளை நிறுவி உள்நாட்டு தேவைகள் மற்றும் வெளிநாடுகளுக்கு ஏற்றுமதி செய்து கிடைக்கும் அந்நிய வருவாயை கொண்டு நல்ல முன்னேற்றகள் காண முடியும் - இந்தியா பல துறைகளில் முன்னேற்றம் காண வேண்டும் என்கிற சிந்தனையுடன் கருத்துவேறுபாடுகள் இல்லாமல் ஒன்று இணைந்து செயல்பட்டு வெற்றிகண்டு சரித்திரம் படைக்கலாம்..... குவைத்திலிருந்து P செல்லகணபதி

krishnaamma wrote:பிளாட்டினம் விளையும் பூமி தமிழகம்!
விரைவில் புதிய சுரங்கம் ஏலம் !!




* திருவண்ணாமலை மாவட்டம், துறைப்பாடியில், 110 மீட்டர் ஆழத்தில் பிளாட்டினம் இருப்பது தெரியவந்துள்ளது.
தினமலர்

மேற்கோள் செய்த பதிவு: 1210794

இனி திருவண்ணாமலை மாவட்ட அரசியல்வாதிகள் காட்டில் மழைதான் .

M.Jagadeesan wrote:

krishnaamma wrote:பிளாட்டினம் விளையும் பூமி தமிழகம்!
விரைவில் புதிய சுரங்கம் ஏலம் !!




* திருவண்ணாமலை மாவட்டம், துறைப்பாடியில், 110 மீட்டர் ஆழத்தில் பிளாட்டினம் இருப்பது தெரியவந்துள்ளது.
தினமலர்

மேற்கோள் செய்த பதிவு: 1210794

இனி திருவண்ணாமலை மாவட்ட அரசியல்வாதிகள் காட்டில் மழைதான் .

மேற்கோள் செய்த பதிவு: 1210815

ஆமாம் ஐயா !

திருவண்ணாமலையை குறிவச்சிட்டிங்களாடா நடத்துங்க நடத்துங்க எல்லாத்தையும் அந்த ஈசன் பார்த்துகிட்டு தான் இருக்கான்

திருவண்ணாமலைக்கு அரோகரா

யினியவன் wrote:திருவண்ணாமலைக்கு அரோகரா

மேற்கோள் செய்த பதிவு: 1210985

ஆனால் பிளாட்டினம் கோவிந்தா !.... கோவிந்தா !....

துரித கதியில் எதையும் செய்யும் நம்மிடம் இல்லை...
-
பிளாட்டினம் குறித்தும், ஒப்பந்தம் போடப்பட்டுள்ளது குறித்தும்
நீண்ட கட்டுரை ஒன்று புதிய தலைமுறை 29-7-2010-ல்
வந்தது.
-
சுமார் ஆறு ஆண்டுகள் கழிந்த பின்னரும் எந்த ஒரு
முன்னேற்றமும் இல்லை என்பதே உண்மை நிலை...!!!
-