14 அரசு அதிகாரிகளுக்குச் சொந்தமான இடங்களில் சிபிஐ அதிரடிச் சோதனை

வருமானத்துக்கு அதிகமாக சொத்து குவித்த 14 மத்திய அரசு அதிகாரிகளுக்கு எதிராக கடந்த மாதம் (மே) 16 முதல் 31 ஆம் தேதி வரை நாடு தழுவிய அளவில் அதிரடிச் சோதனைகளை நடத்தியதாக சிபிஐ தெரிவித்துள்ளது.
இது தொடர்பாக சிபிஐ வட்டாரங்கள் கூறியதாவது:
-
மத்திய அரசின் பல்வேறு துறைகளில் பணியாற்றும் குரூப் ஏ, பி, சி நிலை அதிகாரிகள் மற்றும் பொதுத் துறை நிறுவனங்களில் பணியாற்றும் அதிகாரிகள் என 14 பேருக்கு எதிராக வருமானத்துக்கு அதிகமாக சொத்து குவித்ததாக குற்றச்சாட்டுகள் எழுந்தன.
இதையடுத்து, நாட்டின் பல்வேறு பகுதிகளில் அவர்களுக்குச் சொந்தமாக உள்ள இடங்களில் சிபிஐ அதிகாரிகள் கடந்த மாதம் 16 முதல் 31 ஆம் தேதி வரை அதிரடிச் சோதனைகளை நடத்தினர். அப்போது ரூ.38.47 கோடி மதிப்பிலான சொத்துகள் கண்டறியப்பட்டன.
-
அவற்றில் பெரும் பகுதி மத்திய ஜவுளித் துறையில் துணைப் பொது மேலாளராகப் பணியாற்றும் ஆஷுதோஷ் சிங்கிற்குச் சொந்தமானதாகும். அவர் மீது வருமானத்துக்கு அதிகமாக ரூ.25 கோடிக்கு மேல் குவித்ததாக வழக்குப்பதிவு செய்யப்பட்டுள்ளது.
அவரைத் தவிர, பொதுத் துறை நிறுவனமான பிசிஎல்-லில் முதுநிலை மேலாளராகப் பணியாற்றிய நாராயண் சிங் வருமானத்துக்கு அதிகமாக ரூ.1.9 கோடி மதிப்புக்கு சொத்து குவித்திருந்தார். மதுரையில் மத்திய கலால் வரித் துறையில் (சேவை வரிப் பிரிவு) எஸ்.பி.யாகப் பணியாற்றும் அசோக் ராஜ் ரூ.41.9 லட்சத்தை வருமானத்துக்கு அதிகமாகக் குவித்திருந்தார். அவர்கள் மீதும் வழக்குப்பதிவு செய்யப்பட்டது. அவர்களுக்குச் சொந்தமான இடங்களிலும் சோதனைகள் நடத்தப்பட்டன என்று சிபிஐ வட்டாரங்கள் தெரிவித்தன.
-
மல்லையா மீது குற்றப் பத்திரிகைகள்: இதனிடையே, மதுபான நிறுவன அதிபர் விஜய் மல்லையா பல்வேறு வங்கிகளிடம் வாங்கிய ரூ.9 ஆயிரத்துக்கும் மேற்பட்ட மதிப்பிலான கடனைச் செலுத்தவில்லை என்று சிபிஐ வழக்குப்பதிவு செய்துள்ளது. அவர் மீது ஒன்றுக்கும் மேற்பட்ட குற்றப் பத்திரிகைகளை நீதிமன்றத்தில் தாக்கல் செய்ய அந்த அமைப்பு திட்டமிட்டுள்ளதாகத் தகவல்கள் தெரிவிக்கின்றன
-
தினமணி.

வருமானத்திற்கு அதிகமாக சொத்து சேர்ப்பதில் தவறில்லை என்று உச்சநீதி மன்றமே சொல்லிவிட்டதே ! அப்புறம் எதற்கு CBI சோதனை ?

அதிகமான சொத்து எவ்வளவு என நிர்ணயித்தால்தானே
அதில் 45 சதவீதம் வரியாக கட்ட சொல்லலாம்...!