தந்தையை துண்டு துண்டாக வெட்டிய மகன்!

தந்தையை துண்டு துண்டாக வெட்டிய மகன் கேரளாவை உலுக்கிய கொடூர கொலை !



செங்கனுார்:"கேரளாவை உலுக்கிய செங்கனுார் கொலையில், பணம் கொடுக்காத ஆத்திரத்தில், பெற்ற மகனே, தந்தையை சுட்டுக்கொன்று, உடலை துண்டு துண்டாக வெட்டி வீசியது அம்பலமாகிஉள்ளது. கேரள மாநிலம், ஆலப்புழா மாவட்டம் செங்கனுார் பகுதியைச் சேர்ந்தவர் ஜான், 63. தொழிலதிபரான இவர், சில காலம் அமெரிக்காவில் வசித்து வந்தார். இவரது மகன் ஷெரின், 31.

சில தினங்களுக்கு முன், இருவரும் காணாமல் போயினர். ஜானின் மனைவி மரியம்மாள் அளித்த புகாரின் அடிப்படையில், போலீசார் இருவரையும் தேடி வந்தனர். செங்கனுாரில், மகன் ஷெரினை, தனிப்படை போலீசார் கண்டுபிடித்தனர். அவனிடம் நடத்திய விசாரணையில்,

'எதுவுமே தெரியாது' என, அவர் கூறிவிட்டான். இந்நிலையில், 'பணம் கொடுக்காத ஆத்திரத்தில், தந்தையை கொலை செய்தேன்' என, ஷெரின் நேற்று முன்தினம் ஒப்புக்கொண்டான்.

போலீசாரிடம் அவர் அளித்த வாக்குமூலம்:

மே, 25ல், தந்தை ஜானுடன், காரில் திருவனந்தபுரம் சென்று, வாடகை பணம் ஒரு லட்சம் ரூபாயை வசூல் செய்து விட்டு, வீடு திரும்பிக் கொண்டு இருந்தோம். அப்போது, பணம் தரும்படி தந்தையிடம் கேட்டேன். ஆனால், அவர் பணம் தரவில்லை. இதனால் வாக்குவாதம் ஏற்பட்டது. அப்போது, நான் எடுத்து வந்த துப்பாக்கியால், அவரை நோக்கி சுட்டேன்; தந்தை ரத்தவெள்ளத்தில் காருக்குள் சாய்ந்தார்.

பின், காரை ஓட்டிச் சென்றேன். ஆள் இல்லாத இடத்தில், தந்தையின் உடலை எரித்தேன்; ஆனால், முழுமையாக எரியவில்லை. பின், ஆறு துண்டுகளாக அவரது உடலை வெட்டி, வெவ்வேறு பகுதிகளில் வீசினேன்.

இவ்வாறு அவன் கூறினான். இதையடுத்து, தந்தையின் உடல் பாகங்களை தேடி எடுப்பதற்காக, ஷெரினையும் அழைத்துக் கொண்டு போலீசார் சென்றனர். அவன் காட்டிய இடங்களில் இருந்து, உடல் பாகங்கள்

மீட்கப்பட்டன. ஷெரினை கைது செய்து, போலீசார் சிறையில் அடைத்தனர். ஜானின் உடல், பிரேத பரிசோதனைக்கு பின், உறவினர்களிடம் ஒப்படைக்கப்பட்டது.

ஆற்றில் மிதந்த கை !

ஆராட்டுபுழாவில், பம்பையாற்றில் குளித்துக் கொண்டு இருந்த சிலர், கை ஒன்று மிதந்து வருவதை பார்த்து போலீசாருக்கு தகவல் தெரிவித்தனர்; கையை, போலீசார் கைப்பற்றினர்.

இதையடுத்தே போலீசார் சந்தேகம் அடைந்து, ஷெரினிடம் கடுமையான முறையில் விசாரணை நடத்தினர். ஷெரினை அழைத்துச் சென்று, மற்ற பாகங்களையும் மீட்டனர்.

சங்கனாஞ்சேரி குளத்தில், ஜானின் உடல், கருகிய நிலையில் எடுக்கப்பட்டது. சிங்கவனம் என்ற இடத்தில், புதரில் இருந்து தலையை மீட்டனர். தந்தை மீது வெறுப்பு'தொழிலதிபரான என் தந்தை, சிறுவயதில் இருந்தே, பாசத்தை விட, பணத்தின் மீதே ஆர்வம் காட்டினார். இதனால், தந்தை மீது வெறுப்பு இருந்து வந்தது' என ஷெரின் வாக்குமூலத்தில் தெரிவித்துள்ளான்.

தினமலர்