முதல்வருடன் அணிவகுக்கும் வாகனங்கள் குறைப்பு:

**ayyasamy ram** · **ayyasamy ram** Thu May 26, 2016 7:41 am

அஸ்ஸாம் அமைச்சரவையின் முதல் முடிவு
-
முதல்வருடன் அணிவகுக்கும் வாகனங்கள் குறைப்பு: GHLSNeolSHqe7WOJ1Hr8+81

-
முதல்வர் செல்லும்போது அவரது வாகனத்துக்கு முன்னும், பின்னும் செல்லும் வாகனங்களின் எண்ணிக்கையைக் குறைக்க அஸ்ஸாம் மாநிலத்தின் முதல் அமைச்சரவைக் கூட்டத்தில் முடிவெடுக்கப்பட்டது.
-
மாநிலத்தின் முக்கியப் பகுதிகளுக்கு முதல்வர் செல்லும்போது, அதனால் பொதுமக்களுக்கு எந்த விதத்திலும் தொந்தரவு ஏற்படக் கூடாது என்பதைக் கருத்தில் கொண்டு இந்த முடிவு எடுக்கப்பட்டுள்ளது.
-
அஸ்ஸாமில் பாஜக தலைமையிலான அரசு செவ்வாய்க்கிழமை பொறுப்பேற்றது. சர்வானந்த சோனோவால் முதல்வராகப் பதவியேற்றார். இதையடுத்து குவாஹாட்டியில் புதன்கிழமை சோனோவால் தலைமையில் முதல் அமைச்சரவைக் கூட்டம் நடைபெற்றது. அதில், தேர்தலின் போது அளித்த வாக்குறுதிகளை நிறைவேற்றுவது மாநிலத்தின் வளர்ச்சியை மேம்படுத்த மேற்கொள்ள வேண்டிய நடவடிக்கைகள், அரசின் செலவினங்களையும், ஆடம்பரத்தையும் குறைப்பது குறித்து விவாதிக்கப்பட்டது.
-
அப்போது, "மக்களின் குறைகளைப் போக்க முடிந்த அளவுக்கு விரைவாக நடவடிக்கைகளை மேற்கொள்ள வேண்டும். மாநிலத்தின் நலனைக் கருத்தில் கொண்டு முழுமூச்சுடன் செயல்பட வேண்டும். ஒவ்வொரு துறையும் சிறந்த நிர்வாகத்தை அளிக்க வேண்டும்' என்று அமைச்சர்களிடம் சோனோவால் கேட்டுக் கொண்டார்.
-
முதல்வரின் வாகனம் செல்லும்போது முன்னும், பின்னும் அணிவகுத்துச் செல்லும் வாகனங்களின் எண்ணிக்கையைக் குறைப்பது, பிற மாநில எல்லையில் உள்ள சோதனைச் சாவடிகளை மூடுவது, மத்திய அரசில் உள்ளதுபோல குரூப் 3,4 பணித் தேர்வின்போது நேர்முகத் தேர்வை ரத்து செய்வது போன்ற முக்கிய முடிவுகளும் அமைச்சரவைக் கூட்டத்தில் எடுக்கப்பட்டன.
-
தினமணி

**T.N.Balasubramanian** · **T.N.Balasubramanian** Thu May 26, 2016 8:58 am

தமிழகத்திலோ என்று நினைத்துவிட்டேன் சோகம்

ரமணியன்

**krishnaamma** · **krishnaamma** Thu May 26, 2016 10:05 am

மாநிலத்தின் முக்கியப் பகுதிகளுக்கு முதல்வர் செல்லும்போது, அதனால் பொதுமக்களுக்கு எந்த விதத்திலும் தொந்தரவு ஏற்படக் கூடாது என்பதைக் கருத்தில் கொண்டு இந்த முடிவு எடுக்கப்பட்டுள்ளது.

கொஞ்சம் சத்தமாய் சொல்லுங்கப்பா, நம்ம ஆட்கள் காதிலும் விழட்டும் ஜாலி

Hari Prasath · Hari Prasath Thu May 26, 2016 12:14 pm

நான் கூட தமிழ்நாடுனு நெனச்சு ஷாக் ஆயிட்டேன் அதிர்ச்சி

**ayyasamy ram** · **ayyasamy ram** Thu May 26, 2016 1:23 pm

முதல்வருடன் அணிவகுக்கும் வாகனங்கள் குறைப்பு: 8Mx5FdGmTbeyxiDOHMp7+jayasmile300

-
அம்மா கவனத்திற்கு கொண்டு செல்லும்
தைரியம் உள்ள ஆண்கள்..ம்ஹூம்,
பெண்களாவது கொண்டு சென்றால்
இங்கும் அதே நிலை உருவாகும்...!!

சிவனாசான் · சிவனாசான் Thu May 26, 2016 4:44 pm

அஸ்சாம் முதல்வர்தான் முதல்வர். நம்ப நாட்லதா பகட்டு மேனி படாட்ரூபம் தலைவிரித்தாடுதே கட்அவுட்டுக்கு பால் அபிஷேகம் எல்லாம் நடந்தேருதே!!!!!!!!!!!

**krishnaamma** · **krishnaamma** Thu May 26, 2016 11:11 pm

Hari Prasath wrote:நான் கூட தமிழ்நாடுனு நெனச்சு ஷாக் ஆயிட்டேன்

நானும் அப்படி நினைத்துத் தான் உள்ளே வந்தேன் ஹரி புன்னகை

**krishnaamma** · **krishnaamma** Thu May 26, 2016 11:12 pm

ayyasamy ram wrote:
-
அம்மா கவனத்திற்கு கொண்டு செல்லும்
தைரியம் உள்ள ஆண்கள்..ம்ஹூம்,
பெண்களாவது கொண்டு சென்றால்
இங்கும் அதே நிலை உருவாகும்...!!

ம்ம்... நிஜம் தான் அண்ணா.............அவங்க யார் சொன்னா கேட்பாங்க என்றே தெரியலையே ! சோகம்

**krishnaamma** · **krishnaamma** Thu May 26, 2016 11:13 pm

P.S.T.Rajan wrote:அஸ்சாம் முதல்வர்தான் முதல்வர். நம்ப நாட்லதா பகட்டு மேனி படாட்ரூபம் தலைவிரித்தாடுதே கட்அவுட்டுக்கு பால் அபிஷேகம் எல்லாம் நடந்தேருதே!!!!!!!!!!!

மேற்கோள் செய்த பதிவு: 1208653

சோகம்