கர்நாடகாவில் இருந்து மாநிலங்களவைக்கு தேர்வாகிறார் வெங்கய்ய நாயுடு: பாஜக முடிவுக்கு கன்னட அமைப்பினர் கடும் எதிர்ப்பு

**ayyasamy ram** · **ayyasamy ram** Thu May 26, 2016 11:13 pm

-
மாநிலங்களவை உறுப்பினராக உள்ள மத்திய நகர்ப்புற வளர்ச்சித் துறை அமைச்சர் வெங்கய்ய நாயுடுவின் பதவி காலம் இம்மாதத்துடன் நிறைவடைகிறது. எனவே மீண்டும் கர்நாடகா வில் இருந்து பாஜக சார்பாக மாநிலங்களவை உறுப்பினராக தேர்வு செய்ய பரிந்துரை செய் யப்பட்டுள்ளது. பாஜகவின் இந்த முடிவுக்கு கர்நாடக ரக்ஷன வேதிகே, நவநிர்மாண் சேனா உள்ளிட்ட கன்னட அமைப்பினர் கடும் எதிர்ப்பு தெரிவித்துள்ளனர். இதே போல பெங்களூரு ஐ.டி. கன்னட‌ நண்பர்கள் குழுவினரும் வெங்கய்ய நாயுடுவுக்கு எதிர்ப்பு தெரிவித்து பேஸ்புக்கில் போராட்டத்தை நடத்தி வருகின் றனர்.

இந்நிலையில் கர்நாடக ரக்ஷன வேதிகே அமைப்பினர் பெங்களூர், மைசூரு, பெல்லாரி, யாதகிரி, ஹூப்ளி உள்ளிட்ட பல்வேறு இடங்களில் வெங்கய்ய நாயுடுவை பரிந்துரை செய்த பாஜக மேலிடத்தை கண்டித்து போராட்டம் நடத்தினர்.

இது தொடர்பாக கர்நாடக ரக்ஷன வேதிகே அமைப்பின் தலைவர் நாராயண கவுடா பெங் களூருவில் செய்தியாளர்களிடம் கூறியதாவ‌து:

கர்நாடகாவில் இருந்து 3 முறை மாநிலங்களவைக்கு தேர்ந் தெடுக்கப்பட்டுள்ள வெங்கய்ய நாயுடு ஒருவரி கூட‌ கன்னட மொழி யில் பேசுவதில்லை. கர்நாடக மாநிலத்தின் நலனுக்காக, நாடாளு மன்றத்தில் ஒருமுறை கூட‌ பேசிய தில்லை. வெங்கய்ய நாயுடுவை தேர்வு செய்வதன் மூலம் பாஜக கன்னடர்களுக்கு துரோகம் செய்கிறது. கன்னடர்களை மதிக்காத பாஜகவை மக்கள் புறக்கணிக்க வேண்டும்.

கர்நாடகாவை சேர்ந்தவர்களை மட்டுமே மாநிலங்கள வைக்கு அனுப்ப வேண்டும்'' என்றார்.
-
தமிழ் தி இந்து காம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக