100 யூனிட் இலவச மின்சாரம்: அரசு ஏமாற்றுவதாக ராமதாஸ் கருத்து

**ayyasamy ram** · **ayyasamy ram** Wed May 25, 2016 3:10 pm

ராமதாஸ் | கோப்புப் படம்.

100 யூனிட் இலவச மின்சாரம் வழங்குவதாக
அறிவித்துவிட்டு, அதை முறையாக வழங்காமல்
1.11 கோடி குடும்பங்களை ஏமாற்றுவது கண்டிக்கத்
தக்கது என்று பாமக நிறுவனர் ராமதாஸ் கூறியுள்ளார்.

இது தொடர்பாக இன்று அவர் வெளியிட்ட அறிக்கையில்,
''தமிழகத்தில் அனைத்து வீடுகளுக்கும் 100 யூனிட்
மின்சாரம் இலவசமாக வழங்கப்படும் என்று அறிவித்துள்ள
முதல்வர் ஜெயலலிதா அதற்கான உத்தரவிலும்
கையெழுத்திட்டுள்ளார்.

ஆனால், இந்த அறிவிப்பு செயல்படுத்தப்படும் விதத்தால்
1.11 கோடி நுகர்வோருக்கு சொல்லிக் கொள்ளும்படியாக
எந்த பயனும் ஏற்படாது. மொத்தத்தில் இந்த அறிவிப்பு
மக்களை ஏமாற்றும் செயலாகவே அமையும்.

2016 சட்டப்பேரவைத் தேர்தலுக்கான அதிமுகவின் தேர்தல்
அறிக்கையில், ''மின்சாரம் அனைவருக்கும் மிகவும்
அத்தியாவசியமான ஒன்று என்பதால் தற்போதைய
கணக்கீட்டு முறைப்படி 100 யூனிட் மின்சாரம் கட்டணம்
ஏதுமில்லாமல் வீடுகளுக்கு வழங்கப்படும்'' என வாக்குறுதி
அளிக்கப்பட்டிருந்தது.

ஒரு வீட்டில் 100 யூனிட் வரை மின்சாரம் பயன்படுத்தப்
பட்டிருந்தால் அதற்கு கட்டணம் வசூலிக்கப்படக்கூடாது;
200 யூனிட் வரை மின்சாரம் பயன்படுத்தப்பட்டிருந்தால்
அதில் 100 யூனிட்டை இலவசமாக கருதி கழித்து விட்டு,
மீதமுள்ள 100 யூனிட் மின்சாரத்திற்கு தற்போதைய
கணக்கீட்டு முறைப்படி கட்டணம் வசூலிக்கப்பட வேண்டும்
என்பது தான் அதிமுக அளித்த வாக்குறுதியின் பொருள்.
ஆனால், அதிமுக அரசு பிறப்பித்துள்ள ஆணை இதற்கு
நேர்மாறாக அமைந்திருக்கிறது.

அதிமுக அரசு பிறப்பித்துள்ள ஆணைப்படி
இரு மாதங்களுக்கு 100 யூனிட் வரை மின்சாரம் பயன்
படுத்தும் குடும்பங்களுக்கு பிரச்சினை இல்லை.
அவர்களிடம் எந்த கட்டணமும் வசூலிக்கப்படாது.

ஆனால், அதற்கும் அதிகமாக மின்சாரம் பயன்படுத்தும்
குடும்பங்களுக்குத் தான் சிக்கல் ஏற்படும்.

உதாரணமாக, ஒரு வீட்டில் 2 மாதங்களுக்கு 600 யூனிட்
மின்சாரம் பயன்படுத்தப்படுவதாக வைத்துக் கொள்வோம்.
அந்த வீட்டிற்கு இப்போது ரூ.2790 கட்டணமாக
வசூலிக்கப்படுகிறது. 100 யூனிட் இலவச மின்சாரம் வழங்கும்
திட்டப்படி மொத்தப் பயன்பாட்டில் 100 யூனிட்டுகளை கழித்து
விட்டு மீதமுள்ள 500 யூனிட்டுகளுக்கு ரூ.1330 கட்டணம்
வசூலிக்கப்பட வேண்டும்.

இது தான் நேர்மையான நடைமுறையாக இருக்கும்.
அவ்வாறு செய்யும் போது அக்குடும்பத்திற்கு
ரூ.1460 மிச்சமாகும்.

ஆனால், அரசு அறிவித்துள்ள திட்டத்தின்படி மொத்தக்
கட்டணமான ரூ.2790 -ல் 100 யூனிட்டுகளுக்கான கட்டணம்
ரூ.350-ஐ கழித்து விட்டு, மீதமுள்ள ரூ.2440 செலுத்த
வேண்டும். இதனால் இத்திட்டப்படி அந்த குடும்பங்களுக்கு
கிடைக்க வேண்டிய கட்டண சலுகையில் ரூ.1110 குறைகிறது.

அதேபோல், ஒரு வீட்டில் இரு மாதங்களுக்கு
200 யூனிட் மின்சாரம் பயன்படுத்தப்பட்டால் இலவச
மின்சாரத் திட்டத்தின்படி 100 யூனிட் கழித்து மீதமுள்ள
100 யூனிட்களுக்கு ரூ.120 மட்டுமே கட்டணம் வசூலிக்கப்பட
வேண்டும். ஆனால், இப்போது ரூ. 233 வசூலிக்கப்படும்
என்று அறிவிக்கப்பட்டுள்ளது.

இரு மாதங்களுக்கு 400 யூனிட் வரை மின்சாரம் பயன்
படுத்துவோருக்கு இப்போது ரூ.1030 கட்டணம் வசூலிக்கப்
படுகிறது. இலவச மின்சாரத்திட்டத்தின்படி
இது 300 யூனிட் கட்டணமான ரூ.730 ஆக குறைக்கப்
படவேண்டும்;

ஆனால் இது ரூ.830 ஆக மட்டுமே குறைக்கப்படும்
என அரசு அறிவித்துள்ளது. இதனால் 100 யூனிட்டுகளுக்கு
மேல் பயன்படுத்தும் 1.11 கோடி வீடுகளுக்கு பெரிய பயன்
கிடைக்காது.

கல்வி, சுகாதாரம், விவசாயத்திற்கான இடுபொருட்கள்
ஆகியவை மட்டும் தான் இலவசமாக வழங்கப்பட வேண்டும்
என்பதே பாமகவின் கொள்கை ஆகும்.
வறுமையில் வாடும் குடும்பங்களுக்கு ஏற்கெனவே இலவச
மின்சாரம் வழங்கப்பட்டு வரும் நிலையில், வாக்குவங்கியை
குறிவைத்து கோடீஸ்வரர்களுக்கும் இலவச மின்சாரம் வழங்கும்
திட்டத்தில் பாமகவுக்கு உடன்பாடு இல்லை.

ஏற்கெனவே மீளமுடியாத கடன் சுமையில் சிக்கி, ஆண்டுக்கு
ரூ.1000 கோடிக்கும் அதிகமாக வட்டி செலுத்தி வரும் மின்சார
வாரியத்தை மேலும் நலிவடையச் செய்யவே இத்திட்டம்
வழிவகுக்கும்.

அதேநேரத்தில் 100 யூனிட் இலவச மின்சாரம் வழங்குவதாக
அறிவித்துவிட்டு, அதை முறையாக வழங்காமல் 1.11 கோடி
குடும்பங்களை ஏமாற்றுவது கண்டிக்கத்தக்கது.

அதிமுகவின் தேன் தடவிய வாக்குறுதிகளை நம்பி
ஏமாறாமல் தமிழக மக்கள் இனியாவது விழிப்புணர்வு பெற
வேண்டும்'' என்று ராமதாஸ் கூறினார்.
-
-----------------------------------
தமிழ் தி இந்து காம்

**ayyasamy ram** · **ayyasamy ram** Wed May 25, 2016 3:13 pm

100 யூனிட் இலவச மின்சாரம்: அரசு ஏமாற்றுவதாக ராமதாஸ் கருத்து RUF6S0xuTD2LGbyjPdRw+minnn_2866319f

**T.N.Balasubramanian** · **T.N.Balasubramanian** Wed May 25, 2016 6:59 pm

இனிமேல் மாமியார் மருமகள் உறவு மாதிரி ,
தோற்றவர்கள் ,தற்போதைய ஆட்சியின் எல்லாவற்றிலும் குற்றம் குறைகளை
நோண்டி நொண்டிப் பார்த்து சந்தோஷப்பட்டுக் கொள்வார்கள் .
பரிதாபம்தான் .
ஆக்கப் பூர்வமாக ,அறிவுரைகளை கூறுங்கள் ,அடுத்த தேர்தலில் 5 /6 இடங்கள் கிடைக்கும் .

ரமணியன்

சிவனாசான் · சிவனாசான் Wed May 25, 2016 8:28 pm

மாதம் ஒருமுறை @ மாதாமாதம் மின்கட்டணம் செலுத்திட வழிவகை செய்தாலே போதும் . இலவசமே >>>>>>>>>>

**T.N.Balasubramanian** · **T.N.Balasubramanian** Wed May 25, 2016 8:53 pm

P.S.T.Rajan wrote:மாதம் ஒருமுறை @ மாதாமாதம் மின்கட்டணம் செலுத்திட வழிவகை செய்தாலே போதும் . இலவசமே >>>>>>>>>>

மேற்கோள் செய்த பதிவு: 1208554
மாதாமாதம் கணக்கெடுக்க மின்துறை வரவேண்டும் .
மாதாமாதம் க்யூவில் நின்று பணம் கட்டனும் .
மாதாமாதம் கணக்கு எடுப்பதால் என்ன பயன் என்று கூறுங்கள் .
மாதாமாதம் 100 யூனிட் இலவசம் வேண்டுமா ?
ரமணியன்

Sponsored content · Sponsored content

100 யூனிட் இலவச மின்சாரம்: அரசு ஏமாற்றுவதாக ராமதாஸ் கருத்து

100 யூனிட் இலவச மின்சாரம்: அரசு ஏமாற்றுவதாக ராமதாஸ் கருத்து

Re: 100 யூனிட் இலவச மின்சாரம்: அரசு ஏமாற்றுவதாக ராமதாஸ் கருத்து

Re: 100 யூனிட் இலவச மின்சாரம்: அரசு ஏமாற்றுவதாக ராமதாஸ் கருத்து

Re: 100 யூனிட் இலவச மின்சாரம்: அரசு ஏமாற்றுவதாக ராமதாஸ் கருத்து

Re: 100 யூனிட் இலவச மின்சாரம்: அரசு ஏமாற்றுவதாக ராமதாஸ் கருத்து

Re: 100 யூனிட் இலவச மின்சாரம்: அரசு ஏமாற்றுவதாக ராமதாஸ் கருத்து

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக