உண்மையின் கதறல்

**மதுமிதா** · **மதுமிதா** Fri May 06, 2016 3:24 pm

கற்பழிக்க பட்ட பெண்ணுடய தாயின் கதறல்...

அட கொடியவனே! பத்து மாதம் ஆசைக்கொண்டு
உயிர்கொடுத்தேன் என் உத்தமிக்கு!
.
உன் பத்து நிமிட ஆசைக்காக
உயிர்எடுத்தது ஏனோ?
.
பட்டினிக்கொண்டு பால் வார்த்தேனே
என் பார்வதிக்கு!
.
இந்த ஒட்டுதுணிஇல்லா கோலத்தில்
பார்க்கதானா? அட மிருகமே!
.
விலைமகள் ஆயிரம் இருக்க
என் கலைமகளை தேர்ந்தெடுத்தது ஏனோ?
.
உளிகொண்டு செதுக்கிய என் சிற்பத்தை!
காமவலிதந்து சிதைத்தது ஏனோ?
.
அட காமவெறியனே! உன் குடிபோதை
என் குலராதையை அல்லவா அழித்துவிட்டது!
.
ஐயஹோ! கண்மைஅழிந்தாலே கதறுவாளே
என் கண்மணி!
இன்று கற்பழிந்து கிடக்குறாளே என் செய்வேனோ?
.
சிலிர்க்க வைக்கும் அற்புதம் செய்யும் சிவபெருமனே!
என் கண்ணகி கற்பழியும் வேலை
வெறும் சிலைஆனது ஏனோ?
.
பண்பாடோடு வாழும் தமிழகமே!
என் பெண்படும் பாடு புரியலையோ?
.
பூமியையே வயிற்றில் சுமக்கும் பூமாதேவியே!
என் பூமகள் கற்பழியும் தருணம்
உன் கர்ப்பமே களைவதுபோல் உணரலையோ?
.
அப்பாவி மக்களை அழித்த ஆழிஅலையே!
இந்த படுபாவிகளை மட்டும் விட்டு வைத்தது ஏனோ?
.
விதிகணக்கு எழுதிய எமதர்மனே!
உன் தாமத்தால்
என் மகளை காமஅரக்கன் அல்லவா தீண்டிவிட்டான்!
.
நீதியின் குலமகளே!
ஒரு நிமிடம் கண் விழித்து என் கற்பகம்
கற்பழிந்து கிடப்பதை பார்
.
இன்னும் ஏன் இந்த மௌனம்?
உன் கண்களை மூடி இருப்பது கருப்பு துணியா?
இல்லை செல்வந்தர்களின் கருப்பு பணமா?
.
கற்புக்கரசி கண்ணகியே!
உன் மகளின் கற்பைகாக்க தவறியது ஏனோ?
ஓர் வேளை.....
உன் கற்பை காத்துகொள்ள ஒளிந்து கொண்டாயோ..?
.
பெற்ற வயுறு பற்றி எரிகிறது
என் மகளுடய உடலுடன் சேர்ந்து...
.
பெண்களிடம்....
வெறும் சதயை மட்டும் பார்க்கும் இந்த சமுதாயத்தில்
33 சதவீதம் கொடுத்து மட்டும் என்ன பயன்?
.
அட அரக்கர்களே அடக்குங்கள் உங்கள் காம தாகத்தை...!
.
வாங்கி சேர்க்காதே பெண்களின் சாபத்தை...!
காக்கவிடு எங்கள் மானத்தை ...!
இல்லை அழித்துவிடுவோம் இந்த உலகத்தை...!
.
உயிர் கொடுக்க முடிந்த என்னால்
உயிர் எடுக்கவும் முடியும்மடா!
.
இருந்தும் விட்டு விடுகிறேன்
பிள்ளையை இழந்து நான் படும்பாடு
உன் தாயிற்கும் நேரிடா வேண்டாம்......!

முகனூலில் படித்தது

shobana sahas · shobana sahas Fri May 06, 2016 6:53 pm

கவிதை மிகவும் அருமை. படிக்கும் போது மனசு வலிக்குது ...
இந்த வரிகள் மிகவும் அற்புதம் ...
//ஐயஹோ! கண்மைஅழிந்தாலே கதறுவாளே
என் கண்மணி!
இன்று கற்பழிந்து கிடக்குறாளே என் செய்வேனோ?
//
உண்மையின் கதறல் 3838410834

மது .

Hari Prasath · Hari Prasath Sat May 07, 2016 8:46 am

வரிகள் வலிக்கின்றது மனதில்.

**ஜாஹீதாபானு** · 16/04/2011

//உயிர் கொடுக்க முடிந்த என்னால்
உயிர் எடுக்கவும் முடியும்மடா!
.
இருந்தும் விட்டு விடுகிறேன்
பிள்ளையை இழந்து நான் படும்பாடு
உன் தாயிற்கும் நேரிடா வேண்டாம்......!//

இப்படிப்பட்ட மகன் இறந்தால் நல்ல தாய் எவளும் வருத்தப்படமாட்டாள்

**ayyasamy ram** · **ayyasamy ram** Sun May 08, 2016 2:25 am

**krishnaamma** · **krishnaamma** Sun May 08, 2016 3:23 pm

படிக்கும்போதே மனம் பதறுகிறது மது...... சோகம்

**krishnaamma** · **krishnaamma** Sun May 08, 2016 3:28 pm

ஜாஹீதாபானு wrote://உயிர் கொடுக்க முடிந்த என்னால்
உயிர் எடுக்கவும் முடியும்மடா!
.
இருந்தும் விட்டு விடுகிறேன்
பிள்ளையை இழந்து நான் படும்பாடு
உன் தாயிற்கும் நேரிடா வேண்டாம்......!//

இப்படிப்பட்ட மகன் இறந்தால் நல்ல தாய் எவளும் வருத்தப்படமாட்டாள்

நீங்க வேற பானு, அவள் நல்ல தாயாய் இருந்து இருந்தால் அந்த பையன் இப்படி செய்யவே மாட்டானே............டெல்லி இல் நடந்த கொடுமை இன் போது, ஒரு பையனின் அம்மாவைக் கேட்ருக்காங்க ( டிவி பேட்டி ) ......."உங்க பையன் இப்படி செய்தது தப்பு இல்லையா? " என்று,

அது அந்த நாய்/ தாய் சொல்லரா, " ஆம்பளை என்றல் இது கூட இல்லாவிட்டால் எப்படி ?.....அந்த பெண் எதுக்கு அந்தநேரத்தில் வரணும்?.......மேலும் பெண்களே இதுக்குத்தானே"....என்கிற ரீதி இல் பதில் சொல்லி இருக்காங்க........ கோபம்

அந்தப் பையனும், சொல்கிறான் ," நான் எத்தனையோ பேரை இப்படி செய்து இருக்கேன், இவ செத்ததுனால தான் பிரச்சனை"....என்று ...................நாங்க ஏதோ ஒரு ஹிந்தி சானலில் அப்போ பார்த்தோம்......கொதித்துப் போனோம்......ஆனால் என்ன செய்வது?..........நம் BP எகிறுவது தான் மிச்சம் சோகம்

Sponsored content · Sponsored content

உண்மையின் கதறல்

உண்மையின் கதறல்

Re: உண்மையின் கதறல்

Re: உண்மையின் கதறல்

Re: உண்மையின் கதறல்

Re: உண்மையின் கதறல்

Re: உண்மையின் கதறல்

Re: உண்மையின் கதறல்

Re: உண்மையின் கதறல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக