தமிழர்கள் நாட்டில் எங்குமே சுதந்திரமாக நடமாடமுடியாத சூழ்நிலை இலங்கையில்!

http://www.meenagam.org/?p=16792
தமிழர்கள் நாட்டில் எங்குமே சுதந்திரமாக நடமாடமுடியாத சூழ்நிலை இலங்கையில்!
எழுதியவர்வன்னியன் on November 20, 2009
பிரிவு: செய்திகள்

john holmesயுத்தம் முடிவுக்குக் கொண்டுவரப்பட்டு விட்டதாக அரசு கூறினாலும் வடக்கு கிழக்கு உட்பட சிறீலங்காவில் எங்குமே தமிழர்கள் சுதந்திரமாக அச்சமின்றி நடமாடக்கூடிய நிலைமை இல்லை என்று ஐக்கிய நாடுகள் சபையின் மனிதாபிமான விவகாரங்களுக்கான உதவிச் செயலாளர் ஜோன் ஹோம்ஸிடம் தமிழ்த் தேசியக் கூட்டமைப்பின் நாடாளுமன்ற உறுப்பினர்கள் சுட்டிக் காட்டியுள்ளனர்.

மூன்று நாள் விஜயம் மேற்கொண்டு சிறீலங்காவுக்கு வந்துள்ள ஜோன் ஹோம்ஸை நேற்று மாலை, தமிழ்க்கூட்டமைப்பு எம்.பிக்கள் கொழும்பில் சந்தித்துப் பேசினர். இந்தச் சந்திப்பின் போதே அவர்கள் சிறீலங்காயில் தமிழர்களின் தற்போதய நிலைமை தொடர்பாக ஐ.நா.பிரதிநிதிக்கு விளக்கிக்கூறினர். தமிழ்த்தேசியக் கூட்டமைப்பு சார்பில் நாடாளுமன்ற உறுப்பினர்களான என்.ஸ்ரீகாந்தா, செல்வம் அடைக்கலநாதன், பா.அரியநேத்திரன், டாக்டர். வில்லியம் தோமஸ் தங்கதுரை மற்றும் பத்மினி சிதம்பரநாதன் ஆகியோர் இச்சந்திப்பில் கலந்துகொண்டனர்.

தமிழ்த் தேசியக் கூட்டமைப்பு நாடாளுமன்ற உறுப்பினர்கள் அண்மையில் வவுனியாலுள்ள இடைத்தங்கல் முகாம்களுக்கு மேற்கொண்ட விஜயம் தொட்பாகவும் அங்குள்ள நிலைமை தொடர்பாகவும் இச்சந்திப்பின் போது விரிவாக எடுத்துக் கூறியதுடன் அங்கு இடம்பெயர்ந்து தங்கியிருக்கும் குடும்பங்களின் துரிதமான மீள்குடியேற்றத்தின் அவசியத்தையும் வலியுறுத்தினர்.

யுத்தம் முடிவுக்குக் கொண்டு வரப்பட்டு விட்டதாக அரசு கூறினாலும் வடக்கு கிழக்கில் மாத்திர மல்ல வடக்கு கிழக்கிற்கு வெளியேயும் தமிழ் மக்கள் அச்ச மன்றி சுதந்நதிரமாக நடமாடக்கூடிய முழுமையான சூழ் நிலை இன்னும் ஏற்படவில்லை என்பதை இச்சந்திப்பின் போது ஐ.நா.பிரதி நிதியிடம் தாம் விளக்கினார் என்றும் நாடாளுமன்ற உறுப்பி னர் பா. அரியநேத்திரன் தெரிவித்தார்.

“பேராதனை பழ்கலைக்கழக மாணவி இராசையா துவாரகா அண்மையில் கைதான சம்பவம் உட்பட சில சம்பவங்களை நாம் ஐ.நா. பிரதிநிதிக்கு விளக்கினோம். வடக்கு கிழக்கு மாகாணங்களிலுள்ள தமிழ்ப் பிதேசங்களில் தொடரும் திட்டமிட்ட குடியேற்றங்கள் நிறுத்தப்பட வேண்டியதன் அவசியத்தையும் அவரது கவனத்திற்கு கொண்டு வந்தோம்.” என்றும் அவர் தெரிவித்தார். யுத்தம் முடிவுக்கு கொண்டுவரப்பட்டு விட்டதாக அரசு கூறும் நிலையில் சந்தேகத்தின் பேரில் கைதாகியுள்ள மற்றும் சரணடைந்துள்ள விடுதலைப் புலி உறுப்பினர்கள் எனக் கூறப்படும் சகலருக்கும் பொது மன்னிப்பு வழங்கப்பட வேண்டும். சிறைச்சாலைகளில் அவசரகாலச் சட்ட விதிகள் மற்றும் பயங்கரவாதத் தடைச்சட்டத்தின் கீழ் தடுத்து வைக்கப்பட்டுள்ள சகலருக்கும் பொது மன்னிப்பு வழங்கப்பட வேண்டும் ஆகியன தொடர்பாக சிறீலங்கா அரசுக்கு அழுத்தம் கொடுக்க வேண்டும் என்ற கோரிக்கையை தமிழ்த் தேசியக் கூட்டமைப்பு இச்சந்தர்ப்பத்தின் போது முன்வைத்துள்ளது.

இதேவேளை வவுனியாவிலுள்ள இடைத்தங்கல் முகாம்களுக்குத் தாம் மேற்கொண்ட விஜயம் தொடர்பாக தமிழ்த் தேசியக் கூட்டமைப்பு நாடாளுமன்ற உறுப்பினர்களிடம் தெரிவித்த ஜோன் ஹோம்ஸ், ஏதிலிகளின் மீள் குடியேற்றத்தில் தற்போது முன்னேற்றம் இருப்பதாகவும் கணிசமான குடும்பங்கள் எதிர்வரும் ஜனவரி மாதத்திற்கு முன்பாக மீள்குடியேற்றப்படுவார்கள் என தான் நம்புகிறார் என்றும் கூட்டமைப்பினரிடம் தெரிவித்தார்.
(Visited 3 times, 3 visits today)