பலன் - ஒரு பக்க கதை

**ayyasamy ram** · **ayyasamy ram** Thu Apr 28, 2016 6:04 pm

கல்யாணப்பேச்சை எடுத்தாலே காயத்ரி பிடி
கொடுப்பதில்லை.
மனசில யாரையாச்சும் `நினைச்சிருக்காளா?
எப்ப கேட்டாலும் இன்னும் ரெண்டு வருஷம் போகட்டும்னு
தட்டிக் கழிக்கிறாளே? என்று அம்மா வருத்தப்பட, அப்பா
ஜோசியரிடம் ஓடிக் காரணம் கேட்டார்
–
இன்னும் ரெண்டு வருஷம் போன பின்னாடி பாருங்க, நடந்துடும்
என்று அவரும் பலன் சொல்லி அவரை அனுபிவிட்டு மொபைலில்
காயத்ரியைத் தொடர்பு கொண்டு நடந்ததைச் சொன்னார்
–
நான் கேட்டுக்கொண்டபடி பலன் சொன்னதுக்கு
ரொம்ப நன்றி அங்கிள்….எனக்குக் குருபலன் வந்துட்டுதா
இல்லையான்னு எனக்குத் தெரியாது.
எனக்குத் தெரிஞ்சதெல்லாம் அப்பாகிட்ட இப்ப காசு
கம்மியா இருக்கு…ரெண்டு வருஷத்தில் ரிடையராகி
அவருக்குப் பணம் வந்துடும். நானும் என்
சம்பளத்தில் கொஞ்சம் பணம் சேர்த்துடுவேன். அப்போ
பணக்கஷ்டம் இருக்காது. பாருங்க
–
பிரமிப்பில் மொபைலைக் கீழே வைக்க அவருக்குக்
கொஞ்ச நேரம் பிடித்தது

பர்வதவர்த்தினி

நன்றி- குமுதம்