2017 முதல் அனைத்து செல்போன்களுக்கும் 'பேனிக் பட்டன்' கட்டாயம்

**ayyasamy ram** · **ayyasamy ram** Wed 27 Apr 2016 - 10:02

2017-ம் ஆண்டு முதல் இந்தியாவில் விற்பனை செய்யப்படும் அனைத்து மொபைல் போன்களிலும் 'பேனிக் பட்டன்' பொருத்துவது கட்டாயமாக்கப்பட்டுள்ளது.

ஆபத்து காலங்களில் இந்த பேனிக் பட்டனை பயன்படுத்திக் கொள்ளலாம். ஆபத்து நேரத்தில் ஒருவர் பேனிக் பட்டனை அழுத்தினால் அருகிலிருக்கும் பாதுகாப்பு மையத்துக்கு ஒரு அழைப்போ அல்லது சமிக்ஞையோ அனுப்பப்படும். இருப்பினும், இந்த செயல்பாடு எப்படி நடைமுறைப்படுத்தப்படும் என்பது இன்னும் இறுதி செய்யப்படவில்லை.

அனைத்து மொபைல் போன்களிலும் பேனிக் பட்டன் மற்றும் குளோபல் பொசிஷனிங் சிஸ்டம் வசதி ஏற்படுத்தும் திட்டம் 2016-ன் கீழ் (The Panic button and Global Positioning System facility in all mobile phone handsets Rules, 2016) அறிவிக்கை ஒன்றை தொலைத் தொடர்பு துறை கடந்த 22-ம் தேதி வெளியிட்டிருக்கிறது.

இதன்படி 2017 ஜனவரி 1 முதல் இந்தியாவில் உள்ள அனைத்து மொபைல் போனிலும் பேனிக் பட்டன் வசதி இருப்பது அவசியம். அதேபோல், 2018 ஜனவரி 1 முதல் அனைத்து மொபைல் போன்களிலும் உட்கட்டமைக்கப்பட்ட ஜிபிஎஸ் வசதியும் இருப்பது அவசியம் எனத் தெரிவிக்கப்பட்டுள்ளது.

தொழில்நுட்பம் மனித வாழ்க்கையை மேம்படுத்துவதற்கு உதவ வேண்டும் என்ற அடிப்படையில் இந்த திட்டம் கொண்டு வரப்படுவதாக மத்திய தொலைத் தொடர்பு அமைச்சர் ரவிசங்கர் பிரசாத் தெரிவித்துள்ளார்.
-
தமிழ் தி இந்து காம்

**krishnaamma** · **krishnaamma** Wed 27 Apr 2016 - 11:27

அருமை அருமை அருமை !.............. மகிழ்ச்சி

2017 முதல் அனைத்து செல்போன்களுக்கும் 'பேனிக் பட்டன்' கட்டாயம்

2017 முதல் அனைத்து செல்போன்களுக்கும் 'பேனிக் பட்டன்' கட்டாயம்

Re: 2017 முதல் அனைத்து செல்போன்களுக்கும் 'பேனிக் பட்டன்' கட்டாயம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக