அட்ரஸ் - ஒரு பக்க கதை

**ayyasamy ram** · **ayyasamy ram** Thu Apr 28, 2016 6:30 pm

சிவா குமரன் நகருக்கு புது அறை பார்த்துப் போய் இரண்டு
வாரமானாலும், நண்பன் மூர்த்திக்கு இன்றுதான் அவன்
அறைக்குச் செல்ல சமயம் வாய்த்தது.
-
குமரன் நகர் முழுக்க சுற்றி வந்தும் எட்டாவது தெரு மாத்திரம்
தென்படவில்லை. மூன்று பேரிடம் கேட்டு பார்த்தாயிற்று.
யாருக்கும் தெரியவில்லை.
-
பழகின இடம்தான், ஆனாலும் இப்போது மூர்த்திக்கு
சட்டென குழப்பத் துவங்கியது.கடுப்போடு சிவாவுக்கு
போன் செய்தான்.
-
டேய்! எட்டாவது தெரு எங்கேடா இருக்கு?
-
விநாயகர் கோயிலுக்குப் பின்னாடிடா!
-
விநாயகர் கோயிலா...?
-
மீனாட்சி ஸ்கூல்தெரியுமில்லே?
-
இல்லியேடா...!
-
சேகர் பர்த்டேக்கு போனேமே...அந்த டாஸ்மாக்குக்கு
பக்கத்து தெருவுடா...
-
அத மொதல்லே சொல்ல வேண்டியதுதானே...!
-
------------------
--அஜித்
நன்றி- குமுதம்