சிந்தியுங்கள்: நமக்கு இதுவும் ஒரு சாட்டையடியே....

**ayyasamy ram** · **ayyasamy ram** Sat Apr 23, 2016 7:40 pm

விருந்தோம்பலை உலகிற்கு உரைத்தவன்
இன்று விரும்பியவர் வீட்டிற்குச் செல்லவே
முன் அனுமதி வேண்டுகிறான்.
-
பந்தல் இட்டு பலரின் தாகம் தீர்த்தவன்
இன்று புட்டியில் தண்ணீரை அடைத்து
வீதியெங்கும் விற்கிறான்.
-
வழிப்போக்கனுக்கே வாசலில் திண்ணைக்
கட்டி வைத்தவன் இன்று வாழ்க்கைத்
தந்தவர்களையே வாசலில் தங்க வைக்கிறான்.
-
அரிசி மாவு கோலத்தில் அண்டை வீட்டு
கோழிக்கும் அன்னம் படைத்தவன் இன்று
அடுக்குமாடி குடியிருப்பில் சுண்ணாம்புக்
கட்டியில் கோலம் போடுகிறான்.
-
கம்பங்கூழும் ,கேப்பக்கஞ்சியும் குடித்து
கம்பீரமாய் வலம்வந்தவன் இன்றுக் கண்ட
உணவகங்களில் உண்டு வியாதியை
விலைக்கு வாங்குகிறான்.
-
வந்தவரை வரவேற்று வாழை இலையிட்டு
பந்தி முறையில் உணவளித்து வீட்டு
விழாக்களை கொண்டாடியவன் இன்றுக்
கையில் பாத்திரத்தை ஏந்திக் கொண்டு
உண்கிறான்.
-
இரு கைகளையும் கூப்பி வணக்கம் சொல்லி
மரியாதை தந்தவன் இன்று இடித்து தள்ளி
விட்டால் கூட மன்னிப்பு கேட்க நேரமில்லாமல்
ஓடுகிறான்.
-
தமிழ் மொழியும் தாயும் ஒன்றே என்றவன்
இன்று அயல் மொழியை எல்லாம் மொழி
அல்ல அறிவு என்கிறான்.
-
ஆடை மறைப்பது வெறும் உடலை அல்ல
மானத்தை என்றவன் இன்று ஆடைகுறைப்பை
நாகரீக வளர்ச்சி என்கிறான்
-
# எப்படி ஒரு வாழ்க்கை வாழ்ந்தவன் என்ற
வரலாறே தெரியாமல் வாழ்ந்து கொண்டிருக்கிறான்
இன்றையத் தமிழன்
-
சிந்தியுங்கள்:
நமக்கு இதுவும் ஒரு சாட்டையடியே....
-
----------------
வாட்ஸ்அப் பகிர்வு

**krishnaamma** · **krishnaamma** Sun Apr 24, 2016 12:58 am

ம்ம்.. இன்று எனக்கும் வந்தது அண்ணா.............அருமையான பகிர்வு ! சிந்தியுங்கள்: நமக்கு இதுவும் ஒரு சாட்டையடியே.... 3838410834

சிந்தியுங்கள்: நமக்கு இதுவும் ஒரு சாட்டையடியே....

சிந்தியுங்கள்: நமக்கு இதுவும் ஒரு சாட்டையடியே....

Re: சிந்தியுங்கள்: நமக்கு இதுவும் ஒரு சாட்டையடியே....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக