கலை யாருக்கானது ?

seltoday · seltoday Wed Apr 20, 2016 3:38 pm

" 'கலை கலைக்காகவே'ன்னு சில பேர் கரடி விடுவானுங்க. அதை நீங்க நம்பாதீங்க. அப்படியிருந்தா அது எப்பவோ செத்துப் போயிருக்கும். கலை வாழ்க்கைக்காகத்தான் ; வாழ்க்கையும் கலையும் சேரும் போது தான் அதுக்கு உயிரே வருது " -எம்.ஆர்.ராதா.

நட்சத்திர கிரிக்கெட்டை முன்வைத்து நடக்கும் கேலி கூத்துகளை பார்க்கும் போது எம்.ஆர்.ராதா சொன்ன இந்த வாசகம் தான் நினைவிற்கு வருகிறது.

கலை எப்போதுமே மக்களுக்கானது. தமிழக திரையுலகம் எப்பொழுதுமே தமிழக மக்களின் வாழ்க்கையை அப்படியே திரையில் காட்டவில்லை. அதீத அளவில் மிகைப்படுத்தியோ , ஒன்றுக்கும் உதவாத விசயத்தை முன்னிலைப்படுத்தியோ , தேவையில்லாத வன்முறைக் காட்சிகள் , தூப்பாக்கி கலாச்சாரமே இல்லாத தேசத்தில் கதாநாயகர்கள் துப்பாக்கிகளுடனே அலைவது போலவோ , ஏழரை கோடி மக்களும் எப்படி வாழ்ந்தாலும் ஒருவர் விடாமல் எல்லோரும் எந்நேரமும் காதலிப்பது போலவோ தான் இன்னமும் திரைப்படங்களை உருவாக்குகிறார்கள்.

கதாநாயகர்கள் திரையில் முன்வைக்கும் கோட்பாடுகளுக்கும் , நிஜத்தில் அவர்களின் கோட்பாடுகளுக்கும் துளியும் தொடர்பு இருப்பதில்லை. எல்லாம் ஏமாற்று வேலை ! பணம் சம்பாதிப்பதை தாண்டி பெரும்பாலானோர் எதையும் யோசிப்பதில்லை.

தமிழகத்தின் முக்கிய பிரச்சனையான மதுப்பழக்கத்தால் விளையும் தீமைகளை முன் வைத்து எந்தத் திரைப்படமும் எடுக்கப்படவில்லை. அதே போல சமீப காலங்களில் டாஸ்மாக் காட்சிகள் இல்லாத திரைப்படங்கள் தமிழில் பெரும்பாலும் இல்லை.

மக்களை தங்கள் ஆதாயத்திற்கு மட்டும் பயன்படுத்திவிட்டு தூக்கியெறிகிறார்கள் அரசியல்வாதிகளும் , சினிமாக்காரர்களும் !

balakarthik · balakarthik Wed Apr 20, 2016 4:46 pm

மக்களை தங்கள் ஆதாயத்திற்கு மட்டும் பயன்படுத்திவிட்டு தூக்கியெறிகிறார்கள் அரசியல்வாதிகளும் , சினிமாக்காரர்களும்

அதுசரி இவுங்க ரெண்டு பேரையும் தூக்கிவிட்டதே மக்கள்தானே

**T.N.Balasubramanian** · **T.N.Balasubramanian** Wed Apr 20, 2016 9:02 pm

seltoday wrote: பணம் சம்பாதிப்பதை தாண்டி பெரும்பாலானோர் எதையும் யோசிப்பதில்லை.

சிறிய திருத்தம் ,

பணம் எப்பிடியாவது சம்பாதிப்பதை தாண்டி பெரும்பாலானோர் எதையும் யோசிப்பதில்லை.

ரமணியன்

**krishnaamma** · **krishnaamma** Thu Apr 21, 2016 12:31 am

தமிழகத்தின் முக்கிய பிரச்சனையான மதுப்பழக்கத்தால் விளையும் தீமைகளை முன் வைத்து எந்தத் திரைப்படமும் எடுக்கப்படவில்லை. அதே போல சமீப காலங்களில் டாஸ்மாக் காட்சிகள் இல்லாத திரைப்படங்கள் தமிழில் பெரும்பாலும் இல்லை.

இப்போ கதாநாயகனே குடிக்கிறான், சிகரெட் பிடிக்கறான்..ஒருகாலத்தில் நடிகர்கள் முக்கியமாய் எம்.ஜி. .ஆர். அப்படிப்பட்ட கட்சிகளில் நடிக்கவே மாட்டார்.............மற்றும் ஒரு நடிகக் எவ்வளவு கொட்டிக் கொடுத்தாலும் சிகரெட் விளம்பரத்தில் நடிக்க மாட்டேன் என்று சொல்லி இருந்தார்........ஆனால் இப்போ??????????

நம் மக்களுக்கு எல்லாமே நடிகர்கள் தானே?............அது தான் கேட்டு குட்டிச்சுவர் ஆகிறார்கள்.....எப்படி சாராயக் கடை வைத்திருப்பவர் குடிப்பது இல்லையோ அது போல சினிமாவில் குடிப்பது போல நடிப்பவர்கள் குடிப்பது இல்லை....இது புரியாத மக்கள் அவங்களைப் பார்த்து குடிக்க ஆரம்பித்து ..நாளடைவில் 'மொடாக் குடியர்கள்'ஆகிறார்கள் சோகம்

மக்களை தங்கள் ஆதாயத்திற்கு மட்டும் பயன்படுத்திவிட்டு தூக்கியெறிகிறார்கள் அரசியல்வாதிகளும் , சினிமாக்காரர்களும் !

இது மக்களுக்கு என்று தான் புரியுமோ அன்று தான் விடிவு ஏற்படும்.ஆனால் அது ரொம்ப ரொம்ப கஷ்டம் ...... சோகம்

**krishnaamma** · **krishnaamma** Thu Apr 21, 2016 12:32 am

" 'கலை கலைக்காகவே'ன்னு சில பேர் கரடி விடுவானுங்க. அதை நீங்க நம்பாதீங்க. அப்படியிருந்தா அது எப்பவோ செத்துப் போயிருக்கும். கலை வாழ்க்கைக்காகத்தான் ; வாழ்க்கையும் கலையும் சேரும் போது தான் அதுக்கு உயிரே வருது " -எம்.ஆர்.ராதா.

இதேபோல நடிகை சௌக்கார் ஜானகியும் சொல்வாங்க, " நான் கலை சேவைக்கெல்லாம் இங்க வரலை, பணம் சம்பாதிக்கத்தான் வந்தேன்" என்று புன்னகை

balakarthik · balakarthik Thu Apr 21, 2016 12:00 pm

கலைத்துறையிலும் அரசியலிலும் எல்லோரும் ஜெயிப்பதில்லை திறமை இருக்குரவந்தான் ஜெயிக்குறான் யாரோட வாரிசா இருந்தாலும் திறமை மட்டுமே நிலைதிருக்கவைக்கும்

அவுங்க எமாத்தராங்க்னு சொல்லுரதவிட நாம ஏமாருறோம் என்று சொல்வதுதான் பொருந்தும் நாம முட்டால இருந்து ஏமாந்துட்டு அடுத்தவனை குறை சொல்லியே பழகிட்டோம் நமக்கு தேவை பழிபோட இன்னொருவர்