ஆப்பு வைத்த 'ஆப்'...விழித்துக்கொண்ட இந்திய ராணுவம்!

**krishnaamma** · **krishnaamma** Thu Apr 21, 2016 12:48 am

இந்தியாவுக்கு எதிராக நிழல் யுத்தம் செய்யும் பாகிஸ்தானின் மறைமுக செயல், வெளிச்சத்துக்கு வந்துள்ளது. பாகிஸ்தான் தீவிரவாதிகளால் சமீபத்தில் நடத்தப்பட்ட பதன்கோட் சம்பவம் ஒரு பயங்கரவாத சம்பவமாக பார்க்கப்படுகிறது.

இந்திய ராணுவ வீரர்கள் கொல்லப்பட காரணமான அந்த தாக்குதலை நிகழ்த்த, தீவிரவாதிகளுக்கு ஒரு மொபைல் அப்ளிகேசன் உதவியுள்ள அதிர்ச்சிகரமான விஷயம் தற்போது தெரிய வந்துள்ளது. Smesh App என்ற ஆப் தான் இதற்கு உதவியுள்ளதாக தெரியவந்திருக்கிறது.

Smesh App எவ்வாறு செயல்படுகிறது?

இந்த ஆப் பதிவிறக்கம் செய்யப்பட்ட மொபைலை உபயோகிக்கும் வீரர் இருக்கும் இடம், அவரின் இ-மெயில், மெசேஜ், வாட்ஸ் அப் உரையாடல்கள் உள்ளிட்ட அனைத்து முக்கிய தகவல்களும் பாகிஸ்தானில் உள்ள உளவு அமைப்புகளுக்கு சென்றுவிடும்.

இந்த ஆப்-பின் சர்வர் ஜெர்மனியில் இருந்தாலும், அது பாகிஸ்தானின் கராச்சி நகரில் இருந்து இயக்கப்படுகிறதாம். இதன் மூலம், வீரர் மட்டுமல்லாது அவரை சார்ந்த படைப்பிரிவு எங்கு உள்ளது, எந்த திசையில் நகர்கிறது என்று அதிமுக்கிய தகவல்களை திரட்டி, அவற்றை பயங்கரவாத தாக்குதல்கள் நிகழ்த்துவதற்கு பயன்படுத்தி உள்ளனர்.

இதே போன்று, வேறு இரு 'ஆப்ஸ்'கள் மூலம், ராணுவம் தொடர்பான மெசேஜ்கள் மற்றும் புகைப்படங்களை பாகிஸ்தான் வேவு பார்ப்பதாக தகவல் வெளியானது. இதையடுத்து விழித்துக்கொண்ட இந்திய ராணுவம், ஸ்மெஷ், வீசாட், லைம் ஆகிய ஆப்ஸ்களுக்கு இப்போது விதித்துள்ளது.

தகவல் தொழில் நுட்பத் துறையில் அவ்வளவாக முன்னேறாத பாகிஸ்தான், தகவல் நுட்பத் துறையில் ஜாம்பவானாக உள்ள இந்தியாவையை தடுமாறச் செய்துள்ளதன் மூலம் உளவுத் துறை பலவீனமாக உள்ளதோ என்ற ஐயம் ஏற்பட்டுள்ளது. மேலும் எந்த ஆப்' வேண்டுமானாலும் அப்லோட் செய்யலாம் என்ற Google ன் நம்பகத்தன்மையை சந்தேகப்படச் செய்கிறது.

ஆரியக் கூத்தாடினாலும் காரியத்தில் கண்ணாயிருக்க வேண்டும் என்ற எச்சரிக்கையை இச்சம்பவம் இந்தியாவுக்கு உணர்த்தியுள்ளது.

ஷான் ( மயிலாடுதுறை)
விகடன்

சசி · சசி Thu Apr 21, 2016 8:36 am

ஆப்க்கு ஆப்பு வைக்க வேண்டியது தான்.
அதான் உலகம் உங்கள் கையில்
தானே சொல்றாங்க. பாகிஸ்தானும்
உலகத்தில் ஒருவன் தான் என்றதால்
திருட ஆரம்பித்து விட்டார்கள்.

**krishnaamma** · **krishnaamma** Fri Apr 22, 2016 1:11 pm

சசி wrote:ஆப்க்கு ஆப்பு வைக்க வேண்டியது தான்.
அதான் உலகம் உங்கள் கையில்
தானே சொல்றாங்க. பாகிஸ்தானும்
உலகத்தில் ஒருவன் தான் என்றதால்
திருட ஆரம்பித்து விட்டார்கள்.

மேற்கோள் செய்த பதிவு: 1204019

உங்கள் பின்னூடம் பார்த்ததும் எனக்கு முன்பு வந்த ஒரு ஜோக் நினைவுக்கு வருகிறது சசி ........ஒரு திருடனை கையும் களவுமாக அவன் ஒரு வங்கி இல் கொள்ளை அடிக்கும்போது பிடித்து விடுவார்கள்...............ஏண்டா ! இப்படி செய்தாய் என்று கேட்கும்போது, " இது உங்கள் பேங்க் என்றார்கள்" அதனால் தான் பணம் எடுத்துக்கொண்டேன் என்று சொல்வான் , அது போல இருக்கு நீங்க சொல்வது ஜாலி

Sponsored content · Sponsored content

ஆப்பு வைத்த 'ஆப்'...விழித்துக்கொண்ட இந்திய ராணுவம்!

ஆப்பு வைத்த 'ஆப்'...விழித்துக்கொண்ட இந்திய ராணுவம்!

Re: ஆப்பு வைத்த 'ஆப்'...விழித்துக்கொண்ட இந்திய ராணுவம்!

Re: ஆப்பு வைத்த 'ஆப்'...விழித்துக்கொண்ட இந்திய ராணுவம்!

Re: ஆப்பு வைத்த 'ஆப்'...விழித்துக்கொண்ட இந்திய ராணுவம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக