சம்பளப் பணம் காலி!- ஒரு பக்க கதை

**ayyasamy ram** · **ayyasamy ram** Fri 15 Apr 2016 - 10:36

-
அலுவலகத்தில் அன்று சம்பள தினம்.
வழக்கம் போல பார்த்தசாரதியை சூழ்ந்து
கொண்டார்கள் சக ஊழியர்கள்.
அவர் சிக்கனமாக செலவு செய்பவர்.

அதனாலேயே ‘இந்த மாதம் அவசரச் செலவு…
அத்தியாவசியச் செலவு…’ என்று எதையாவது
சொல்லி அவரிடம் கைமாற்று கேட்டு
மொய்ப்பவர்கள் அதிகம்.

இவர்களுக்குக் கடன் கொடுத்துவிட்டு மாசக்
கடைசியில் பார்த்தசாரதி அல்லாட வேண்டியிருக்கும்!

‘‘என்னோட ஏ.டி.எம் கார்டை என் மகனும் மகளும்
மனைவியும் சேர்ந்து பிடுங்கி வச்சிக்கிட்டாங்கப்பா!’’
என்றார் பார்த்தசாரதி. அனைவருக்கும் அதிர்ச்சி!

ஒரு வாரம் சென்றிருக்கும்… ‘‘பார்வதி, செலவுக்குக்
கொஞ்சம் பணம் கொடு!’’ – மனைவியிடம்
கேட்டார் பார்த்தசாரதி.‘‘ஏதுங்க பணம்..?’’

‘‘என்னது! ஒரு வாரத்துக்குள்ள என் சம்பளப் பணத்தை
எல்லாம் செலவு பண்ணிட்டீங்களா?’’ – அதிர்ந்தார்
பார்த்தசாரதி.

‘‘இல்லங்க… ஏன்தான் வீட்டைக் கைகாட்டினீங்களோ!

இப்ப உங்க நண்பர்கள் எல்லாம் வீட்டுக்கே வந்து எங்க
மூணு பேர்கிட்டயும் கெஞ்சிக் கேட்டு கைமாத்து
வாங்கிட்டுப் போயிடுறாங்க. நீங்களாவது ஒரு அளவோட
நிறுத்திக்குவீங்க. உங்க ரத்தம்… உங்க மகனும் மகளும்
எல்லாருக்கும் இரக்கப்பட்டு ‘கொடுங்கம்மா’னு
சொல்லிடுறாங்க.

அதனால வீட்டுச் செலவுக்குக் கூட இப்ப காசில்லை!’’
பார்த்தசாரதி வாயடைத்து நின்றார்.
–
——————————

– இளங்கோ
குங்குமம்

**விமந்தனி** · **விமந்தனி** Sat 16 Apr 2016 - 0:59

அடக்கடவுளே!

**krishnaamma** · **krishnaamma** Sat 16 Apr 2016 - 2:21

தண்டமாய் இருக்கே, சம்பளத்தன்றே கைமாத்து வாங்கினால் எப்போ திரும்ப தருவாங்களாம் ? ...இதெல்லாம் ஒரு கதை என்று எப்படி பத்திரிகைகளில் போடறாங்க? ???????? கோபம்

shobana sahas · shobana sahas Sat 16 Apr 2016 - 4:45

krishnaamma wrote:தண்டமாய் இருக்கே, சம்பளத்தன்றே கைமாத்து வாங்கினால் எப்போ திரும்ப தருவாங்களாம் ? ...இதெல்லாம் ஒரு கதை என்று எப்படி பத்திரிகைகளில் போடறாங்க? ????????

மேற்கோள் செய்த பதிவு: 1202956
ரொம்ப சரி ... நானும் இதையே தான் நினைத்தேன் . இவங்க சம்பளம் என்ன ஆச்சு ? ஒரு வேளை பிடித்தம் ஏதாவது இருக்குமோ ?

**ayyasamy ram** · **ayyasamy ram** Sat 16 Apr 2016 - 11:55

சம்பளத்தன்றே கடன், அல்லது கைமாத்து வாங்குபவர்கள்
இருக்கிறார்கள்...!!
-
ஒரு அலுவலகத்தில் டிரைவர் வேலை பார்த்த
ஒருவர், அலுவலகத்தில் வேலை பார்க்கும்
இதர நண்பர்களுக்கு கடன் கொடுப்பார்...
90 ரூபாய் கொடுத்தால் அடுத்த மாதத்தில்
100 ரூபாயாக திருப்பித் தர வேண்டும்...!
-
மனைவியின் சேமிப்பு பணம் என்றும் திருப்பித்தர
தவறினால், அவங்களே வந்து உங்களை திட்டி
அசிங்கப்படுத்திடுவாங்கனு மிரட்டி விட்டுத்தான்
கடன் கொடுப்பார்...
-
தேவை இருப்பவர்கள் அவரிடன் கடன் வாங்கி
அதனை நாணயமாக திருப்பித் தந்து விடுவார்கள்...
-
இது நடந்த உண்மை....

**krishnaamma** · **krishnaamma** Sun 17 Apr 2016 - 1:02

ayyasamy ram wrote:சம்பளத்தன்றே கடன், அல்லது கைமாத்து வாங்குபவர்கள்
இருக்கிறார்கள்...!!

ஒரு அலுவலகத்தில் டிரைவர் வேலை பார்த்த
ஒருவர், அலுவலகத்தில் வேலை பார்க்கும்
இதர நண்பர்களுக்கு கடன் கொடுப்பார்...
90 ரூபாய் கொடுத்தால் அடுத்த மாதத்தில்
100 ரூபாயாக திருப்பித் தர வேண்டும்...!
-
மனைவியின் சேமிப்பு பணம் என்றும் திருப்பித்தர
தவறினால், அவங்களே வந்து உங்களை திட்டி
அசிங்கப்படுத்திடுவாங்கனு மிரட்டி விட்டுத்தான்
கடன் கொடுப்பார்...
-
தேவை இருப்பவர்கள் அவரிடன் கடன் வாங்கி
அதனை நாணயமாக திருப்பித் தந்து விடுவார்கள்...
-
இது நடந்த உண்மை....

மேற்கோள் செய்த பதிவு: 1203001

வாஸ்த்தவம் அண்ணா, ஆனால், இந்தக்கதை இல் திருப்பித்தருவது பற்றியே இல்லையே ?.அதனால் தான் கேட்டேன் ! புன்னகை

Sponsored content · Sponsored content

சம்பளப் பணம் காலி!- ஒரு பக்க கதை

சம்பளப் பணம் காலி!- ஒரு பக்க கதை

Re: சம்பளப் பணம் காலி!- ஒரு பக்க கதை

Re: சம்பளப் பணம் காலி!- ஒரு பக்க கதை

Re: சம்பளப் பணம் காலி!- ஒரு பக்க கதை

Re: சம்பளப் பணம் காலி!- ஒரு பக்க கதை

Re: சம்பளப் பணம் காலி!- ஒரு பக்க கதை

Re: சம்பளப் பணம் காலி!- ஒரு பக்க கதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக