மழை வருவதை காட்டிக் கொடுக்கும் குடை!

**ayyasamy ram** · **ayyasamy ram** Wed Apr 13, 2016 10:35 am

-
மழை வருவதை அரை மணி நேரத்துக்கு முன்பே
சொல்லிவிடும் குடையை உருவாக்கியிருக்கிறது
பிரான்ஸ் நிறுவனம் வெஸ்ஸூ.

இதன் பெயர் ‘ஊம்ப்ரெல்லா’. ஸ்மார்ட் போனில்
அப்ளிகேஷனை டவுன்லோட் செய்துகொண்டு,
ஊம்ப்ரெல்லாவை இயக்க வேண்டும். வானிலை
மாற்றங்கள் மட்டுமின்றி, வீட்டிலோ, வெளியிலோ
குடையை மறந்து வைத்துவிட்டு வருவதைக்கூட
இந்த ஆப் காட்டிக் கொடுத்துவிடும்.

இரண்டு விதங்களில் இந்தக் குடைகள் கிடைக்கின்றன.

3.1 அடி உயரம் கொண்ட வளைந்த கைப்பிடி கொண்ட
குடை க்ளாஸிக். 0.8 அடி உயரம் கொண்ட நேரான
கைப்பிடி கொண்ட குடை மாடர்ன். இந்தக் குடையைச்
’சிறிய வானிலை மையம்’ என்கிறார்கள்.

குடையில் இருக்கும் சென்சார்கள் நேரம், வெளிச்சம்,
ஈரப்பதம், அழுத்தம், வெப்பநிலை போன்றவற்றைப்
பதிவு செய்து, அடுத்து அரை மணி நேரத்தில் என்ன
நடக்க இருக்கிறது என்பதைச் சொல்லிவிடுகிறது.

குடையை மறந்துவிட்டுக் கிளம்பினாலோ, வேறு
எங்கோ குடையை வைத்துவிட்டுக் கிளம்பினாலோ,
ஜிபிஎஸ் தொழில்நுட்பம் மூலம் குடை இருக்கும்
இடத்தை நமக்கு போன் காட்டிக் கொடுத்துவிடும்.

‘’வானிலைக்கு ஏற்ப இந்தக் குடையின் வண்ணங்களும்
மாறிக்கொண்டே இருக்கும். இதுதான் ஊம்ப்ரெல்லாவின்
தனிச் சிறப்பு’’ என்கிறார் டிசைனர் அலெக்சாண்டர்.

ஆன்லைன் வர்த்தகத்தில் ஊம்ப்ரெல்லா பிரமாதமான
வரவேற்பைப் பெற்றுவிட்டது. கடைகளில் இனிமேல்தான்
விற்பனைக்கு வர இருக்கிறது.

ஒரு குடையின் விலை சுமார் 6 ஆயிரம் ரூபாய்.

அடடா!

மழை வருவது இனி மயிலுக்கு மட்டுமல்ல, குடைக்கும் தெரியும்!

-தமிழ் தி இந்து காம்

**krishnaamma** · **krishnaamma** Wed Apr 13, 2016 10:59 am

மழை வருவதை அரை மணி நேரத்துக்கு முன்பே
சொல்லிவிடும் குடையை உருவாக்கியிருக்கிறது
பிரான்ஸ் நிறுவனம் வெஸ்ஸூ

நல்லா இருக்கே இது !................ அருமையிருக்கு

‘’வானிலைக்கு ஏற்ப இந்தக் குடையின் வண்ணங்களும்
மாறிக்கொண்டே இருக்கும். இதுதான் ஊம்ப்ரெல்லாவின்
தனிச் சிறப்பு’’ என்கிறார் டிசைனர் அலெக்சாண்டர்.

சூப்பருங்க

இங்கே ஒரு key chain இருக்கு அண்ணா, அதை நாம் வைத்துக்கொண்டால், போன் வருவதற்கு 30 செகண்ட்கள் முன்பே அதில் உள்ள குட்டி குட்டி விளக்குகள் ஒளிரும் புன்னகை

.....எனவே, hand bag க்குள் phoneai வைத்து இருந்தாலோ, silent இல் போட்டிருந்தாலோ நாம் இதைப் பார்த்து போன் வரப்போகிறது என்று கண்டு கொள்ளலாம் புன்னகை

முன்பு வைத்திருந்தேன், இப்போ மீண்டும் மார்க்கெட்டில் பார்க்கணும் புன்னகை

**M.Jagadeesan** · **M.Jagadeesan** Wed Apr 13, 2016 5:37 pm

அடடே ! அப்படிஎன்றால் இனிமேல் ரமணர்களுக்கு வேலையில்லை என்று சொல்லுங்கள் .

balakarthik · balakarthik Wed Apr 13, 2016 8:03 pm

ஒரு குடையின் விலை சுமார் 6 ஆயிரம் ரூபாய்.

ஆறாயிரமா விலையை கேட்டு என் கண்ணில் மழை வந்துவிட்டது இதுக்கு மழையே பெட்டர்

Sponsored content · Sponsored content

மழை வருவதை காட்டிக் கொடுக்கும் குடை!

மழை வருவதை காட்டிக் கொடுக்கும் குடை!

Re: மழை வருவதை காட்டிக் கொடுக்கும் குடை!

Re: மழை வருவதை காட்டிக் கொடுக்கும் குடை!

Re: மழை வருவதை காட்டிக் கொடுக்கும் குடை!

Re: மழை வருவதை காட்டிக் கொடுக்கும் குடை!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக