தீவுத்திடல் அம்மாவுக்கு....

**M.Jagadeesan** · **M.Jagadeesan** Mon 11 Apr 2016 - 8:37

First topic message reminder :

கொட்டும் மழையில் ராஜாஜி
...கட்டு மரத்தின் கதவைத்தான்
தட்டி மதுக்கடை திறக்காதே !
...தள்ளா வயதிலும் கேட்டாரே !

என்று சொல்லும் அம்மாவே !
... ஏனோ இப்படி நடிக்கின்றாய் ?
நன்று மதுக்கடை எல்லாமே
...நானே மூடுவேன் எனச்சொல்ல

உன்னைத் தடுத்தது யாரம்மா ?
...உன்னால் முடியா இச்செயலை
பின்னால் வந்த பீஹாரின்
...முதல்வன் செய்ததைப் பாரம்மா !

நத்தம் விஸ்வா சபையினிலே
...மதுக்கடை மூடல் இல்லையென
சத்தம் போட்டு சொல்லுகையில்
...சகோதரி நீயும் ரசித்தாயே !

“ மரணம் எல்லாம் மதுவாலே !
...மதுவை விலக்கு “ எனச்சொல்லி
மரணம் அடைந்த சசிபெருமாள்
...மறுபடி மீண்டு வருவாரா ?

கோவன் செய்த குற்றமென்ன ?
...கொலையா இங்கு செய்திட்டார் ?
பாவம் ! அவரைச் சிறையினிலே
...பலநாள் போட்டு அடைத்தாயே !

மதுவை எதிர்த்துப் போராட்டம்
...மாநிலம் முழுதும் நடக்கையிலே
எதிலும் கவனம் கொள்ளாமல்
...மௌனம் காத்தது ஏனம்மா ?

வெள்ளப் பெருக்கு யாராலே ?
...வேதனை எல்லாம் யாராலே ?
உள்ளதை மறைக்க நினைக்காதே !
...உன்னால் தானே அதுவெல்லாம் !

காரை விட்டு இறங்காமல்
...காலைச் சிறிதும் நனைக்காமல்
தேறுதல் சொன்ன நிலைகண்டு
...தெய்வம் கண்ணீர் சிந்தியதே !

ஆட்சி முடியும் தருவாயில்
...அடுத்து நானே வந்திட்டால்
காட்சி எல்லாம் மாறுமெனக்
...காதில் பூவைச் சுற்றாதே !

சசி · சசி Mon 11 Apr 2016 - 23:07

நன்றி ஐயா நல்ல பதிவு.
என்ன தான் சொன்னாலும்
யாரும் கேட்பதாக தெரியவில்லை.
வேற்று உலகத்தில் வாழ துவங்கி விட்டார்கள்.நம் நாட்டின் குடிமக்கள்.
நிச்சயம் மதுவிலக்கு வேண்டும்.
அப்பொழுது தான் பலபேர் வாழ்க்கையில் விளக்கு எரியும்.

சிவனாசான் · சிவனாசான் Tue 12 Apr 2016 - 21:13

நல்ல மிக நல்ல பதிவு>>>>>>>>>>>>

**krishnaamma** · **krishnaamma** Wed 13 Apr 2016 - 0:43

ஐயா, உங்கள் கவிதையை நான் whatsup இல் என் நண்பர்களுக்கு அனுப்பி இருக்கேன் புன்னகை

**M.Jagadeesan** · **M.Jagadeesan** Wed 13 Apr 2016 - 7:41

நல்லது; ஆனால் "வாட்ஸ் அப்புக்கு " ஆப்பு என்று சொன்னார்களே ! அது எப்போதிருந்து ?

**krishnaamma** · **krishnaamma** Wed 13 Apr 2016 - 11:54

M.Jagadeesan wrote:நல்லது; ஆனால் "வாட்ஸ் அப்புக்கு " ஆப்பு என்று சொன்னார்களே ! அது எப்போதிருந்து ?

மேற்கோள் செய்த பதிவு: 1202500

ஹா..ஹா... அது அவ்வளவு சீக்கிரத்தில் வராது ஐயா புன்னகை

....அதற்குள் உங்கள் கவிதை பரவி விடும் புன்னகை

Sponsored content · Sponsored content

தீவுத்திடல் அம்மாவுக்கு....

தீவுத்திடல் அம்மாவுக்கு....

Re: தீவுத்திடல் அம்மாவுக்கு....

Re: தீவுத்திடல் அம்மாவுக்கு....

Re: தீவுத்திடல் அம்மாவுக்கு....

Re: தீவுத்திடல் அம்மாவுக்கு....

Re: தீவுத்திடல் அம்மாவுக்கு....

Re: தீவுத்திடல் அம்மாவுக்கு....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக