எதையும் சான்றோடும்... சாட்சியோடும்...

இரு நபர்களுக்குள் பணப் பரிமாற்றம் நடந்தது. கணிசமான தொகையுடன் சென்றவர், சாலையில் பைக்கில் அடிபட்டு இறந்து போனார்.

பணம் என்ன ஆயிற்று என்றே தெரியவில்லை. விபத்தின் போது உதவுகிறேன் பேர்வழி என முன் வந்த, முன்பின் தெரியாத ஒருவன் அமுக்கி விட்டான் என்றனர் சிலர். போக்குவரத்துப் போலீசார் கைப்பற்றினர் என்றனர் வேறு சிலர்

மொத்தத்தில் ஆளும் காலி; பணமும் காலி. ஆனால், உயிரை இழந்தவரின் குடும்ப உறுப்பினர்கள், 'நீங்கள், அவரிடம் பணத்தை தந்தேன் என்று சொன்னது பொய்; நம்பவே முடியாத கட்டுக்கதை...' என்று அடித்துப் பேசினர். பணத்தைக் கொடுத்தவருக்கு பணம் போனதுடன், கெட்ட பெயர் வேறு!

எந்த பணப் பரிமாற்றமும் ஆதாரம் மற்றும் சாட்சியத்துடன் நடைபெற வேண்டும். 'பணம் பெற்றேன்...' என்று கையெழுத்துக் கேட்பது அவசியம் தானா எனக் கொடுப்பவர்களே தயக்கம் காட்டுவதால் வரும் கோளாறு இது!

'என்ன... என் மீது நம்பிக்கை இல்லையா?' என்று வாங்குகிறவர்கள் கேட்கின்றனர்; இதுவும் தவறு.
இப்படிக் கேட்பர் என்று தெரிந்தால், வேறு விதமான அணுகுமுறைகளைக் கையாளலாம்.

நான் அறிந்த ஒரு முதலாளி, பிறருக்குத் தரும் தொகைகளான சம்பளம், அன்பளிப்பு மற்றும் கடன் எதுவானாலும் தன் கையால் கொடுக்கவே மாட்டார்; ஊழியர் மூலமாகத் தான் கொடுப்பார்.

அந்த ஊழியரோ, கையோடு புரோ நோட்டு, வவுச்சருடன் தான் பணத்தை நீட்டுவார்; கையெழுத்துப் போட்டே ஆக வேண்டும். 'எப்ப கொடுத்தீங்க, எவ்வளவு கொடுத்தீங்க, என்னைக்குக் கொடுத்தீங்க?' என்கிற மூன்று கேள்விகளுக்கும், மேற்படி ஒரு கையெழுத்துப் போதும்; அசைக்க முடியாத ஆதாரமாகி விடும்.

தனி மனித வரவு - செலவு என்றால், வீட்டினரை அழைத்து, அவர்கள் கையால் கொடுக்கச் செய்யலாம். உரியவருக்கு நினைவு இல்லாமல் போனாலும், உடன் இருந்தவருக்காவது நினைவு இருக்கும்.

அவர் நல்ல சாட்சியாகவும் ஆகிவிடுவார். ஒற்றை மனிதராக வரவு - செலவு செய்த நிலையில், வாங்கியவர், 'நானா வாங்கினேன்?' என்று மறுக்கும் போது, கொடுத்தவர் கை பிசைந்து நிற்க வேண்டும் என்பதுடன், ஏமாற்றுப் பேர்வழி என்றோ, ஏமாந்த சோணகிரி என்றோ பெயர் பரவும். இது தேவை தானா?

காசோலை மூலமான வரவு - செலவு என்றால் அது, இன்னமும் பாதுகாப்பு; நீதிமன்றம் வரை எடுபடும்.
பள்ளி, கல்லூரி ஆசிரியர்களுக்கு நான் பயிற்சி வகுப்பு எடுப்பது உண்டு. அப்போது, அவர்களிடம் மறவாமல் சொல்வது என்ன தெரியுமா...

ஒரு மாணவ, மாணவியரை கண்டிக்கவோ, விசாரிக்கவோ நேரும்போது, சாட்சியம் வைத்துக் கொள்ளுங்கள். துறைக்கு அழைத்து விசாரியுங்கள். உடன் ஓர் ஆசிரியர், ஆசிரியை பார்வையாளராக இருக்கட்டும். இதுவே பாதுகாப்பு!

இல்லாவிட்டால், மாணவன் என்றால் ஜாதியைச் சொல்லித் திட்டினார் என்றோ, மாணவி என்றால் கையைப் பிடித்து இழுத்தார் என்றோ அபாண்டம் வரலாம்; கவனம் என்பேன்.

சாவியைக் கொடுத்தேன்; பைலை ஒப்படைத்தேன் என்பதில் ஆரம்பித்து, பெரிய விஷயங்கள் வரை சாட்சியங்கள், மிக முக்கியமானவை; நம்மைக் காப்பாற்ற வல்லவை. சாட்சியம் மற்றும் சான்றுகள் நீதிமன்றங்களுக்கு மட்டுமே உரியவை, இத்தகைய களங்களில் மட்டுமே தேவை என பலரும் கருதுகின்றனர்; தவறு!

'வாங்கினதைக் கூடவா ஒருவர் மறப்பார், இதற்கெல்லாமா பொய் சொல்வர்...' என்று நாம் மற்றவர்களைப் பற்றி உயர்வாக மதிப்பிடுகிறோம்.

நம்முடைய மறதிக் குணம், பெருந்தன்மை ஆகியவற்றை தவறாகப் பயன்படுத்திக் கொள்ளும் சுயநலமிகள் மிகுந்த உலகில், நம் அணுகுமுறைகள் இனியேனும் மாற வேண்டும்.

இது, பிறரைச் சந்தேகக் கண்கொண்டு பார்க்கப்படும் பார்வையல்ல; எது ஒன்றையும் சம்பிரதாயமாக அணுக வேண்டும். முறைப்படி செய்ய வேண்டும் என்ற சரியான நோக்கமே இதன் அடிப்படை!

நம்மிடமிருந்து ஒன்றைப் பெற்றவர்களின் மறதி, அவர்களது சுயநலம் மற்றும் அவர்களுக்கு ஏற்படும் எதிர்பாராத நெருக்கடி போன்றவை நமக்கெதிரான வலுவான காரணிகளாகத் திரும்பி விட வாய்ப்பு இருக்கிறதா, இல்லையா?

எனவே, நம்மால் பிறருக்கு ஏன் தர்மசங்கடம் என்று கருதுகிற உணர்வை, ஓரமாக ஒதுக்கித் தள்ளி, நாம் சங்கடத்தில் சிக்கிக் கொள்ளக் கூடாது என்கிற உணர்வோடு, பாதுகாப்பு வளையத்தை நமக்கென உருவாக்கிக் கொள்ள வேண்டும்.

இழப்புகளையும், அவப்பெயர் மற்றும் ஏமாளிப் பட்டத்தையும் தவிர்ப்பவை சரியான சாட்சியங்கள் தான்; இதை, மனப்பூர்வமாக நம்புங்கள். உங்களை, எல்லா விதத்திலும் பாதுகாத்துக் கொள்ளுங்கள்!

லேனா தமிழ்வாணன்

krishnaamma wrote:

ஒரு மாணவ, மாணவியரை கண்டிக்கவோ, விசாரிக்கவோ நேரும்போது, சாட்சியம் வைத்துக் கொள்ளுங்கள். துறைக்கு அழைத்து விசாரியுங்கள். உடன் ஓர் ஆசிரியர், ஆசிரியை பார்வையாளராக இருக்கட்டும். இதுவே பாதுகாப்பு!

இல்லாவிட்டால், மாணவன் என்றால் ஜாதியைச் சொல்லித் திட்டினார் என்றோ, மாணவி என்றால் கையைப் பிடித்து இழுத்தார் என்றோ அபாண்டம் வரலாம்; கவனம் என்பேன்.

மேற்கோள் செய்த பதிவு: 1202067

இது நடைமுறை சாத்தியம் இல்லாதது . ஒரு மாணவனையோ / மாணவியையோ வகுப்பறைக்குள் கண்டிப்பதற்கு ஆசிரியருக்கு உரிமையுண்டு . வகுப்பறைக்கு வெளியே சாட்சியம் வைத்துக்கொண்டு விசாரணை செய்ய ஆசிரியருக்கு உரிமை இல்லை . அதற்கு தலையாசிரியர் / பிரின்ஸ்பால் முன் அனுமதி பெறவேண்டும் .

மனைவி பேரில் உள்ள வீட்டை வங்கியில்
அடமானமாக வைத்து கடன் வாங்க மனைவி
ஒப்புக்கொள்ள மாட்டேன் என்கிறாள்...
நீங்கள்தான் உதவணும் என்றார் உறவினர்
ஒருவர்...
-
உறவினருக்கு உதவி செய்கிறேன் என்று
எந்த கையெழுத்தும் வாங்காமல் தொகை
கொடுத்தேன்...
-
வட்டியெல்லாம் வேண்டாம், ஒரு வருடத்திற்குள்
அசலை கொடுத்தால் போதும் என்றேன்,,
-
வருடம் நாலாச்சு...வசூலிக்க இயலவில்லை...!!
-

ayyasamy ram wrote:மனைவி பேரில் உள்ள வீட்டை வங்கியில்
அடமானமாக வைத்து கடன் வாங்க மனைவி
ஒப்புக்கொள்ள மாட்டேன் என்கிறாள்...
நீங்கள்தான் உதவணும் என்றார் உறவினர்
ஒருவர்...
-
உறவினருக்கு உதவி செய்கிறேன் என்று
எந்த கையெழுத்தும் வாங்காமல் தொகை
கொடுத்தேன்...
-
வட்டியெல்லாம் வேண்டாம், ஒரு வருடத்திற்குள்
அசலை கொடுத்தால் போதும் என்றேன்,,
-
வருடம் நாலாச்சு...வசூலிக்க இயலவில்லை...!!

மேற்கோள் செய்த பதிவு: 1202091

ம்ம்.. நல்லதுக்கு காலம் இல்லை ராம் அண்ணா.....மேலே சொன்னது போல எல்லாத்துக்கும் சாட்சி வேண்டும் போல இருக்கு ...............அவர் தான் வாங்கிய கடனைப் பற்றி வீட்டில் சொன்னாரோ இல்லையோ........... .நீங்களா அண்ணா கொடுத்தீங்க?

நல்ல பகிர்வு அம்மா

உறவினர் ஒருவர் தன் மகளை பெண் கேட்டு
வந்திருக்கிறார்கள் என்று தகவல் சொல்ல
வந்தார்...
-
விசாரித்ததில், மாப்பிள்ளை வீட்டார் தங்கமானவர்கள்தான்
எனப் புரிந்தது...உடனே சம்மதம் சொல்லி விடுங்கள்
என்றேன்...
-
திருமணம் செய்ய இப்போது தோதுப்படாது, கையிருப்பு
பத்தாது என்றார், மேலும் ஐம்பதாயிரம் தேவைப்படும்
என்றார்....
-
ஒரு சுப காரியம் நம்மால் நடந்ததாக இருக்கட்டும்,
கொடுத்து உதவுங்கள் என்றார் துணைவி...
-
கொடுத்தேன், ஓராண்டு கழித்து நன்றியுடன்
கடன் தொகையை திரும்ப கொடுத்தார் அந்த
உறவினர்....
-
இப்படியும் ஒரு சம்பவம் நடந்தது...அதே போல
மற்ற உறவுகளும் இருப்பார்கள் என்று நினைத்தது
தவறாகி விட்டது...!!
-
படிப்பினை:
-
உறவுகளுக்குள் கடன் உதவி செய்வதில்
முன் ஜாக்கிரதை வேண்டும்...
-
சாட்சியுடனும், கையெழுத்து வாங்கிக்
கொள்ளவும் வேண்டும்...
-
வங்கியில் கடன் பெறுங்கள், தேவை என்றால்
நான் சாட்சிக் கையெழுத்து போடுகிறேன் என்று
சொல்ல வேண்டும்...
-
கடன் தொகையை அவர் செலுத்த தவறினால்
நம்மால் கட்ட முடிந்த அளவுக்கு உள்ளதாக
அந்த கடன் தொகை இருக்க வேண்டும...!!-
-
பாத்திரமறிந்து கடன் கொடுக்க வேண்டும்
உதவி செய்து உபத்திரவத்தை வாங்கிக் கொள்ளக்கூடாது..!!

ayyasamy ram wrote:
படிப்பினை:
-
உறவுகளுக்குள் கடன் உதவி செய்வதில்
முன் ஜாக்கிரதை வேண்டும்...
-
சாட்சியுடனும், கையெழுத்து வாங்கிக்
கொள்ளவும் வேண்டும்...
-
வங்கியில் கடன் பெறுங்கள், தேவை என்றால்
நான் சாட்சிக் கையெழுத்து போடுகிறேன் என்று
சொல்ல வேண்டும்...
-
கடன் தொகையை அவர் செலுத்த தவறினால்
நம்மால் கட்ட முடிந்த அளவுக்கு உள்ளதாக
அந்த கடன் தொகை இருக்க வேண்டும...!!-
-
பாத்திரமறிந்து கடன் கொடுக்க வேண்டும்
உதவி செய்து உபத்திரவத்தை வாங்கிக் கொள்ளக்கூடாது..!!

மேற்கோள் செய்த பதிவு: 1202119

ம்ம்.. புரிந்து கொண்டேன் அண்ணா, சில சமயம் நாங்களும் கொடுத்து ஏமாந்து இருக்கோம் ( தொகை சிறியது தான் ) சரி போகட்டும் என்று பார்த்தால், அவர்கள் என்னவோ நாம் அவர்களுக்கு பாக்கி வைத்தது போல பாராமுகமாய் நடக்கிறார்கள்......வருத்தமாய் இருக்கு

சசி wrote:நல்ல பகிர்வு அம்மா

நன்றி சசி

அசைக்கமுடியாத ஆதாரங்கள் இருந்தாலும் , மல்லையாக்களை ஒன்றும் செய்யமுடியாது; நீதிமன்றம் சென்றாலும் , அங்கு குமாரசாமிகள் அவர்களைக் காப்பாற்றி விடுவார்கள் .

பல சமயம் நன்கு பழகியவர்கள் எமாற்றும்போழுது தான் வேதனை மனஉளைச்சல் அதுகம் ஆகிறது