தே.மு.தி.க., ம ந கூட்டணியுடன் தமக

**T.N.Balasubramanian** · **T.N.Balasubramanian** Sat Apr 09, 2016 10:18 pm

தே.மு.தி.க., ம ந கூட்டணியுடன் தமக

சென்னை: விரைவில் கூட்டணி முடிவை அறிவிப்பேன் என கூறி வந்த த.மா.கா., தலைவர் வாசன், தே.மு.தி.க., மக்கள் நலக்கூட்டணியில் ஐக்கியமானார்.
தமிழக தேர்தல் களம் சூடுபிடித்து வரும் நிலையில் அதிமுக வேட்பாளர் பட்டியலை வெளியிட்டு, பிரசாரத்தையும் இன்று துவக்க இருக்கிறது. இதர கட்சிகளும் கூட்டணி பேச்சுவார்த்தை, தொகுதி பங்கீடு, வேட்பாளர்கள் பட்டியல் வெளியீடு, தேர்தல் அறிக்கை தயாரிப்பு, பிரசாரம் என பரபரப்பாக உள்ளன. இருப்பினும் தமாகா எந்த கூட்டணியில் இணைய போகிறது என்பது இன்னும் புரியாத புதிராகவே இருந்தது.

அக்கட்சியின் தலைவர் வாசனோ தொடர்ந்து, கூட்டணி குறித்து விரைவில் அறிவிக்கப்படும், வெற்றி பெறும் அணியுடனேயே கூட்டணி என கூறி வந்தார். வாசனின் இந்த கருத்தால் கடந்த சில நாட்களுக்கு முன் வரை அவர் அதிமுக கூட்டணியில் இணைய உள்ளதாகவும், அதிமுக.,வில் தமாகா.,வுக்கு 15 சீட்கள் ஒதுக்கப்பட உள்ளதாகவும் கூறப்பட்டது. தமாகா சார்பில் 25 சீட்கள் கேட்கப்பட்டதாகவும், அதற்கு அதிமுக தலைமை மறுப்பு தெரிவித்ததுடன், இரட்டை இலை சின்னத்தில் மட்டுமே போட்டியிட வேண்டும் என நிபந்தனை விதித்ததால் அதிமுக.,வுடன் கூட்டணி சேரும் எண்ணத்தை வாசன் கைவிட்டதாகவும் தகவல் வெளியானது. தமாகா தங்களுடன் வர வேண்டும். அவருடன் கூட்டணி பேச்சு நடத்தப்பட்டு வருவதாக பா.ஜ., நேற்று கூறியது.

இந்நிலையில் இன்று, தேமுதிக- மக்கள் நல கூட்டணியில் தமாகா இணைந்தது. மக்கள் நலக்கூட்டணி தலைவர்கள், தேனாம்பேட்டையில் உள்ள த.மா.கா., அலுவலகத்திற்கு சென்று கூட்டணி மற்றும் தொகுதி பங்கீடு குறித்து பேச்சுவார்த்தை நடத்தினர். தொடர்ந்து மக்கள் நலக்கூட்டணி தலைவர்கள் கோயம்பேடு சென்று, தே.மு.தி.க., தலைவர் விஜயகாந்தை சந்தித்து ஆலோசனை நடத்தினர். அவர்களுடன் வாசனும் ஆலோசனை நடத்தினர். இதனையடுத்து த.மா.கா., மக்கள் நலக்கூட்டணியில் இணைந்தது அதிகாரப்பூர்வமாக அறிவிக்கப்பட்டது. த.மா.கா.,விற்கு தே.மு.தி.க., 20 தொகுதிகளை விட்டுக்கொடுத்துள்ளது.

இதனையடுத்து மக்கள் நலக்கூட்டணியில் கட்சிகள் போட்டியிடும் தொகுதிகள் விபரம்:
தே.மு.தி.க., - 104 தொகுதிகள்
ம.தி.மு.க., - 29 தொகுதிகள்
விடுதலை சிறுத்தைகள்- 25 தொகுதிகள்
மார்க்சிஸ்ட் கம்யூனிஸ்ட் கட்சி- 25 தொகுதிகள்
இந்திய கம்யூனிஸ்ட் கட்சி - 25 தொகுதிகள்
த.மா.கா., - 26 தொகுதிகள்

மாற்றத்திற்கு மக்கள் எதிர்பார்ப்பு: தமிழ் மாநில காங்கிரஸ் கட்சி தலைவர் வாசன் பேசியதாவது: தமிழகத்திற்கு ஆட்சி மாற்றத்திற்கு அடித்தளமிட்ட கடிதங்களை காட்டியுள்ளோம். இளைஞர்கள், மகளிர், முதியவர்கள் என அனைத்து தரப்பினரும் மாற்றத்தை எதிர்பார்க்கின்றனர். ஊழலற்ற ஆட்சி, மதுவில்லா தமிழகம், வெளிப்படையான நிர்வாகம் வேண்டும் என மக்கள் எதிர்பார்க்கின்றனர் என கூறினார்

ஊழல் சொத்துக்கள் பறிமுதல்: தே.மு.தி.க., அலுவலகத்தில் ம.தி.மு.க., பொதுச்செயலாளர் வைகோ பேசியதாவது: 1967க்கு பிறகு தமிழக அரசியலில் மாற்றத்தை ஏற்படுத்தும் ஆண்டாக 2016 திகழும்.இந்த கூட்டணி தே.மு.தி.க., - மக்கள் நலக்கூட்டணி - த.மா.கா., கூட்டணி. கூட்டணி ஆட்சி அமைக்கப்படும்போது, லோக் ஆயுக்தா அமைக்கப்பட்டு, ஊழல் சொத்துக்கள் பறிமுதல் செய்யப்படும். விவசாயிகள் கடன் முழுமையாக தள்ளுபடி செய்யப்படும். கட்சி தொண்டர்கள் மீது தாக்கினால் பொறுத்துக்கொள்ள மாட்டேன் என பேசினார்.

நன்றி தினமலர்

ரமணியன்

**ayyasamy ram** · **ayyasamy ram** Sat Apr 09, 2016 10:39 pm

த மா க -வில் இவர் மட்டுமே எல்லோருக்கும்
அறிமுகமானவர்
-
தி மு த, அதிமுக-வை எதிர்த்து பிரசாரம்
செய்யும் வல்லமை படைத்த தொண்டர்களை
அவர் தேர்வு செய்ய வாழ்த்துவோம்...

இந்த பதிவைத் துவங்கியவர் நன்றி கூறியுள்ளார் ayyasamy ram

balakarthik · balakarthik Sun Apr 10, 2016 12:31 pm

கட்சி தொண்டர்கள் மீது தாக்கினால் பொறுத்துக்கொள்ள மாட்டேன் என பேசினார்.

யார் கட்சி தொண்டர்கலுனு சொன்னாரா வைக்கோ ஏனா இவர் கட்சி ஆளுங்களெல்லாம் வேறகட்சிக்கு போயிட்டாங்களே அதான் கேட்டேன்

**M.Jagadeesan** · **M.Jagadeesan** Sun Apr 10, 2016 1:49 pm

இன்று மக்கள் தேமுதிக அதாவது மதேமுதிக என்ற புதிய கட்சி சந்திரகுமார் தலைமையில் தொடங்கப் பட்டுள்ளது .

அது ம .ந . கூ .உடன் கூட்டணி வைத்துக் கொண்டாலும் ஆச்சரியப்படுவதற்கில்லை . இதுதான் தமிழ்நாட்டு அரசியல் !

**ராஜா** · **ராஜா** Sun Apr 10, 2016 2:17 pm

M.Jagadeesan wrote:இன்று மக்கள் தேமுதிக அதாவது மதேமுதிக என்ற புதிய கட்சி சந்திரகுமார் தலைமையில் தொடங்கப் பட்டுள்ளது .

அது ம .ந . கூ .உடன் கூட்டணி வைத்துக் கொண்டாலும் ஆச்சரியப்படுவதற்கில்லை . இதுதான் தமிழ்நாட்டு அரசியல் !

அருமை ஐயா ,

**T.N.Balasubramanian** · **T.N.Balasubramanian** Sun Apr 10, 2016 2:32 pm

ayyasamy ram wrote:த மா க -வில் இவர் மட்டுமே எல்லோருக்கும்
அறிமுகமானவர்
-.

மேற்கோள் செய்த பதிவு: 1201772

அதற்காக 26 தொகுதியிலும் இவரே போட்டி இட முடியுமா ?

ரமணியன்

balakarthik · balakarthik Sun Apr 10, 2016 2:34 pm

T.N.Balasubramanian wrote:
ayyasamy ram wrote:த மா க -வில் இவர் மட்டுமே எல்லோருக்கும்
அறிமுகமானவர்
-.
மேற்கோள் செய்த பதிவு: 1201772

அதற்காக 26 தொகுதியிலும் இவரே போட்டி இட முடியுமா ?

ரமணியன்

ஜெயிக்குரவங்கதானே அதை பத்தி கவலை படனும் இவரு நிக்கதானே போறாரு

**M.Jagadeesan** · **M.Jagadeesan** Sun Apr 10, 2016 2:35 pm

ayyasamy ram wrote:த மா க -வில் இவர் மட்டுமே எல்லோருக்கும்
அறிமுகமானவர்
-...

மேற்கோள் செய்த பதிவு: 1201772

பீட்டர் அல்போன்ஸ் , ஞானதேசிகன் இவர்களும் மக்களுக்கு நன்கு அறிமுகம் ஆனவர்கள்தானே !

**T.N.Balasubramanian** · **T.N.Balasubramanian** Sun Apr 10, 2016 2:37 pm

M.Jagadeesan wrote:இன்று மக்கள் தேமுதிக அதாவது மதேமுதிக என்ற புதிய கட்சி சந்திரகுமார் தலைமையில் தொடங்கப் பட்டுள்ளது .

அது ம .ந . கூ .உடன் கூட்டணி வைத்துக் கொண்டாலும் ஆச்சரியப்படுவதற்கில்லை . இதுதான் தமிழ்நாட்டு அரசியல் !

மேற்கோள் செய்த பதிவு: 1201910

பீட்டர் அல்போன்சும் முறுக்கிக் கொண்டு உள்ளார் போல இருக்கே .
அவரும் "மக்கள் தமிழ் மாநில காங்கிரஸ் "என்று ஒன்று ஆரம்பிப்பாரோ !!???

ரமணியன்

balakarthik · balakarthik Sun Apr 10, 2016 2:41 pm

T.N.Balasubramanian wrote:
M.Jagadeesan wrote:இன்று மக்கள் தேமுதிக அதாவது மதேமுதிக என்ற புதிய கட்சி சந்திரகுமார் தலைமையில் தொடங்கப் பட்டுள்ளது .

அது ம .ந . கூ .உடன் கூட்டணி வைத்துக் கொண்டாலும் ஆச்சரியப்படுவதற்கில்லை . இதுதான் தமிழ்நாட்டு அரசியல் !
மேற்கோள் செய்த பதிவு: 1201910

பீட்டர் அல்போன்சும் முறுக்கிக் கொண்டு உள்ளார் போல இருக்கே .
அவரும் "மக்கள் தமிழ் மாநில காங்கிரஸ் "என்று ஒன்று ஆரம்பிப்பாரோ !!???

ரமணியன்

மேற்கோள் செய்த பதிவு: 1201934

49O படத்தில் வருவதுபோல அனைவரும் கட்சி தலைவர்கள் அனைவரும் வேட்பாளர்களே

Sponsored content · Sponsored content

தே.மு.தி.க., ம ந கூட்டணியுடன் தமக

தே.மு.தி.க., ம ந கூட்டணியுடன் தமக

Re: தே.மு.தி.க., ம ந கூட்டணியுடன் தமக

Re: தே.மு.தி.க., ம ந கூட்டணியுடன் தமக

Re: தே.மு.தி.க., ம ந கூட்டணியுடன் தமக

Re: தே.மு.தி.க., ம ந கூட்டணியுடன் தமக

Re: தே.மு.தி.க., ம ந கூட்டணியுடன் தமக

Re: தே.மு.தி.க., ம ந கூட்டணியுடன் தமக

Re: தே.மு.தி.க., ம ந கூட்டணியுடன் தமக

Re: தே.மு.தி.க., ம ந கூட்டணியுடன் தமக

Re: தே.மு.தி.க., ம ந கூட்டணியுடன் தமக

Re: தே.மு.தி.க., ம ந கூட்டணியுடன் தமக

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக