பிரார்த்தனைக்கு எது முக்கியம்?

**ayyasamy ram** · **ayyasamy ram** Sat Apr 09, 2016 7:52 pm

-
ஒருவன் கடவுளை நோக்கி ஒரு அடி எடுத்து
வைத்தால், கடவுள் அவனை நோக்கி, இருபது
காதங்கள் எடுத்து வைப்பார்.

– ஈ ஆர்னால்ட்.

கடவுள் கொடுக்கத் தாமதம் செய்தால் அதைக்
கடவுள் கொடுக்க மறுக்கிறார் என்று கொள்ளாதே.

– டிரையன் எட்வர்ட்ஸ்.

மனிதன் அறிவில்லாதவன். கண் இல்லாதவன்.
நாம் பிரார்த்தனையில் கடவுளைக் கேட்கும் சில
விசயங்களை, அவர் நம் மீது கொண்டுள்ள அன்பின்
காரணமாகக் கொடுக்காமல் இருப்பதால்தான்.
நாம் பிழைத்திருக்கிறோம்.
இல்லையானால், நம்மை நாமே அழித்துக்
கொண்டிருப்போம்.

– ஹன்னா மோர்.

நான் வேண்டிக் கொண்டதையெல்லாம் கடவுள் எனக்குக்
கொடுக்கவில்லையென்று நான் எத்தனை சந்தோசப்படுகிறேன்.
தெரியுமா?

– ஜீன் இங்கிலோ.

ஆத்மாவைக் கடவுளிடம் கொண்டு செல்லும் இறக்கைகள்
பிரார்த்தனையாகும். கடவுளைக் காண நமக்கு உதவும் கண்கள்
தியானமாகும்.

– அம்பிரோன்.

**ayyasamy ram** · **ayyasamy ram** Sat Apr 09, 2016 7:54 pm

பிரார்த்தனைக்கு இதயம்தான் முக்கியமேயொழிய வார்த்தைகள்
அல்ல. இதயமற்ற வார்த்தைகளால் பலனில்லை. ஆனால்
வார்த்தையின்றி இதயத்தால் எவ்வளவோ சாதிக்க முடியும்.

– பனியன்.

நம்முடைய பிரார்த்தனையும், கடவுளுடைய அருளும்
கிணற்றின் ராட்டையில் தொங்கும் இரண்டு வாளிகள் போலாகும்.
ஒன்று மேலே போகும் போது, இன்னொன்று கீழே இறங்குகிறது.

– ஹாப்கின்ஸ்.

கடவுள் எங்கோ வெகு தொலைவில் இருக்கிறார். ஆனால்,
பிரார்த்தனையோ அவரை பூமிக்கு இழுத்துக் கொண்டு
வருவதுடன், அவருடைய சக்தியையும் நம்முடைய முயற்சியையும்
இணைக்கிறது.

– மாட் டீ காஸ்பெரின்.

எனக்கு வேறு ஒரு வழியும் தென்படவில்லையானால் நான்
உடனே முழந்தாளிட்டு, கடவுளைப் பிரார்த்தனை செய்ய
ஆரம்பிப்பேன். என் அறிவோ, என்னைச் சுற்றி இருந்தவர்களின்
அறிவோ என்னைக் காப்பாற்றும் என்று நான் என்றும் கருதியதில்லை.

– ஆபிரகாம் லிங்கன்.
–
————————————

தொகுப்பு:- கணேஷ் அரவிந்த்.

balakarthik · balakarthik Sun Apr 10, 2016 1:04 pm

மனிதன் அறிவில்லாதவன். கண் இல்லாதவன்.
நாம் பிரார்த்தனையில் கடவுளைக் கேட்கும் சில
விசயங்களை, அவர் நம் மீது கொண்டுள்ள அன்பின்
காரணமாகக் கொடுக்காமல் இருப்பதால்தான்.
நாம் பிழைத்திருக்கிறோம்.
இல்லையானால், நம்மை நாமே அழித்துக்
கொண்டிருப்போம்.

– ஹன்னா மோர்.

அருமை அருமையான வரிகள்

**krishnaamma** · **krishnaamma** Sun Apr 10, 2016 1:33 pm

பிரார்த்தனைக்கு இதயம்தான் முக்கியமேயொழிய வார்த்தைகள்
அல்ல. இதயமற்ற வார்த்தைகளால் பலனில்லை. ஆனால்
வார்த்தையின்றி இதயத்தால் எவ்வளவோ சாதிக்க முடியும்.

சூப்பர் ! மகிழ்ச்சி