அம்பலம்! வெளிநாட்டில் பணம் பதுக்கிய தலைவர்களின் பெயர்...

**ayyasamy ram** · **ayyasamy ram** Tue Apr 05, 2016 2:33 pm

-
பாரீஸ்:
வெளிநாடுகளில், போலி நிறுவனங்களின் பெயரில்,
ரஷ்ய அதிபர் விளாடிமிர் புடின்,
பாகிஸ்தான் பிரதமர் நவாஸ் உட்பட, பல்வேறு
உலகத் தலைவர்கள், கோடிக்கணக்கில் பணத்தை
பதுக்கி வைத்துள்ள அதிர்ச்சி தகவல் அம்பலமாகி
உள்ளது.
-
'பனாமா பேப்பர்ஸ்' என்ற பெயரில் வெளியாகியுள்ள,
இந்த மோசடியில் ஈடுபட்டுள்ளவர்கள் பட்டியலில்,
பாலிவுட் நடிகர் அமிதாப் பச்சன், நடிகை
ஐஸ்வர்யா ராய் உட்பட, 500 இந்தியர்களின் பெயரும்
இடம்பெற்றுள்ளன.

**ayyasamy ram** · **ayyasamy ram** Tue Apr 05, 2016 2:33 pm

-
சுவிட்சர்லாந்து போன்ற சில ஐரோப்பிய நாடுகளில்
வரிச்சலுகை கிடைப்பதால், அந்நாட்டு வங்கிகளில்
பலர் முதலீடு செய்து வந்தனர்; குறிப்பாக கறுப்புப்
பணம், இவ்வாறு பதுக்கப்பட்டு வந்தது.

இந்நிலையில், போலியான பெயரில் நிறுவனங்களை
உருவாக்கி அதில் முதலீடு செய்வது, போன்ற
மோசடி நடக்கிறது. மத்திய அமெரிக்க நாடான
பனாமாவை தலைமையிடமாக வைத்து செயல்படும்,
'மோசக் பொன்சிகா' என்ற சட்ட நிறுவனம், இது
போன்ற மோசடியை மிகப்பெரிய அளவில் செய்து
வருவது தற்போது அம்பலமாகி உள்ளது.

இந்த நிறுவனத்துக்கு, உலகின் பல்வேறு நாடுகளில்
கிளைகள் உள்ளன.
ஒரு குறிப்பிட்ட தொகையை செலுத்தி, போலியான
பெயரில் உள்ள நிறுவனத்தின் இயக்குனராக பதிவு
செய்து கொள்ளலாம். அந்த நிறுவனத்தின் பெயரில்
வங்கிகளில் பணத்தை முதலீடு செய்து கொள்ளலாம்.
இவ்வாறு, வெளிநாடுகளைச் சேர்ந்தவர்கள்
தங்களுடைய பணத்தை பதுக்கி வைத்துக் கொள்ள,
இந்த நிறுவனம் உதவி வருகிறது.

இந்த நிறுவனத்தின் கட்டுப்பாட்டில் இருந்த, 1.15 கோடி
பக்கங்கள் அடங்கிய ஆவணங்கள் தற்போது
வெளியாகியுள்ளன. போலி நிறுவனங்களில், உலக
தலைவர்கள் மற்றும் பிரபலங்கள், முதலீடு செய்துள்ளது
தெரிய வந்துள்ளது.

இந்த மோசடியை, 'இந்தியன் எக்ஸ்பிரஸ்' ஆங்கில
பத்திரிகை உட்பட, சர்வதேச புலன் விசாரணை
பத்திரிகையாளர் சங்கத்தைச் சேர்ந்த, உலகெங்கும்
உள்ள,100க்கும் மேற்பட்ட பத்திரிகைகளைச் சேர்ந்த
நிருபர்கள் அலசி ஆராய்ந்து வெளியிட்டுள்ளனர்.

இந்த மோசடியை அம்பலப்படுத்திய முயற்சிக்கு,
'பனாமா பேப்பர்ஸ்' என்று பெயரிடப்பட்டு உள்ளது.

**ayyasamy ram** · **ayyasamy ram** Tue Apr 05, 2016 2:33 pm

பனாமா பேப்பர்ஸ் என்றால் என்ன?

'மோசக் பொன்சிகா'என்ற சட்ட நிறுவனம்,
சர்வதேச அளவில் இந்த மோசடியை செய்து வருகிறது.
பனாமா நாட்டில் உள்ள அதன் தலைமையகத்தில்
இருந்து இந்த மோசடி குறித்த ஆவணங்கள்
வெளியானதால், பனாமா பேப்பர்ஸ் என்று அழைக்கப்
படுகிறது.

அடையாளம் தெரியாத ஒருவர் அளித்த இந்த
ஆவணங்கள், முதலில் ஜெர்மனியைச் சேர்ந்த
பத்திரிகைக்கு கிடைத்தது. அதைத் தொடர்ந்து,
சர்வதேச புலன் விசாரணை பத்திரிகையாளர்
சங்கத்தைச் சேர்ந்தவர்கள் இணைந்து, கடந்த எட்டு
மாதங்களாக ஆய்வு செய்து பெயர் பட்டியலை
வெளியிட்டுள்ளனர்.

கடந்த, 40 ஆண்டுகளாக, உலகெங்கும், 2.14 லட்சம்
நிறுவனங்களில் செய்யப்பட்ட முதலீடுகள்குறித்த
விவரம்வெளியாகியுள்ளது.

**ayyasamy ram** · **ayyasamy ram** Tue Apr 05, 2016 2:34 pm

சர்வதேச பிரபலங்கள்:
-

இந்த பட்டியலில், பல்வேறு நாடுகளின் தற்போதைய
மற்றும் முந்தைய அதிபர்கள், பிரதமர்கள், 12 பேர்
உட்பட, 140 முக்கிய பிரமுகர்கள் சிக்கி உள்ளனர்.

*விளாடிமிர் புடின், ரஷ்ய அதிபர்*லியோனல் மெஸ்ஸி,
அர்ஜென்டினா கால்பந்து வீரர்*சிக்முண்டர் டேவிட்
கன்லாக்சன் , ஐஸ்லாந்து பிரதமர் *நவாஸ் ஷெரீப்,
பாகிஸ்தான் பிரதமர்*பெட்ரோ போரோசென்கோ,
உக்ரைன் அதிபர்
*சல்மான் பின் அப்துல்அஜீஸ் அல் சவுத்,
சவுதி அரேபிய மன்னர் *ஜாக்கி சான், பிரபல நடிகர்
*சீன அதிபர் ஜி ஜின்பிங்கின் குடும்பம்*பிரிட்டன்
பிரதமர் டேவிட் கேமரூனின் தந்தை

இந்தியர்கள் யார் யார்?

*அமிதாப் பச்சன், பாலிவுட் நடிகர் *ஐஸ்வர்யா பச்சன்,
பாலிவுட் நடிகை *டி.எல்.எப்., குழுமத் தலைவர்
கே.பி.சிங் மற்றும் அவருடைய குடும்பத்தைச் சேர்ந்த
ஒன்பது பேர்*அதானி குழுமத் தலைவர் கவுதம்
அதானியின் மூத்த சகோதரர் வினோத் அதானி
*'இண்டியாபுல்ஸ்' நிறுவன தலைவர் சமீர் குலாடி
*'அப்பல்லோ டயர்ஸ்' தலைவர்
ஓன்கார் கன்வர்
*லோக்சத்தா கட்சித் தலைவர் அனுராக் கெஜ்ரிவால்
*மூத்த வழக்கறிஞர் ஹரீஷ் சால்வே*
முன்னாள் அட்டர்னி ஜெனரல் சோலி சொராப்ஜியின்
மகனும், பிரபல டாக்டருமான ஜகாங்கீர் சோலி சொராப்ஜி*
தமிழகத்தைச் சேர்ந்த பிரபல தொழிலதிபர் மல்லிகா
ஸ்ரீனிவாசன்
-
====================================
தினமலர்

**ayyasamy ram** · **ayyasamy ram** Tue Apr 05, 2016 8:27 pm

அமிதாப் பச்சன் தனது மறுப்பில் கூறியிருப்பதாவது:
-
இந்தியன் எக்ஸ்பிரஸ் குறிப்பிட்டுள்ள எந்த ஒரு
நிறுவனத்தையும் எனக்குத் தெரியாது. சீ பல்க் ஷிப்பிங்
நிறுவனம், லேடி ஷிப்பிங் லிட், ட்ரெஷர் ஷிப்பிங் லிட்,
மற்றும் டிராம்ப் ஷிப்பிங் லிட்., ஆகிய நிறுவனங்களுக்கும்
எனக்கும் எந்த வித சம்பந்தமும் இல்லை.

மேலே குறிப்பிட்ட நிறுவனங்களில் எதிலும் நான் இயக்குநராக
இருந்ததில்லை. என்னுடைய பெயர் தவறாகப் பயன்படுத்தப்
பட்டிருக்க சாத்தியமுள்ளது.

நான் வரிகளை ஒழுங்காகச் செலுத்தியுள்ளேன்,
அயல்நாடுகளில் செலவழித்த தொகைக்கும்
நான் வரி செலுத்தியே வந்துள்ளேன்.

தாராள பணம் அனுப்புதல் திட்டம் உட்பட அயல்நாட்டுக்கு
நான் அனுப்பிய தொகைகள் அனைத்தும் சட்டபூர்வமானது,
இதற்கு வரியையும் செலுத்தியுள்ளேன்.

எது எப்படியிருந்தாலும், இந்தியன் எக்ஸ்பிரஸில் வெளியான
செய்தி அறிக்கையிலும் கூட என் பக்கத்தில் சட்டவிரோத
நடவடிக்கை இருந்ததாக கூறவில்லை என்பதை தெரிவித்துக்
கொள்கிறேன்.
-

**krishnaamma** · **krishnaamma** Wed Apr 06, 2016 12:10 am

சிவனாசான் · சிவனாசான் Wed Apr 06, 2016 4:38 am

பலநாள் திருடன் ஒருநாள் அகப்பட்டுத்தானே ஆகனும்,????>>>>> பலநாள் திருடன் ஒருநாள் அகப்படுவான் என்பது பழமொழிங்க.

Sponsored content · Sponsored content

அம்பலம்! வெளிநாட்டில் பணம் பதுக்கிய தலைவர்களின் பெயர்...

அம்பலம்! வெளிநாட்டில் பணம் பதுக்கிய தலைவர்களின் பெயர்...

Re: அம்பலம்! வெளிநாட்டில் பணம் பதுக்கிய தலைவர்களின் பெயர்...

Re: அம்பலம்! வெளிநாட்டில் பணம் பதுக்கிய தலைவர்களின் பெயர்...

Re: அம்பலம்! வெளிநாட்டில் பணம் பதுக்கிய தலைவர்களின் பெயர்...

Re: அம்பலம்! வெளிநாட்டில் பணம் பதுக்கிய தலைவர்களின் பெயர்...

Re: அம்பலம்! வெளிநாட்டில் பணம் பதுக்கிய தலைவர்களின் பெயர்...

Re: அம்பலம்! வெளிநாட்டில் பணம் பதுக்கிய தலைவர்களின் பெயர்...

Re: அம்பலம்! வெளிநாட்டில் பணம் பதுக்கிய தலைவர்களின் பெயர்...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக