ஆள் பாதி ஆடை பாதி..............

ஆள் பாதி  ஆடை பாதி என்பார்கள்.......இப்போ நான் திருநீலகண்டர் கதை படித்தேன், அந்தக்  கதையை படித்ததும் எனக்கு மற்றும் ஒரு கதை நினைவுக்கு வந்தது....சிவன், விஷம் குடித்து, திருநீலகண்டர் ஆனது  பற்றியது...........இது உபன்யாசத்தில் நான் எப்போதோ கேட்டது...உபன்யாசகர் இதை, ஜஸ்ட் விளையாட்டகத்தான் சொன்னார்

அதாவது, பாற்கடலைக் கடையும்போது, நிறைய பொருட்கள் வந்தன. பாற்கடல் கடையும்போது அமிர்தத்துக்கு முன்பாக பல்வேறு அரிய பொருட்கள் தோன்றின. மகாலட்சுமியும் தோன்றினாள். அவளை திருமால் மணந்துகொண்டார் இல்லையா?

அப்போது தோன்றியவை இவை :

ரம்பை, ஊர்வசி, மேனகை, திலோத்தமை, கிருகத்தலை, சிகத்தலை, சகசந்திசை, பிரமலோசத்தி, அநுமுலோசை, கிருதாசி, விசுவாசி, உருப்பசி, பூர்வசித்தி,சங்கநிதி, பதுமநிதி, சிந்தாமணி, ரதி, மஹா லக்ஷ்மி  அகலிகை, இந்திராணி, ஸகேசி, மஞ்சுகோஷ், சித்திரலேகை என அறுபதாயிரம் (60,000) அரம்பையர்கள்
உச்சை சிரவஸ் எனும் வெள்ளைக்குதிரை (உச்சைச்சிரவம்)

ஐராவதம் என்ற வெள்ளை யானை, புண்டரீகம், வாமனம், குமுதம், அஞ்சனம், புட்பதந்தம், சார்வபௌமம், சுப்பிரதீகம் என எட்டு யானைகள்.

கௌஸ்துபமணி , சிந்தாமணி, கவுத்துவமணி

கற்பக மரம், பாரிஜாதம், ஹரிசந்தனம், சந்தனம், மந்தாரம் முதலிய ஐந்து மரங்கள்

மதுரசம்

பிரம்ம தண்டலம் - பிரம்ம கமண்டலம்

சூரியமணி, சமந்தகமணி, கவுஸ்துபமணி, தேவதத்த சங்கு, புஷ்பகவிமானம், நந்தி கோஷ ரதம்

ஆலகால விஷம்

வாருணி

சூரியன், சந்திரன்

மூதேவி, ஸ்ரீ தேவி, தாரை, சரஸ்வதி

சங்கநிதி, பதுமநிதி, சந்திரன், முதலிவைகளும்,

(பத்மம், மஹாபத்மம், மகரம், கச்சபம், குமுதம், நந்தம், சங்கம், நீலம், ஜஜபத்மினி வண்டோகை, மனோகை, பிங்களிகை, பதுமை, சங்கை, வேசங்கை,காளை, மகாகாளை, சர்வரத்னம் நவநிதிகள்)

கடைசியாக அமுத கலசத்துடன் தன்வந்திரியும் வந்தார்கள்.

இத்தனையையும் தங்கள் எல்லோரும் எடுத்துக்கொண்டு, அதாவது மஞ்சள் பட்டும்  பீதாம்பரமுமாக இருந்த மகாவிஷ்ணுவிடம்  மஹாலக்ஷ்மியையும் ஆலஹால விஷத்தை, சுடுகாட்டு சாம்பல் பூசிக் கொண்டு  ,  மான்தோல் மரவுரி தரித்த சிவனிடமும் கொடுத்திவிட்டர்கள்.  என்ன ஒரு அநியாயம்  பாருங்கோ.........அந்த சிவனும் கொஞ்சம் நல்லா உடுத்தி இருந்தால், அவருக்கு இந்த விஷப்பரீக்ஷை ,  இந்த கஷ்டம் வந்திருக்காதோ என்னவோ........அதனால உடுப்புக்கு மதிப்பு கொடுங்கள் என்றார் ...........

மேலும் சொன்னார் ,  அதனால கடன் கெட்டுப்போகும் போது, நன்னா உடுத்திக்கொண்டு போங்கோ, அப்போத்தான் நாம் கடனைத் திருப்பித்தரும் அளவுக்கு தெம்பாக இருக்கோம் என்றுநினைத்து கடன் தருவார்கள்....ஏன்னா 'ஆள் பாதி ஆடை பாதி' என்று இப்போ தான் பார்த்தோமே....என்றாரே பார்க்கலாம்

இப்போது 9 ஆயிரம்  கோடி கடன் வாங்கியவரும் இந்தக் கதையைக் அப்போ கேட்டாரோ என்னவோ

விஜய் மல்லையா எப்பொழுதுமே ஆடை பாதிதானே இருப்பாரு

-

-