ஒடிஸா முதல்வருக்கு தாய்மொழி கற்றுத்தர முயன்றவர்கள் கைது

**ayyasamy ram** · **ayyasamy ram** Sun Apr 03, 2016 8:56 am

ஒடிஸா முதல்வர் நவீன் பட்நாயக்கிற்கு
அவரது தாய்மொழியான "ஒடியா'வை கற்றுத்தர
முயன்ற, காங்கிரஸ் கட்சியின் மாணவரணியைச்
சேர்ந்த 5 இளைஞர்களை போலீஸார் சனிக்கிழமை
கைது செய்தனர்.

ஒடிஸா மாநில முதல்வராக உள்ள நவீன் பட்நாயக்,
வெளிநாட்டில் தங்கிப்படித்தவர் என்பதால், அவருக்கு
ஒடியா மொழி சரியாகத் தெரியாது என்று கூறப்
படுகிறது. இதனால், எதிர்க்கட்சிகளின் விமர்சனத்துக்கு
அவ்வப்போது அவர் ஆளாவது வழக்கமாகும்.

இந்த நிலையில், காங்கிரஸ் கட்சியின் ஒடிஸா மாநில
மாணவரணித் தலைவர் இதீஷ் பிரதான் தலைமையிலான
5 இளைஞர்கள், நவீன் பட்நாயக்கிற்கு ஒடியா மொழி
கற்றுத்தர போவதாகக் கூறி, புவனேசுவரத்தில் உள்ள
அவரது இல்லத்தை நோக்கி சனிக்கிழமை பேரணியாகப்
புறப்பட்டனர்.

பேனா, நோட்டுப்புத்தகம் போன்றவற்றுடன்
நவீன் பட்நாயக்கின் இல்லத்துக்குள் நுழைய முயன்ற
அவர்களை, போலீஸார் தடுத்து நிறுத்தி கைது செய்தனர்.

இதுகுறித்து இதீஷ் பிரதான் கூறியபோது, "கடந்த
15 ஆண்டுகளுக்கு மேலாக ஒடிஸாவின் முதல்வராக
நவீன் பட்நாயக் பதவி வகிக்கிறார். இருந்தாலும் இன்னமும்
அவருக்கு ஒடியா மொழி பேசத் தெரியவில்லை என்பது
மாநிலத்துக்கு மிகப்பெரிய அவமானமாகும்.

அவர் ஒடியா கற்கும் வரை எங்களது போராட்டம் தொடரும்.
இதேபோன்று, நவீன் பட்நாயக் தலைமையிலான அரசு,
ஒடியாவை மாநிலத்தின் அலுவல் மொழியாக அறிவிப்பதிலும்
எந்த அக்கறையும் காட்டவில்லை' என்றார்.
-
-----------------------------
தினமணி

**krishnaamma** · **krishnaamma** Sun Apr 03, 2016 10:18 am

அடாடா , நான் இப்போ தான் 2 நாளாய், நம் தாய் மொழி யாம் நம் தமிழின் இன் முக்கியத்துவத்தை உணர்த்த கட்டுரை தயார் செய்து கொண்டிருக்கேன், நீங்க இப்படி செய்தி போடறீங்க புன்னகை

.எல்லாம் ஒரே அழகுதான் போங்கோ ! சோகம்

ஒடிஸா முதல்வருக்கு தாய்மொழி கற்றுத்தர முயன்றவர்கள் கைது

ஒடிஸா முதல்வருக்கு தாய்மொழி கற்றுத்தர முயன்றவர்கள் கைது

Re: ஒடிஸா முதல்வருக்கு தாய்மொழி கற்றுத்தர முயன்றவர்கள் கைது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக