தனது ஒய்வு குறித்து வினவிய பத்திரிக்கையாளருக்கு டோனி ருசிகர பதில்

**ayyasamy ram** · **ayyasamy ram** Fri Apr 01, 2016 9:31 pm

-
மும்பை:
சர்வதேச கிரிக்கெட்டிலிருந்து ஒய்வு
பெற போகிறீர்களா என்று கேட்ட ஆஸ்திரேலிய
பத்திரிக்கையாளருக்கு இந்திய கிரிக்கெட் கேப்டன்
டோனி சுவையாக பதில் அளித்துள்ளார்.
-
நேற்று மேற்கிந்திய தீவுகள் அணிகளுக்கு எதிராக
நடந்த அரையிறுதி போட்டியில் இந்திய அணி
தோல்வியடைந்தது. இந்த போட்டிக்கு பின்னர்
செய்தியாளர்களை டோனி சந்தித்தார்.
-
அப்போது கிரிக்கெட் ஆஸ்திரேலியா பத்திரிக்கையை
சேர்ந்த சாம் ஃபெரிஸ் டோனியிடம் அவற்றின் ஒய்வு
திட்டம் குறித்து வினவினார்.
-
சற்றும் புன்னகை மாறாத முகத்துடன் அவரை
நோக்கிய டோனி, "இங்கே வாருங்கள், என்னருகில்
நீங்கள் அமர்ந்தால் நாம் சற்று உரையாடலாம்" என்று
கூறினார்.
-
உடனே, அந்த பத்திரிக்கையாளர் டோனியின் அருகே
சென்று அமர்ந்தார். அவரின் தோளில் தன் கையை
நட்பாக வைத்து, "நான் ஒய்வு பெற வேண்டும் என்று
நீங்கள் விரும்புகிறீர்களா?" என்று கேட்டார்.
-
"இல்லை, நான் விரும்பவில்லை. அது என் கேள்வி"
என்று சாம் ஃபெரிஸ் கூறினார்.
-
உடனே டோனி நகைச்சுவையாக, "இதனை ஒரு
இந்திய நிருபர் கேட்டால், ஒரு வேளை அவர் தம்பியோ,
மகனோ என் இடத்துக்கு வர வேண்டும் என்று எதிர்
பார்க்கிறார் என்று பொருள் கொள்ளலாம். உங்களை
நான் அப்படி எண்ண முடியாது.
-
நான் மைதனத்தில் ஓடுவது, ரன் குவிப்பது எல்லாம்
பார்த்த நீங்கள் நான் ஒய்வு பெற வேண்டும் என்று
நினைக்கிறீர்களா?
2019 உலக கோப்பை வரை நான் விளையாட முடியும்
என்று நினைக்கிறீர்களா? " என்று வினவினார் டோனி.
-
"இல்லை, நீங்கள் தொடர்ந்து விளையாட வேண்டும்"
என்று பதிலளித்து தன் இருக்கைக்கு சாம் ஃபெரிஸ்
திரும்பினார்.
-
--------------------------------
தமிழ் சமயம் காம்

தனது ஒய்வு குறித்து வினவிய பத்திரிக்கையாளருக்கு டோனி ருசிகர பதில்

தனது ஒய்வு குறித்து வினவிய பத்திரிக்கையாளருக்கு டோனி ருசிகர பதில்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக