குருட்டு விழியும் ஓவியமும்

**ayyasamy ram** · **ayyasamy ram** Fri Apr 01, 2016 12:31 am

-
ஒரு வசதியான பெரிய மனிதருக்கு தன்னை
ஓவியமாக வரைந்து பார்க்க வேண்டும் என்று
நெடுநாள் ஆசை.அவருக்கு இரண்டு கண்களில்
ஒன்றில் பார்வை கிடையாது
-
.பார்ப்பதற்கும் விகாரமாக இருக்கும்.அதனால்
தன்னை யார் அழகாக வரைகிறார்களோ
அவர்களுக்கு நிறைய சன்மானம் தருவதாகக்
கூறினார்.
-
ஆனால் அதே சமயம் ஓவியம் தனக்குப் பிடிக்க
வில்லையென்றால் தண்டனையும் கொடுக்கப்படும்
என்றும் அறிவித்தார்.
-
பக்கத்து ஊரிலிருந்து மூன்று ஓவியர்கள் அவரின்
நிபந்தனைக்கு ஒப்புக் கொண்டு அவரின் ஓவியத்தை
வரையத் தொடங்கினர்.
-
முதலாமவனின் ஓவியத்தில் பெரிய மனிதரின்
உருவத்தை அச்சு அசலாக வரைந்திருந்தான்.அந்த
ஓவியத்தில் தன்னுடைய குருட்டு விழியைப்
பார்த்ததும் தன்னைக் கேலி செய்வதாகக் கோபப்பட்ட
பெரிய மனிதர் அவருக்கு 50 கசையடிகள் கொடுக்க
உத்தரவிட்டார்.
-
இரண்டாவது ஓவியனும் அவரை அப்படியே
தத்ரூபமாக வரைந்திருந்தான்.ஆனால் அவரின் இரு
விழிகளையும் சீர்படுத்தி குருட்டுவிழி தெரியாதபடி
அழகாக வரைந்திருந்தான்.அதைப்பார்த்த பெரிய
மனிதர் உண்மையை மறைத்து பொய்யாக தன்னைச்
சித்தரித்திருப்பதைக் கண்டு கோபப்பட்டு அவனுக்கு
100 கசையடிகள் கொடுக்கச் சொன்னார்.
-
மூன்றாவது ஓவியன் அவரின் நேரான உருவத்தை
வரையாமல் பக்கவாட்டுத் தோற்றத்தை[புரோஃபைல்]
வரைந்திருந்தான்.அவரின் ஓவியம் அழகாக இருந்ததோடு
குருட்டு விழியும் பக்கவாட்டில் மறைத்து வரையப்
பட்டதால் மனம் மகிழ்ந்த அவர் அவனுக்கு நிறைய
சன்மானங்களை வழங்கினார்.
-
பெரிய மனிதரிடம் குறை இருந்தாலும் அதை
சுட்டிக்காட்டாமலும்,பொய்யாக அதை மறைக்காமலும் ,
அவரின் நிறையை மட்டுமே கண்டு கொண்டதால்
மூன்றாமவனுக்கு பரிசு கிடைத்தது.
-
-----------------------------------

**krishnaamma** · **krishnaamma** Fri Apr 01, 2016 1:03 am

நல்ல கடஹை அண்ணா புன்னகை

...............இதத்தான் 'பாசிடிவ் அப்ரோச்' என்று சொல்லறாங்களோ? புன்னகை

குருட்டு விழியும் ஓவியமும்

குருட்டு விழியும் ஓவியமும்

Re: குருட்டு விழியும் ஓவியமும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக