வரலாற்றில் இன்று - ஏப்ரல்

**விமந்தனி** · **விமந்தனி** Thu 31 Mar 2016 - 23:07

First topic message reminder :

வரலாற்றில் இன்று - ஏப்ரல் - Page 5 X5wCCVb3TDeSFCvcZ9a2+125

**விமந்தனி** · **விமந்தனி** Mon 25 Apr 2016 - 1:05

வரலாற்றில் இன்று - ஏப்ரல் - Page 5 Ve5NihtDTymSa5x49rw0+April-25

1906 - புதுமைப்பித்தன், தமிழக எழுத்தாளர் பிறந்த தினம் இன்று.

புதுமைப்பித்தன் என்ற புனைப்பெயர் கொண்ட சொ. விருத்தாசலம், மிகச்சிறந்த தமிழ் எழுத்தாளர்களுள் ஒருவர். நவீன தமிழ் இலக்கியத்தின் ஒரு முன்னோடியாக இவர் கருதப்படுகிறார். கூரிய சமூக விமர்சனமும் நையாண்டியும், முற்போக்குச் சிந்தனையும், இலக்கியச் சுவையும் கொண்ட இவருடைய படைப்புகள், இவரின் தனித்தன்மையினை நிறுவுகின்றன.

இவரது படைப்புகள் தமிழ் இலக்கியத்தில் மிகவும் அதிகமாக விவாதிக்கப்பட்டுள்ளன. 2002ல் தமிழக அரசு இவரது படைப்புகளை நாட்டுடமை ஆக்கியது.

**krishnaamma** · **krishnaamma** Mon 25 Apr 2016 - 1:27

ஒருவார நிகழ்வுகள் அனைத்தும் ஒருசேர கிடைக்கப் பெற்றேன் !.........சூப்பர் விமந்தனி ! ........ சூப்பருங்க

**விமந்தனி** · **விமந்தனி** Tue 26 Apr 2016 - 1:06

வரலாற்றில் இன்று - ஏப்ரல் - Page 5 EPVZYe0GQ2GubEqHKNjz+April-26

1564 - வில்லியம் சேக்சுபியர், ஆங்கில எழுத்தாளர் பிறந்த தினம் இன்று.

வில்லியம் சேக்சுபியர், ஒரு ஆங்கிலக் கவிஞரும் நாடக ஆசிரியருமாவார். ஆங்கில மொழியின் மிகப்பெரும் எழுத்தாளர் என்றும் உலகின் மிகப் புகழ்வாய்ந்த நாடக ஆசிரியர் என்றும் இவர் குறிப்பிடப்படுகிறார்.

அநேக சந்தர்ப்பங்களில் இங்கிலாந்தின் தேசியக் கவிஞர் என்றும் இவர் அழைக்கப்படுகிறார். வாழும் அவரது படைப்புகளில் 38 நாடகங்கள், 154 செய்யுள் வரிசைகள், இரண்டு நெடும் விவரிப்பு கவிதைகள், மற்றும் பல பிற கவிதைகள் அடங்கும்.

அவரது நாடகங்கள் உலகில் ஒவ்வொரு பெரிய மொழியிலும் மொழிபெயர்க்கப்பட்டிருக்கிறது. வருடந்தோறும் வேறு எந்த ஒரு நாடகாசிரியரின் நாடகங்களை விடவும் அதிகமாக நடத்தப்படுகிறது.

**krishnaamma** · **krishnaamma** Tue 26 Apr 2016 - 1:52

நன்றி விமந்தனி புன்னகை

**விமந்தனி** · **விமந்தனி** Fri 29 Apr 2016 - 15:04

வரலாற்றில் இன்று - ஏப்ரல் - Page 5 April-27

1521 - பெர்டினென்ட் மகலன், போர்த்துக்கேய மாலுமி இறந்த தினம் இன்று.

பெர்டினென்ட் மகலன் அல்லது பெர்டினண்டு மகாலன் போர்த்துக்கேய மாலுமி. உலகைச் சுற்றிவந்த முதல் மனிதராக அறியப்படுகிறார். 1519 இல் உலகைக் கப்பல் மூலம் சுற்றிவந்து நிறைவு செய்தார். பசுபிக் கடலுக்கு அப்பெயரை இவர் இட்டார்.

**விமந்தனி** · **விமந்தனி** Fri 29 Apr 2016 - 15:04

வரலாற்றில் இன்று - ஏப்ரல் - Page 5 April-28

1942 - உ. வே. சாமிநாதையர், தமிழறிஞர் இறந்த தினம் இன்று.

உ. வே. சாமிநாதையர், உத்தமதானபுரம் வேங்கடசுப்பையர் மகன் சாமிநாதன் சுருக்கமாக உ.வே.சா. இவர் சிறப்பாக தமிழ் தாத்தா என அறியப்படுகிறார். இவர் ஒரு தமிழறிஞர்.

பலரும் மறந்து அழிந்துபோகும் நிலையிலிருந்த பண்டைத் தமிழ் இலக்கியங்கள் பலவற்றைத் தேடி அச்சிட்டுப் பதிப்பித்தவர். இருபதாம் நூற்றாண்டின் தொடக்கத்தில் தமிழுக்குத் தொண்டாற்றியவர்களுள் உ. வே. சாமிநாதன் குறிப்பிடத்தக்கவர்.

தமது அச்சுப்பதிப்பிக்கும் பணியினால் தமிழ் இலக்கியத்தின் தொன்மையையும், செழுமையையும் அறியச் செய்தவர்.

உ.வே.சா 90 க்கும் மேற்பட்ட புத்தகங்களை அச்சுப்பதித்தது மட்டுமின்றி 3000 க்கும் அதிகமான ஏட்டுச்சுவடிகளையும் கையெழுத்தேடுகளையும் சேகரித்திருந்தார்.

**விமந்தனி** · **விமந்தனி** Fri 29 Apr 2016 - 15:05

வரலாற்றில் இன்று - ஏப்ரல் - Page 5 April-29

1848 - ரவி வர்மா, இந்திய ஓவியர் பிறந்த தினம் இன்று.

ராஜா ரவி வர்மா, நவீன காலத்துக்கு ஏற்ற முறையில் மேல்நாட்டில் வழங்கும் ஓவிய மரபை அப்படியே இந்தியப் பாணி ஓவியக்கலைக்குள் புகுத்தியவர். உலகப்புகழ் பெற்ற பல ஓவியங்களைப் படைத்தவர்.

**krishnaamma** · **krishnaamma** Fri 29 Apr 2016 - 16:28

நன்றி விமந்தனி புன்னகை

.......பிகாசோ வில் போட்டு இங்கே லிங்க் தந்து விட்டீர்களா? புன்னகை

**விமந்தனி** · **விமந்தனி** Sat 30 Apr 2016 - 0:16

krishnaamma wrote:நன்றி விமந்தனி .......பிகாசோ வில் போட்டு இங்கே லிங்க் தந்து விட்டீர்களா?

எஸ்... எஸ்...! பாலா கொடுத்த ஐடியாவால்.
வரலாறு பென்டிங் ஆகிறதே... என்ன செய்வது என்று நானே யோசித்துக்கொண்டிருந்தேன்.

**விமந்தனி** · **விமந்தனி** Sat 30 Apr 2016 - 0:22

வரலாற்றில் இன்று - ஏப்ரல் - Page 5 April-30

1870 - தாதாசாஹெப் பால்கே, இந்திய திரைப்படத்துறையின் முன்னோடி பிறந்த தினம் இன்று.

இந்திய சினிமாவின் தந்தை என்று அழைக்கப்படுபவர் தாதா சாகேப் பால்கே. இந்தியாவிற்கு சினிமாவை முதலில் அறிமுகப்படுத்தியவர் இவர்தான்.

தொடக்கத்தில் வெளிவந்த படங்கள் எதுவும் வண்ணப்படங்கள் அல்ல. ஒலியும் இல்லாமல் ஊமைப்படங்களாகத்தான் இருந்தன.

பால்கே தனது தீவிர முயற்சியினால் ஒரு சினிமாவை எழுதி இயக்கினார். படத்தின் பெயர் அரிச்சந்திரா. நடிகர்களை எப்படித் தேர்வு செய்வது என்று அவர் யோசிக்கவே இல்லை. தனது குடும்பத்திலிருந்த மொத்தம் 18 பேர்களையும் நடிகர்களாக ஆக்கி நடிக்க வைத்து விட்டார் பால்கே. எனவே முதல் இந்திய சினிமா ஒரு குடும்பப் படமே ஆகும்.

அவருடைய நினைவாக தாதாசாகெப் பால்கே விருது நிறுவப்பட்டது.

Sponsored content · Sponsored content

வரலாற்றில் இன்று - ஏப்ரல்

வரலாற்றில் இன்று - ஏப்ரல்

Re: வரலாற்றில் இன்று - ஏப்ரல்

Re: வரலாற்றில் இன்று - ஏப்ரல்

Re: வரலாற்றில் இன்று - ஏப்ரல்

Re: வரலாற்றில் இன்று - ஏப்ரல்

Re: வரலாற்றில் இன்று - ஏப்ரல்

Re: வரலாற்றில் இன்று - ஏப்ரல்

Re: வரலாற்றில் இன்று - ஏப்ரல்

Re: வரலாற்றில் இன்று - ஏப்ரல்

Re: வரலாற்றில் இன்று - ஏப்ரல்

Re: வரலாற்றில் இன்று - ஏப்ரல்

Re: வரலாற்றில் இன்று - ஏப்ரல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக