செருப்பு தைக்கும் கலை !

seltoday · seltoday Sat Mar 26, 2016 11:34 pm

செருப்பு , நம் வாழ்வில் தவிர்க்க முடியாத பங்கு வகிக்கிறது.
பெரும்பாலானோர் தற்போது பிஞ்ச செருப்பை தைத்து அணிவதில்லை ;செருப்பு நல்ல நிலையில் இருந்தாலும் கூட. நுகர்வு கலாச்சாரம் செருப்பையும் விட்டுவைக்கவில்லை. இதற்கு முன்பு பயன்படுத்திய செருப்புகள் பயன்பாட்டுக் காலத்தில் பிய்யவேயில்லை. கடைசியாக பள்ளிக்காலத்தில் தான் பிஞ்ச செருப்பை தைத்து அணிந்ததாக ஞாபகம்.

இன்றைய சூழலில் செருப்புகள் உயர்வான தரத்துடன் தயாரிக்கப்படுகின்றனவோ என்னவோ ? எளிதில் பிய்வதில்லை. ஆனால் ஆயுள் குறைவு. தற்போது பயன்படுத்திக் கொண்டிருக்கும் செருப்பு அவ்வளவு தரமில்லை போலும். நல்ல நிலையிலேயே பிய்ந்துவிட்டது. சற்று தயக்கத்துடனே தான் செருப்பைத் தைக்கப் போனேன். ஏனென்றால் பிய்ந்த இடம் அப்படி இதை எப்படி தைக்கப் போகிறார் என்ற யோசனையுடனே செருப்பு தைப்பவரை கவனிக்க ஆரம்பித்தேன். தைத்து முடித்தவுடன் என்னாலேயே நம்ப முடியவில்லை. செருப்பு பிய்ந்த இடமே வெளியில் தெரியவில்லை. அவ்வளவு நேர்த்தியாக ,கலை நுணுக்கத்துடன் தைக்கப்பட்டிருந்தது. செருப்பு தைக்கும் கலையை நேரடியாக பார்த்து வியந்த தருணமது. இந்த செருப்பின் ஆயுட்காலம் முழுவதும் அந்தக் கலைஞரின் நினைவு இருக்கும்.

நல்ல நிலையில் இருக்கும் செருப்பு பிய்ந்துவிட்டால் தூக்கி எறியாதீர்கள். அதை நேர்த்தியுடன் தைத்து
தெருவெங்கும் கலைஞர்கள் காத்திருக்கிறார்கள் !

**ராஜா** · **ராஜா** Sun Mar 27, 2016 11:24 am

நேற்று முன்தினம் நானும் கூட எனது செருப்பை தைக்க போனேன் Hushpuppies ஆச்சே எதற்குக் வீணாக தூக்கி போடணும் தைத்து வைத்துகொண்டால் சிறு பயணங்களுக்கு பயன்படுதிகொள்ளலாமே என்று தெருமுனையில் இருக்கும் ஒரு செருப்பு தைக்கும் தொழிலாளியிடம் போனேன்.

அருமையாக தைத்து கொடுத்தார், இப்ப எந்த இடத்தில தையை விட்டிருந்தது என்று கண்டுபிடிக்க முடியாத அளவுக்கு நேர்த்தியாக உள்ளது புன்னகை

**T.N.Balasubramanian** · **T.N.Balasubramanian** Sun Mar 27, 2016 1:33 pm

இத்துறையில் தேர்ந்த கலைஞர்களை காண்பது அரிதாக இருக்கிறது .
நூலை ,மெழுகால் மேலும் கீழும் பலமுறை பலப்படுத்தி ,
ஊசியை உள்ளிட்டு ,நூலை வெளிவாங்கி , தைக்கும் கலை தெரிந்தவர்கள் வெகு சிலரே இப்போது இருக்கிறார்கள் .
வட இந்தியாவில் அந்த காலத்திலேயே , ஆணியால் அடித்து பட்டிகளை ஒட்டவைப்பார்கள் .

ரமணியன்

இந்த பதிவைத் துவங்கியவர் நன்றி கூறியுள்ளார் T.N.Balasubramanian

**krishnaamma** · **krishnaamma** Sun Mar 27, 2016 11:29 pm

நல்ல நிலையில் இருக்கும் செருப்பு பிய்ந்துவிட்டால் தூக்கி எறியாதீர்கள். அதை நேர்த்தியுடன் தைத்து
தெருவெங்கும் கலைஞர்கள் காத்திருக்கிறார்கள் !

ஆமாம் கார்த்தி, இங்கு ( பெங்களூரில் ) எங்கள் வீட்டின் அருகில் கூட இது போல தைத்து தருபவர் இருக்கிறார், பழையதை தைத்து தருவதுடன், புதியதும் அளவெடுத்து தைத்து தருவார்...ரொம்ப நல்லா இருக்கும் அவரிடம் புன்னகை

.
.
இதேபோல ஒருவர் பழைய அல்லது உபயோகித்த துணிகளை மட்டுமே alter அல்லது தைத்து தருவார். ஒரு தையல் மிஷின் வைத்து இருக்கிறார், நாம், நம் உடைகளில் இரண்டாவது தையல் போடணும் அல்லது கிழிசல் தைக்கணும் என்றால்,கொடுத்தால் உடனடியாக தைத்து தருவார்.........எப்பவுமே பிசியாக இருப்பார் , நல்ல தொழில் !

**T.N.Balasubramanian** · **T.N.Balasubramanian** Mon Mar 28, 2016 6:53 am

ஆமாம் கார்த்தி, இங்கு ( பெங்களூரில் ) எங்கள் வீட்டின் அருகில் கூட இது போல தைத்து தருபவர் இருக்கிறார், பழையதை தைத்து தருவதுடன், புதியதும் அளவெடுத்து தைத்து தருவார்...ரொம்ப நல்லா இருக்கும் அவரிடம் புன்னகை
.

எந்த கார்த்தி !!!! அநியாயம்

ரமணியன்

**M.Jagadeesan** · **M.Jagadeesan** Mon Mar 28, 2016 8:42 am

BATA வில் கொள்ளை விலை !

வெயிலில் காயாமலும் , மழையில் நனையாமலும் வைத்திருந்தால் செருப்பு நீண்ட நாட்களுக்கு உழைக்கும் .
சர்க்கரை வியாதி உள்ளவர்கள் , அவர்களுக்கென்று தயாரிக்கப்பட்ட செருப்பைப் பயன்படுத்தினால் , காலில் புண்கள் வராது ; ஆணிக்கால் ஏற்படாது .

**krishnaamma** · **krishnaamma** Mon Mar 28, 2016 11:31 pm

T.N.Balasubramanian wrote:
ஆமாம் கார்த்தி, இங்கு ( பெங்களூரில் ) எங்கள் வீட்டின் அருகில் கூட இது போல தைத்து தருபவர் இருக்கிறார், பழையதை தைத்து தருவதுடன், புதியதும் அளவெடுத்து தைத்து தருவார்...ரொம்ப நல்லா இருக்கும் அவரிடம் புன்னகை
.

எந்த கார்த்தி !!!!
ரமணியன்

மேற்கோள் செய்த பதிவு: 1199434

மன்னிக்கணும் ஐயா, கார்த்தி இன் பதிவை படித்து விட்டு இங்கு வந்தேனா, அதே நினைவில் போட்டு விட்டேன் புன்னகை