முதலில் விஜய் மல்லையாவை முதலில் கைது செய்யுங்கள் என ரகளை...

-
மும்பையில் ரயில் டிக்கெட் எடுக்காமல் பயணத்தை
பெண்ணிடம் பரிசோதகர் அபராதம் செலுத்த சொல்லியிருந்தார்.
இதையடுத்து வங்கிகளை ஏமாற்றி, 9,000 கோடி ரூபாய் மோசடி
செய்த தொழிலதிபர், விஜய் மல்லையாவை முதலில் கைது
செய்யுங்கள், அபராதம் எல்லாம் செலுத்த முடியாது என கூறி
ரகளை செய்துள்ளார். இதனால் அங்கு பரபரப்பு ஏற்பட்டது.

மும்பையில் உள்ள புலேஷ்வர் பகுதியைச் சேர்ந்த
பிரேமலதா பன்சாலி என்ற பெண், சமீபத்தில், புறநகர் ரயிலில்
பயணித்துள்ளார். மஹாலட்சுமி ரயில்வே ஸ்டேஷனில் இறங்கிய
அவரிடம், டிக்கெட் பரிசோதகர்கள், டிக்கெட் கேட்டுள்ளனர்.

ஆனால், பிரேமலதா டிக்கெட் இல்லாமல் பயணித்துள்ளார்.
இதனால், 260 ரூபாய் அபராதம் செலுத்தி விட்டு செல்லும்படி,
டிக்கெட் பரிசோதகர்கள் கூறியுள்ளனர்.அபராதம் செலுத்த மறுத்த
அவர், 'வங்கிகளில், 9,000 கோடி ரூபாய் கடன் வாங்கி, தப்பித்துச்
சென்ற, விஜய் மல்லையாவை, முதலில் கைது பண்ணுங்க' என
கூறியுள்ளார்.

அங்கு விரைந்த ரயில்வே போலீசார், 'நீங்கள் அபராதம் செலுத்தா
விட்டால், ஏழு நாட்கள் சிறை தண்டனை அனுபவிக்க வேண்டி வரும்'
என, கண்டிப்புடன் கூறியுள்ளனர். அதற்கு அப்பெண், 'சிறை தண்டனை
அனுபவிக்க தயார்; அபராதத்தை செலுத்த மாட்டேன்' என கூறி,
முரண்டு பிடித்தார்.

பின், அப்பெண்ணின் கணவரை, ரயில்வே போலீசார் வரவழைத்தனர்.
அவர் சமாதானப்படுத்தியும், அந்த பெண், பிடிவாதமாக, அபராதம்
செலுத்த மறுத்து விட்டார்.
இந்த சம்பவம், அங்கு பெரும் பரபரப்பை ஏற்படுத்தியது.
-
-------------------------------
தினமணி

-
எல்லாம் உங்க ட்ரைனிங் தான் தலைவரே

என்னால ஓட முடியுது
உங்களால்....
-
முக நூலில் ரசித்தது