பிளாஸ்டிக்கைத் தின்னும் 'பாக்டீரியா'க்கள் !

**krishnaamma** · **krishnaamma** Wed 23 Mar 2016 - 22:15

வீணாக வீசப்பட்ட பிளாஸ்டிக் 'பெட்' பாட்டில்கள், உலகெங்கும் மலைபோல குவிய ஆரம்பித்திருக்கின்றன. இவை, மட்காத ரகம் என்பதால், மண்ணில் புதைந்து நச்சுகளை உண்டாக்குபவை.

இவற்றை மறுசுழற்சி செய்வது ஒரு தீர்வு என்றாலும், உலகெங்கும் உற்பத்தியாகும் பெட் பாட்டில்களில், 15 சதவீதமே மறுசுழற்சிக்கு வருகின்றன. ஜப்பானைச் சேர்ந்த விஞ்ஞானிகள், பெட் பாட்டில்களில் உள்ள பிளாஸ்டிக் மூலக்கூறுகளை குறைந்த காலத்தில் சிதைத்து மட்கச் செய்யும் புதுவித பாக்டீரியாவை கண்டுபிடித்துள்ளனர்.

ஜப்பானிலுள்ள கியோட்டோ தொழில்நுட்ப நிலையத்தைச் சேர்ந்த டாக்டர் ஷோசுகே யோஷிடாவும், அவரது குழுவினரும், 250 குப்பை மேடுகளில் ஆராய்ச்சி மேற்கொண்டனர். அங்கு, சில பகுதிகளில் மண்ணில் இருந்த பாக்டீரியாக்கள் பெட் பாட்டில்களை அரிக்க ஆரம்பித்திருந்தன. அந்த பாக்டீரியாக்களை சேமித்து வந்து, ஒரு பெட் பாட்டிலில் போட்டு ஆய்வகத்தில் வைத்தனர். சில வாரங்களில் அந்த பெட் பாட்டில் முழுவதும் சிதைந்து போயிருந்தது.

பெட் பாட்டில்கள் அதிகரித்து விட்டதால், அந்த சூழலில் இருக்கும் பாக்டீரியாக்கள், அவற்றை சிதைக்கும் என்சைம்களை உருவாக்க ஆரம்பித்திருக்கலாம் என்று விஞ்ஞானிகள்
கருதுகின்றனர். 'ஐடியோநெல்லா சகாயன்சிஸ்' என்று பெயரிடப்பட்டுள்ள இந்த புதுவகை பாக்டீரியாக்கள், பிளாஸ்டிக்கை உண்டு, சிதைத்து, சுற்றுச்சூழலுக்கு அதிக கேடு விளைவிக்காத, 'டெரெப்தாலிக்' அமிலம் மற்றும், 'எத்திலின் கிளைகால்' ஆகிய பொருள்களை மிச்சம் வைக்கின்றன.

முன், பிளாஸ்டிக்கை அரிக்கும் சில பூஞ்சைகள் கண்டுபிடிக்கப்பட்டிருந்தாலும், அவற்றை ஆய்வகத்தில் பயன்படுத்த முடியவில்லை. ஆனால், ஷோசுகேவின் குழு, பிளாஸ்டிக் தின்னி பாக்டீரியாவை ஆய்வகத்தில் வெற்றிகரமாக சோதித்து வெற்றி கண்டுள்ளனர். இவர்களது ஆய்வு, 'சயின்ஸ்' இதழில் வெளியிடப்பட்டுள்ளது.

தினமலர்

**krishnaamma** · **krishnaamma** Wed 23 Mar 2016 - 22:16

அந்த விஞ்ஞானிகளுக்கு மனமார்ந்த வாழ்த்துகள் !..............

**ஜாஹீதாபானு** · **ஜாஹீதாபானு** Thu 24 Mar 2016 - 18:28

அருமை விஞ்ஞானிகளுக்கு வாழ்த்துகள் புன்னகை

**ayyasamy ram** · **ayyasamy ram** Mon 4 Apr 2016 - 16:02

பிளாஸ்டிக்கைத் தின்னும் 'பாக்டீரியா'க்கள் ! BaDTUuUQ6K8dEuB436cQ+Timesofadventure_1282_Big_Tamil_News_large_1480359

-

வீணாக வீசப்பட்ட பிளாஸ்டிக் 'பெட்' பாட்டில்கள்,
உலகெங்கும் மலைபோல குவிய
ஆரம்பித்திருக்கின்றன. இவை, மட்காத ரகம்
என்பதால், மண்ணில் புதைந்து நச்சுகளை
உண்டாக்குபவை.
-
இவற்றை மறுசுழற்சி செய்வது ஒரு தீர்வு என்றாலும்,
உலகெங்கும் உற்பத்தியாகும் பெட் பாட்டில்களில்,
15 சதவீதமே மறுசுழற்சிக்கு வருகின்றன.
-
ஜப்பானைச் சேர்ந்த விஞ்ஞானிகள், பெட் பாட்டில்களில்
உள்ள பிளாஸ்டிக் மூலக்கூறுகளை குறைந்த காலத்தில்
சிதைத்து மட்கச் செய்யும் புதுவித பாக்டீரியாவை
கண்டுபிடித்துள்ளனர்.
-
ஜப்பானிலுள்ள கியோட்டோ தொழில்நுட்ப
நிலையத்தைச் சேர்ந்த டாக்டர் ஷோசுகே யோஷிடாவும்,
அவரது குழுவினரும், 250 குப்பை மேடுகளில் ஆராய்ச்சி
மேற்கொண்டனர். அங்கு, சில பகுதிகளில் மண்ணில்
இருந்த பாக்டீரியாக்கள் பெட் பாட்டில்களை அரிக்க
ஆரம்பித்திருந்தன.
-
அந்த பாக்டீரியாக்களை சேமித்து வந்து, ஒரு பெட்
பாட்டிலில் போட்டு ஆய்வகத்தில் வைத்தனர்.
சில வாரங்களில் அந்த பெட் பாட்டில் முழுவதும்
சிதைந்து போயிருந்தது.
-
பெட் பாட்டில்கள் அதிகரித்து விட்டதால், அந்த சூழலில்
இருக்கும் பாக்டீரியாக்கள், அவற்றை சிதைக்கும்
என்சைம்களை உருவாக்க ஆரம்பித்திருக்கலாம் என்று
விஞ்ஞானிகள் கருதுகின்றனர்.
-
'ஐடியோநெல்லா சகாயன்சிஸ்' என்று பெயரிடப்பட்டுள்ள
இந்த புதுவகை பாக்டீரியாக்கள், பிளாஸ்டிக்கை உண்டு,
சிதைத்து, சுற்றுச்சூழலுக்கு அதிக கேடு விளைவிக்காத,
'டெரெப்தாலிக்' அமிலம் மற்றும், 'எத்திலின் கிளைகால்'
ஆகிய பொருள்களை மிச்சம் வைக்கின்றன.
-
முன், பிளாஸ்டிக்கை அரிக்கும் சில பூஞ்சைகள் கண்டு
பிடிக்கப்பட்டிருந்தாலும், அவற்றை ஆய்வகத்தில் பயன்
படுத்த முடியவில்லை. ஆனால், ஷோசுகேவின் குழு,
பிளாஸ்டிக் தின்னி பாக்டீரியாவை ஆய்வகத்தில்
வெற்றிகரமாக சோதித்து வெற்றி கண்டுள்ளனர்.
-
------------------------------------
நன்றி- டைம்ஸ் ஆப் அட்வென்சர்

சிவனாசான் · சிவனாசான் Mon 4 Apr 2016 - 17:48

பிலாஸ்டிக்கையே உற்பத்தி இன்றி ஒழித்தால் என்ன . பயிர் வளர உரம் கண்டு பிடித்து நன்னீரையே கெடுத்து பூச்சி விஷ உணவுப்பொருள்களை உற்பத்தி ஆக்கி விட்டதுபோல பிலாஸ்டிகை அரிக்க கண்டுபிடிச்சி அந்த பேக்டீரியா வேறொரு தீமைக்கு காரணமாக இருக்காது என்பதற்கு உத்திரவாதம் உள்ளதா? ஒன்றை ஒழிக்க ஒன்றை உண்டாக்குவானேன்.

balakarthik · balakarthik Wed 6 Apr 2016 - 21:57

மக்காத ப்லாச்டிக்கையே இந்த பாக்டிரியாக்கள் அழிக்குதுனா இது ப்ளாஸ்டிக்கை விட ஆபத்தாச்சே இத அழிக்க இன்னொன்னு கண்டுபுடிப்பாங்களா

ப்ளாஸ்டிக் உபயோகத்தை கட்டுபடுத்தாம அழிப்பது பயன் இல்லை ஒருபக்கம் தயார் ஆகிகிட்டு இருக்கும் ஒருபக்கம் அழிசிகிட்டு இருக்கும்