பெல்ஜியம் தாக்குதல்; இந்தியாவில் அலர்ட் !

பெல்ஜியம் தாக்குதல்; இந்தியாவில் அலர்ட்; " போர்க்களமாக இருந்தது " உயிர் தப்பியவர் பேட்டி !

புதுடில்லி: பெல்ஜியத்தில் இன்று நடந்த குண்டு வெடிப்பின் எதிரொலியால் நாடு முழுவதும் முக்கிய நகரங்கள் உஷார்படுத்தப்பட்டுள்ளன. பெல்ஜியத்தில் இன்று நடந்த குண்டு வெடிப்பில் 25க்கும் மேற்பட்டோர் கொல்லப்பட்டுள்ளனர். இன்னும் பலர் உயிருக்கு போராடிய நிலையில் ஆஸ்பத்திரியில் சேர்க்கப்பட்டுள்ளனர். உயிர்ப்பலி அதிகரிக்கக்கூடும் என அஞ்சப்படுகிறது.

இது குறித்து பெல்ஜியம் விசாரணை அதிகாரி கூறுகையில்; இந்த சம்பவம் தற்கொலை படை தாக்குதல் . இதில் எத்தனை பயங்கரவாதிகள் ஈடுபட்டனர் என்பது குறித்து இன்னும் முழு விவரம் தெரியவில்லை என்றார்.

போர்க்களம் போல் இருந்தன: சம்பவ இடத்தில் லேசான காயத்துடன் உயிர் தப்பிய ஒருவர் கூறுகையில்: விமான நிலையத்தில் எங்கு பார்த்தாலும் ரத்த திவளைகளாக காட்சி அளிக்கிறது. போர் நடந்த இடம் போல் இருப்பதை கண்டு நான் அலறிவிட்டேன் என்றார் மிரட்சியோடு. பிரதமர் மோடியின் பயணம் ரத்தாகுமா ?: இந்நிலையில் பிரதமர் மோடி, வரும் 30-ம் தேதி பெல்ஜியம் மற்றும் சவூதி அரேபியாவிற்கு அரசு முறைப்பயணம் மேற்கொள்ள திட்டமிட்டுள்ளார். ஐரோப்பியன் யூனியன் உச்சி மாநாட்டில் பங்கேற்கிறார். குண்டுவெடிப்பு சம்பவம் நடந்தாலும் திட்டமிட்டப்படி அவரது பயணம் நடக்கும் என தகவல்கள் தெரிவிக்கின்றன.

பிரதமர் மோடி கண்டனம்: பிரதமர் மோடி தனது டுவிட்டரில் கூறியுள்ளதாவது : பிரஸ்ஸல்ஸ் குண்டுவெடிப்பு கண்டிக்கத்தக்கது. இந்த சம்பவத்தில் பலியானவர்களின் குடும்பத்தினருக்கு எனது ஆழ்ந்த இரங்கலை தெரிவித்துக்கொள்கிறேன். என கூறியுள்ளார். மத்திய அமைச்சர் சுஷ்மா கூறுகையில், பிரஸ்ஸல்ஸ் குண்டுவடிப்பு சம்பவத்தில் இந்தியர்கள் யாரும் பலியாகவில்லை என்றார்.

தினமலர்

பிரசல்ஸ்: பெல்ஜியம் தலைநகர் பிரசல்ஸில் அடுத்தடுத்து குண்டு வெடித்ததில் 13 பேர் பரிதாபமாக உயிரிழந்தனர். பிரசல்ஸ் விமான நிலையத்தில் பயணிகள் புறப்படுமிடத்தில் அடுத்தடுத்து இரு குண்டுகள் வெடித்துள்ளன. இங்கு நிகழ்ந்த குண்டு வெடிப்பில் 25 பேர் காயமடைந்தனர். இதனால் விமான நிலையத்திலிருந்தவர்கள் பெரும் பீதிக்க ஆளானார்கள். இது ஒரு சர்வதேச விமான நிலையமாகும். உலகின் பல நாடுகளுக்கு இங்கிருந்து விமானங்கள் இயக்கப்படுகின்றன. இதனால் எந்நேரமும் பயணிகள் கூட்டம் நிரம்பி வழியும்.

குண்டு வெடிப்பையடுத்து பிரசல்ஸ் விமான நிலையம் மூடப்பட்டது. பிரசல்ஸ் விமான நிலையத்திற்கு செல்லும் ரயில் போக்குவரத்தும் நிறுத்தப்பட்டது. குண்டு வெடிப்பை அடுத்து விமான நிலையத்தில் இருந்து பயணிகள் வெளியேற்றப்பட்டனர். விமான நிலையத்தை சுற்றி பெல்ஜியம் அரசு அவசர நிலையை அறிவித்துள்ளது. கடந்த நவம்பரில் பாரிஸ் நகரில் நடந்த குண்டு வெடிப்பு குற்றவாளிகள் பிரசல்ஸ் நகரை சேர்ந்தவர்கள் என்று கண்டறியப்பட்டுள்ளது. இந்த விவரம் வெளியான 4 நாட்களில் பெல்ஜியத்தில் இரட்டை குண்டு வெடிப்பு நிகழ்ந்துள்ளது குறிப்பிடத்தக்கது.

மெட்ரோ ரயில் நிலையத்தில் குண்டு வெடிப்பு;

பிரசல்ஸ் மெட்ரோ ரயில் நிலையத்திற்கு அருகே ஐரோப்பிய அமைப்புகளின் கல்வி நிறுவனங்களுக்கு அருகில் குண்டு வெடித்ததாக பெல்ஜிய செய்தி ஒளிபரப்பாளர் தெரிவித்துள்ளார். இதனால் அனைத்து மெட்ரோ ரயில் நிலையங்களும் மூடப்படுவதாக அதிகாரிகள் தெரிவித்துள்ளனர்

தினகரன்

இப்படி உடனே ரயில் நிலையங்களை மூடிவதால், பொதுமக்கள் அவதிக்கு ஆளாக மாட்டார்களா?.........எதற்காக இப்படி மூடுகிறார்கள்?............தீவிரவாதிகளும் ஸ்டேஷன் உள்ளே வரமுடியாது என்றா? .............என்று யாராவது சொல்லுங்களேன்