மாற்றம் நம்மிடமிருந்து ஏற்பட வேண்டும்

**ayyasamy ram** · **ayyasamy ram** Sat Mar 19, 2016 6:16 pm

மாதா அமிர்தானந்தமயி சொற்பொழிவாற்றும்
போது கூறிய குட்டி கதை..!!

ஒருவருக்கு வீட்டில் டெலிபோன் பில் அதிகமாக
வந்தது. அவர் தன் மனைவியிடம் கூறினார்
நான் நண்பர்கள், உறவினர்களுக்கு போன் செய்ய
அலுவலக போனை பயன்படுத்துகிறேன் நீதான்
அதிகமாக பேசியிருப்பாய் என கூறினார்.

ஆனால் அவர் மனைவியோ தானும் தான்
வேலைசெய்யும் இடத்தில்தான் போன் பேசுகிறேன்.
நம் மகன் அவனது நண்பர்களிடம் பேசியதால்
பில் அதிகரித்திருக்கலாம் என்றார் அவர் மனைவி.

மகனோ எனக்கும் நான் வேலைசெய்யும்
கம்பெனியில் போன் உண்டு அதிலிருந்துதான் நான்
போன் செய்கிறேன் என்றான். நம் வீட்டில் வேலை
செய்யும் பெண் டெலிபோனை சுற்றிவருவதை
பார்த்திருக்கிறேன் என்றான் மகன்.

வேலைக்காரியோ, என்னை எதற்காக திட்டுகிறீர்கள்
உங்களைப்போல நானும் வேலை செய்யும்
இடத்திலிருந்துதான் என் நண்பர்களுக்கும்,
உறவினர்களுக்கும் போன் பேசுகிறேன் என அவர்
கூறியதும் அனைவரும் அதிர்ச்சியடைந்தனர்.

நாம் செய்யும் தவறை மற்றவர்கள் செய்தால் நமக்கு
அதிர்ச்சியாகிறது. மாற்றம் நம்மிடமிருந்து ஏற்பட
வேண்டும்.
–
———————–

சதாசிவம் · சதாசிவம் Sun Mar 20, 2016 7:35 am

நல்ல பதிவு,

இன்றைய அரசியல் மோசடிகளுக்கு மக்களே காரணம்.

**M.Jagadeesan** · **M.Jagadeesan** Sun Mar 20, 2016 8:05 am

சதாசிவம் ஐயா !

தங்களுடைய Proile Signature - ல் " with " என்பதற்குப் பதிலாக " will " என்று இருக்கவேண்டும் என்று எண்ணுகிறேன் .

Authors who never give you something to disagree with ( will ) never give you anything to think about " - Michael Larocca

நண்பர்கள் என்ன சொல்கிறார்கள் என்று பார்ப்போம் .

சதாசிவம் · சதாசிவம் Mon Mar 21, 2016 11:15 am

அய்யா,

தங்களின் ஐயம் நியானமானதே, கேள்விக்கு மிக்க நன்றி.

ஆயினும் என் கையெழுத்தில் உள்ள வார்த்தைகளை ஒரு முறைக்கு இரு முறை சரிபார்த்து விட்டேன், இணையத்தில் அனைத்து இடங்களில் with என்ற வார்த்தையுடன் தான் உள்ளது.

"உங்களுடன் ஏற்க முடியாத கருத்துக்கள் ஒரு சிலவற்றையாவது எடுத்தாளாத அல்லது எடுத்துறைக்காத ஆசிரியர் (எழுத்தாளர்) உங்களை ஒரு பொழுதும் யோசிக்க வைப்பதில்லை -என்பது தான் நான் புரிந்து கொண்டது"

உடன் என்பது with என்ற வார்த்தையோடு பொருந்துகிறது என்பது என் கருத்து.

பல நேரங்களில் நாம் படிக்கும் பல கட்டுரைகள், கதைகள், கருத்துகள், பின்னூட்டம், விமர்சனங்கள் பெரும்பாலனவரின் கருத்துடன் இணைந்து வருகிறது,,,ஒருவரையும் வருத்தம் கொள்ளா வண்ணம் அல்லது பெரும்பான்மையினரை கவரும் பொருட்டு இவ்வாறு எழுதப்பட்டாலும் இது சிந்தனையை வளர்ப்பதில்லை .பெரும்பான்மை இருந்தால் அது ஏற்றுக்கொள்ள கூடியது என்ற பலரும் நம்பி, மாற்றுக் கருத்தை பற்றி யோசிப்பதில்லை..

உதாரணத்துக்கு 20-30% வாக்கு வங்கி உள்ள கட்சி ஆட்சியை பிடிக்கும் என்று நம்புகிறது. இதனை பெரும்பான்மை என்று பலரும் நம்புகிறார்கள். ஆனால் 70-80 % மக்கள் இவர்களை வேண்டாம் என்று சொல்கிறார்கள், அதற்கு என்ன பதில் என்று ஒரு கேள்வி கேட்டால் ????

Sponsored content · Sponsored content

மாற்றம் நம்மிடமிருந்து ஏற்பட வேண்டும்

மாற்றம் நம்மிடமிருந்து ஏற்பட வேண்டும்

Re: மாற்றம் நம்மிடமிருந்து ஏற்பட வேண்டும்

Re: மாற்றம் நம்மிடமிருந்து ஏற்பட வேண்டும்

Re: மாற்றம் நம்மிடமிருந்து ஏற்பட வேண்டும்

Re: மாற்றம் நம்மிடமிருந்து ஏற்பட வேண்டும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக