எனது இலங்கைப் பயணம் .

**M.Jagadeesan** · **M.Jagadeesan** Tue Mar 22, 2016 9:13 am

First topic message reminder :

எனது இலங்கைப் பயணம்
=========================
சென்ற டிசம்பர்த் திங்கள் 23 ம் நாள் முதல் ஜனவரி - 2016 ம் திங்கள் 3 ம் நாள் வரையில் 10 நாட்களுக்கு இலங்கைப் பயணம் மேற்கொண்டேன் . இது ஒரு சுற்றுலா நோக்கில் மேற்கொண்ட பயணமாகும் . இந்தப் பயணத்தில் நான் , என் துணைவியார் , என் மாப்பிள்ளை , என் மகள் மற்றும் அவர்களுடையை ஒரே பையன் பிரணவ் ஆகிய ஐந்து பேரும் கலந்துகொண்டோம் .
இது என்னுடைய இரண்டாவது விமானப் பயணம் ஆகும் . முதல் விமானப் பயணம் , சில ஆண்டுகளுக்கு முன்பு சென்னையிலிருந்து , புனே சென்றது ஆகும் .

என்னுடைய மாப்பிள்ளையின் அண்ணன் திரு . R . கணேஷ் என்பவர் கொழும்பில் உள்ள ஒரு தனியார் கம்பெனியில் Finance & Accounting Process பிரிவில் General Manager ஆகப் பணிபுரிந்து வருகிறார். அவருடைய அழைப்பின் பேரில்தான் இந்தப் பயணத்தை நான் மேற்கொண்டேன் . அவர் மனைவி சித்ராவுடனும் , மகள் பாவனாவுடனும் அங்கு வசித்து வருகிறார்

பொதுவாக எனக்கு ஜோசியம், கைரேகை இவற்றில் நம்பிக்கை கிடையாது. சில ஆண்டுகளுக்கு முன்பு என்னுடைய கைரேகையைப் பார்த்த ஒருவர் , " உங்களுக்கு வெளிநாடு செல்லும் வாய்ப்பு இருக்கிறது " என்று சொன்னார் . அவருடைய வாக்கு என்னுடைய 68 ம் வயதில் பலிக்கும் என்று நான் நினைக்கவில்லை .
பயணம் புறப்படுவதற்கு முன்பாக , வீட்டிற்குப் பக்கத்தில் உள்ள விநாயகர் கோவிலுக்குச் சென்று வேண்டிக்கொண்டோம். இலங்கை சென்று திரும்பி வருகின்ற வரைக்கும் , உடல்நலம் நன்றாக இருக்கவேண்டும் என்று வேண்டிக்கொண்டோம் . மருந்து மாத்திரைகளையும் , மறக்காமல் எடுத்துக் கொண்டோம் .

23-12-2015 அன்று சென்னை மீனம்பாக்கம் விமான நிலையத்திலிருந்து Sri Lanka Airlines விமானத்தில் இரவு மணி 8.50க்குப் புறப்பட்டோம் . விமானத்தில் வெஜிடபிள் பிரியாணியும் , ஸ்வீட்டும் , காபியும் கொடுத்தார்கள் சரியாக இரவுமணி 9.55 க்குக் கொழும்பு விமான நிலையத்தை விமானம் அடைந்தது .

கொழும்பு விமான நிலையம் , சென்னை விமான நிலையத்தைவிட சிறியது என்றாலும் , மிகவும் தூய்மையாக வைத்திருந்தார்கள் .விமான நிலைய நடைமுறைகளை எல்லாம் முடித்துக்கொண்டு , லக்கேஜ்களை எல்லாம் எடுத்துக்கொண்டு வெளியே வருவதற்கு ஒருமணி நேரம் பிடித்தது .
விமான நிலையத்தில் எங்களை வரவேற்க திரு . கணேஷ் & அவரது குடும்பத்தினர் காத்திருந்தனர் . கொழும்பு விமான நிலையத்திலிருந்து சுமார் 45 நிமிட பயணத்திற்குப் பிறகு , அவரது இல்லத்தை அடைந்தோம் . அப்போது இரவு மணி 10-45 இருக்கும். எங்களுக்காக சூடான இட்டலிகள் செய்திருந்தார்கள் . அவற்றை சாப்பிட்டுவிட்டுப் படுத்துக் கொண்டோம் . வீடு , பெரிய வீடு . குளியலறையுடன் இணைந்த இரண்டு பெரிய படுக்கை அறைகள் , ஒரு வரவேற்பறை , பெரிய சமையலறை என்று இருந்தது . வாடகை எவ்வளவு என்று கேட்டபோது ரூ 75000/= என்று கணேஷ் சொன்னார். எனக்குத் தூக்கி வாரிப் போட்டது . இந்திய நாணயம் ஒரு ரூபாய்க்கு , இலங்கை நாணயம் ரூ 2.20 சமம் என்று சொன்னார். ஆனாலும் வீட்டு வாடகை எனக்கு அதிகம் என்றே தோன்றியது . இலங்கைக் கரன்சியும் ரூபாய் என்றே அழைக்கப்படுகிறது . அன்று இரவு அனைவரும் நன்றாகத் தூங்கினோம் .

எனது இலங்கைப் பயணம் . - Page 25 HzB056K2S72dyqdasIx9+IMG_20151223_190849

எனது இலங்கைப் பயணம் . - Page 25 HzB056K2S72dyqdasIx9+IMG_20151223_190849

எனது இலங்கைப் பயணம் . - Page 25 Sj5V98v0RfyV43Ov9sce+IMG_20151223_190731

எனது இலங்கைப் பயணம் . - Page 25 Dcm15czXT6u7EJcXdgT1+IMG_20151223_203758

எனது இலங்கைப் பயணம் . - Page 25 RsTiAFf1SeytxD3HM0RM+IMG_20151223_215949

எனது இலங்கைப் பயணம் . - Page 25 ><img src=

]" />

யினியவன் · யினியவன் Mon May 02, 2016 11:04 pm

Ilangayilaeyae layiththu vittaar poalum athaan nirkirathu

**M.Jagadeesan** · **M.Jagadeesan** Tue May 03, 2016 9:01 am

ஏப்பிரல் 30 , மே 1 ஆகிய தேதிகளில் பழனி செல்லவேண்டிய அவசியம் ஏற்பட்டது .பழனிக்குச் சென்று தங்கரதம் இழுத்துவிட்டு வந்தேன் .எனவேதான் ஈகரைக்கு வரமுடியவில்லை .

இனி " எனது இலங்கைப் பயணத்தை " தொய்வின்றி தொடருவேன் .

எங்கள் பயணத்தின் அடுத்த கட்டமாக Galle மாவட்டத்திலுள்ள Rumasala என்னும் இடத்திலுள்ள அனுமன் கோவிலுக்குச் சென்றோம் . அதைக் கோவில் என்று சொல்லமுடியாது . நின்றுகொண்டிருக்கும் அனுமன் சிலைக்கு மேலே , மண்டபம் கட்டப்பட்டுள்ளது . அனுமன் சிலையை அழகில்லாமல் வடித்திருக்கிறார்கள் .

இராமாயணத்தில் இராவணனுடன் நடந்த போரில் , இலக்குவன் அடிபட்டு மூர்ச்சையாகிறான் . இலக்குவன் பிழைக்கவேண்டி , அனுமன் , இமயமலை சென்று , அங்குள்ள துரோணகிரி மலையில் , சஞ்சீவினி மூலிகையைத் தேடுகிறான் . அவனால் அதைக் கண்டுபிடிக்க முடியவில்லை . எனவே துரோணகிரி மலையை , அப்படியே பெயர்த்தெடுத்து கொண்டுவருகிறான் . அப்போது அந்த மலையிலிருந்து பாறைகள் ஐந்து இடங்களில் இலங்கையில் சிதறி விழுந்தன.

அவையாவன :

1. ருமாசாலா
2 . டோளுகண்டா
3 . ரித்திகளா
4 . தள்ளாடி
5 .கச்சத் தீவு

நாங்கள் முதலில் குறிப்பிட்டுள்ள ருமசாலாவுக்குச் சென்றோம் .அங்கு சென்று சில புகைப்படங்களை எடுத்துக்கொண்டோம் .

அனுமன் கோவிலுக்கு அருகிலேயே பிரம்மாண்டமான புத்த விகாரை ஒன்று கட்டப்பட்டுள்ளது . மிகவும் உயரமான அந்த புத்த விகாரை , வெகு தூரத்தில் இருந்து பார்த்தாலும் தெரிகிறது .