எனது இலங்கைப் பயணம் .

First topic message reminder :

எனது இலங்கைப் பயணம்
=========================
சென்ற டிசம்பர்த் திங்கள் 23 ம் நாள் முதல் ஜனவரி - 2016 ம் திங்கள் 3 ம் நாள் வரையில் 10 நாட்களுக்கு இலங்கைப் பயணம் மேற்கொண்டேன் . இது ஒரு சுற்றுலா நோக்கில் மேற்கொண்ட பயணமாகும் . இந்தப் பயணத்தில் நான் , என் துணைவியார் , என் மாப்பிள்ளை , என் மகள் மற்றும் அவர்களுடையை ஒரே பையன் பிரணவ் ஆகிய ஐந்து பேரும் கலந்துகொண்டோம் .
இது என்னுடைய இரண்டாவது விமானப் பயணம் ஆகும் . முதல் விமானப் பயணம் , சில ஆண்டுகளுக்கு முன்பு சென்னையிலிருந்து , புனே சென்றது ஆகும் .

என்னுடைய மாப்பிள்ளையின் அண்ணன் திரு . R . கணேஷ் என்பவர் கொழும்பில் உள்ள ஒரு தனியார் கம்பெனியில் Finance & Accounting Process பிரிவில் General Manager ஆகப் பணிபுரிந்து வருகிறார். அவருடைய அழைப்பின் பேரில்தான் இந்தப் பயணத்தை நான் மேற்கொண்டேன் . அவர் மனைவி சித்ராவுடனும் , மகள் பாவனாவுடனும் அங்கு வசித்து வருகிறார்

பொதுவாக எனக்கு ஜோசியம், கைரேகை இவற்றில் நம்பிக்கை கிடையாது. சில ஆண்டுகளுக்கு முன்பு என்னுடைய கைரேகையைப் பார்த்த ஒருவர் , " உங்களுக்கு வெளிநாடு செல்லும் வாய்ப்பு இருக்கிறது " என்று சொன்னார் . அவருடைய வாக்கு என்னுடைய 68 ம் வயதில் பலிக்கும் என்று நான் நினைக்கவில்லை .
பயணம் புறப்படுவதற்கு முன்பாக ,  வீட்டிற்குப் பக்கத்தில் உள்ள விநாயகர் கோவிலுக்குச் சென்று வேண்டிக்கொண்டோம். இலங்கை சென்று திரும்பி வருகின்ற வரைக்கும் , உடல்நலம் நன்றாக இருக்கவேண்டும் என்று வேண்டிக்கொண்டோம் . மருந்து மாத்திரைகளையும் , மறக்காமல் எடுத்துக் கொண்டோம் .

23-12-2015 அன்று சென்னை மீனம்பாக்கம் விமான நிலையத்திலிருந்து Sri Lanka Airlines விமானத்தில் இரவு மணி 8.50க்குப் புறப்பட்டோம் . விமானத்தில் வெஜிடபிள் பிரியாணியும் , ஸ்வீட்டும் , காபியும் கொடுத்தார்கள் சரியாக இரவுமணி 9.55 க்குக் கொழும்பு விமான நிலையத்தை விமானம் அடைந்தது .

கொழும்பு விமான நிலையம் , சென்னை விமான நிலையத்தைவிட சிறியது என்றாலும் , மிகவும் தூய்மையாக வைத்திருந்தார்கள் .விமான நிலைய நடைமுறைகளை எல்லாம் முடித்துக்கொண்டு , லக்கேஜ்களை எல்லாம் எடுத்துக்கொண்டு வெளியே வருவதற்கு ஒருமணி நேரம் பிடித்தது .
விமான நிலையத்தில் எங்களை வரவேற்க திரு . கணேஷ் & அவரது குடும்பத்தினர் காத்திருந்தனர் . கொழும்பு விமான நிலையத்திலிருந்து சுமார் 45 நிமிட பயணத்திற்குப் பிறகு , அவரது இல்லத்தை அடைந்தோம் . அப்போது இரவு மணி 10-45 இருக்கும். எங்களுக்காக சூடான இட்டலிகள் செய்திருந்தார்கள் . அவற்றை சாப்பிட்டுவிட்டுப் படுத்துக் கொண்டோம் . வீடு , பெரிய வீடு . குளியலறையுடன் இணைந்த இரண்டு பெரிய படுக்கை அறைகள் , ஒரு வரவேற்பறை , பெரிய சமையலறை என்று இருந்தது . வாடகை எவ்வளவு என்று கேட்டபோது ரூ 75000/= என்று கணேஷ் சொன்னார். எனக்குத் தூக்கி வாரிப் போட்டது . இந்திய நாணயம் ஒரு ரூபாய்க்கு , இலங்கை நாணயம் ரூ 2.20 சமம் என்று சொன்னார். ஆனாலும் வீட்டு வாடகை எனக்கு அதிகம் என்றே தோன்றியது . இலங்கைக் கரன்சியும் ரூபாய் என்றே அழைக்கப்படுகிறது . அன்று இரவு அனைவரும் நன்றாகத் தூங்கினோம் .

]" />

M.Jagadeesan wrote:இலங்கையில் புத்தமதம் ஆல்போல் தழைத்து , அருகுபோல் வேரோடி , திரும்பிய திசையெல்லாம் புத்த விகாரைகளாகவும் , புத்தர் சிலைகளாகவும் காட்சி அளிக்கிறது. மொத்த மக்கள் தொகையில் ( சுமார் இரண்டு கோடி ) 70 % மக்கள் புத்த மதத்தைப் பின்பற்றுகின்றனர் .எனவே புத்த பிக்குகளின் கைகள் அங்கு மேலோங்கி இருப்பதில் வியப்பில்லை .

திரிகோண மலை சிவன்கோவில் நம்ம ஊர் கோவில்போல உள்ளது . அதுபற்றிப் பின்வரும் பதிவுகளில் விரிவாகப் பார்ப்போம் .

இருக்கட்டுமே ஐயா , என்ன இருந்து என்ன மத சகிப்புத் தன்மை இல்லையே அவர்களிடம் ......................இந்த முருகனுக்கு ஒரு பழம் பால் நைவேத்தியம் செய்யும் அளவுக்கு கூட மனம் இல்லாமல் போகட்டும், அதற்கானவர்கள் அவரை பார்த்துக்கொள்வார்கள் என்று விடக் கூட மனம் இல்லாமல் போனது தான் சங்கடமாயிருக்கு

M.Jagadeesan wrote:இலங்கையின் சிம்மாசனத்தை ஏற்றுக்கொள்ளும்படி அருள்மொழிவர்மனை (  ராஜராஜ சோழன் )  புத்த பிட்சுகள் கேட்டுக் கொள்கிறார்கள் . அதற்கு அருள்மொழிவர்மன் மறுத்துவிடுகிறார் .அவர் சொன்ன பல காரணங்களில் இதுவும் ஒன்று . அது   கல்கியின் எழுத்துக்களில் பின்வருமாறு .

அருள்மொழிவர்மர் சிரித்து ஓய்ந்த பிறகு, "வந்தியத்தேவரே! இராஜ்யத்தை ஏற்றுக்கொள்வது அவ்வளவு எளிய காரியமா? அதிலும் புத்த பிக்ஷுக்கள் கொடுத்து ஏற்றுக்கொள்வது சிறிதும் முறையல்ல. பின்னால் பெரிய விபரீதங்களுக்கு இடமாகும். மதத்தலைவர்கள் மத விஷயங்களுடன் நிற்க வேண்டும். மதத் தலைவர்கள் இராஜரீக காரியங்களில் தலையிட்டால் மதத்துக்கும் கேடு; இராஜ்யத்துக்கும் கேடு. மேலும் இன்று எனக்குச் சிம்மாசனம் கொடுக்க வந்த புத்த பிக்ஷுக்கள் இந்த நாட்டிலுள்ள எல்லா புத்த மதத்தாருக்கும் தலைவர்கள் அல்ல. இவர்கள் ஒரு கூட்டத்துக்குத் தலைவர்கள். இவர்களுடைய சங்கத்தைப்போல் இன்னும் இரண்டு சங்கங்கள் இருக்கின்றன. இவர்களிடம் நாம் இராஜ்யத்தை ஒப்புக் கொண்டால் இவர்களுடைய இஷ்டப்படி இராஜ்யம் ஆளவேண்டும். மற்ற இரு சங்கத்தாரும் உடனே நம் விரோதிகள் ஆவார்கள்!" என்றார்.

எவ்வளவு தீர்க்கமாய் எழுதி இருக்கிறார் கல்கி ..............

M.Jagadeesan wrote:

மேற்கோள் செய்த பதிவு: 1202235

அருமையான வீடியோ ஐயா, அலைகள் வந்து மோதுவது அங்குள்ள பாறைகளிலா அல்லது தடுப்பு சுவரா ஐயா? ..பார்த்தாலே குளிக்கத் தோன்றுகிறது

தடுப்புச்சுவர் இல்லை ! இயற்கையாகவே கடலில் , கரையோரமாக அமைந்த பாறைகள் . ஆழமில்லாத பகுதி அது . மக்கள் பயமின்றிக் குளிக்கலாம் . நம் சென்னை மெரீனா போல நீளமான கடற்கரை அல்ல ! ஆனாலும் தூய்மையாக வைத்திருக்கிறார்கள் !

மீனவர் ஒருவர் மீன்பிடிக்கும் காட்சி
================================

M.Jagadeesan wrote:தடுப்புச்சுவர் இல்லை ! இயற்கையாகவே கடலில் , கரையோரமாக அமைந்த பாறைகள் . ஆழமில்லாத பகுதி அது . மக்கள்  பயமின்றிக் குளிக்கலாம் . நம் சென்னை மெரீனா போல நீளமான கடற்கரை அல்ல ! ஆனாலும் தூய்மையாக வைத்திருக்கிறார்கள் !

ஒ.. விவரத்துக்கு நன்றி ஐயா !

M.Jagadeesan wrote:தடுப்புச்சுவர் இல்லை ! இயற்கையாகவே கடலில் , கரையோரமாக அமைந்த பாறைகள் . ஆழமில்லாத பகுதி அது . மக்கள் பயமின்றிக் குளிக்கலாம் . நம் சென்னை மெரீனா போல நீளமான கடற்கரை அல்ல ! ஆனாலும் தூய்மையாக வைத்திருக்கிறார்கள் !

தீவுகளில் உள்ள கடற்கரை பொதுவாக தூய்மையாக இருக்கும் . நீரில் நடக்கும் பொது நம் பாதம் தெரியும் அளவுக்கு நீர் தெளிவாக இருக்கும்

M.Jagadeesan wrote:

மேற்கோள் செய்த பதிவு: 1202392

மிக அருமை, அந்த சூழலே மனதுக்கு மிக ரம்மியமாய் இருக்கு ஐயா !