எனது இலங்கைப் பயணம் .

First topic message reminder :

எனது இலங்கைப் பயணம்
=========================
சென்ற டிசம்பர்த் திங்கள் 23 ம் நாள் முதல் ஜனவரி - 2016 ம் திங்கள் 3 ம் நாள் வரையில் 10 நாட்களுக்கு இலங்கைப் பயணம் மேற்கொண்டேன் . இது ஒரு சுற்றுலா நோக்கில் மேற்கொண்ட பயணமாகும் . இந்தப் பயணத்தில் நான் , என் துணைவியார் , என் மாப்பிள்ளை , என் மகள் மற்றும் அவர்களுடையை ஒரே பையன் பிரணவ் ஆகிய ஐந்து பேரும் கலந்துகொண்டோம் .
இது என்னுடைய இரண்டாவது விமானப் பயணம் ஆகும் . முதல் விமானப் பயணம் , சில ஆண்டுகளுக்கு முன்பு சென்னையிலிருந்து , புனே சென்றது ஆகும் .

என்னுடைய மாப்பிள்ளையின் அண்ணன் திரு . R . கணேஷ் என்பவர் கொழும்பில் உள்ள ஒரு தனியார் கம்பெனியில் Finance & Accounting Process பிரிவில் General Manager ஆகப் பணிபுரிந்து வருகிறார். அவருடைய அழைப்பின் பேரில்தான் இந்தப் பயணத்தை நான் மேற்கொண்டேன் . அவர் மனைவி சித்ராவுடனும் , மகள் பாவனாவுடனும் அங்கு வசித்து வருகிறார்

பொதுவாக எனக்கு ஜோசியம், கைரேகை இவற்றில் நம்பிக்கை கிடையாது. சில ஆண்டுகளுக்கு முன்பு என்னுடைய கைரேகையைப் பார்த்த ஒருவர் , " உங்களுக்கு வெளிநாடு செல்லும் வாய்ப்பு இருக்கிறது " என்று சொன்னார் . அவருடைய வாக்கு என்னுடைய 68 ம் வயதில் பலிக்கும் என்று நான் நினைக்கவில்லை .
பயணம் புறப்படுவதற்கு முன்பாக ,  வீட்டிற்குப் பக்கத்தில் உள்ள விநாயகர் கோவிலுக்குச் சென்று வேண்டிக்கொண்டோம். இலங்கை சென்று திரும்பி வருகின்ற வரைக்கும் , உடல்நலம் நன்றாக இருக்கவேண்டும் என்று வேண்டிக்கொண்டோம் . மருந்து மாத்திரைகளையும் , மறக்காமல் எடுத்துக் கொண்டோம் .

23-12-2015 அன்று சென்னை மீனம்பாக்கம் விமான நிலையத்திலிருந்து Sri Lanka Airlines விமானத்தில் இரவு மணி 8.50க்குப் புறப்பட்டோம் . விமானத்தில் வெஜிடபிள் பிரியாணியும் , ஸ்வீட்டும் , காபியும் கொடுத்தார்கள் சரியாக இரவுமணி 9.55 க்குக் கொழும்பு விமான நிலையத்தை விமானம் அடைந்தது .

கொழும்பு விமான நிலையம் , சென்னை விமான நிலையத்தைவிட சிறியது என்றாலும் , மிகவும் தூய்மையாக வைத்திருந்தார்கள் .விமான நிலைய நடைமுறைகளை எல்லாம் முடித்துக்கொண்டு , லக்கேஜ்களை எல்லாம் எடுத்துக்கொண்டு வெளியே வருவதற்கு ஒருமணி நேரம் பிடித்தது .
விமான நிலையத்தில் எங்களை வரவேற்க திரு . கணேஷ் & அவரது குடும்பத்தினர் காத்திருந்தனர் . கொழும்பு விமான நிலையத்திலிருந்து சுமார் 45 நிமிட பயணத்திற்குப் பிறகு , அவரது இல்லத்தை அடைந்தோம் . அப்போது இரவு மணி 10-45 இருக்கும். எங்களுக்காக சூடான இட்டலிகள் செய்திருந்தார்கள் . அவற்றை சாப்பிட்டுவிட்டுப் படுத்துக் கொண்டோம் . வீடு , பெரிய வீடு . குளியலறையுடன் இணைந்த இரண்டு பெரிய படுக்கை அறைகள் , ஒரு வரவேற்பறை , பெரிய சமையலறை என்று இருந்தது . வாடகை எவ்வளவு என்று கேட்டபோது ரூ 75000/= என்று கணேஷ் சொன்னார். எனக்குத் தூக்கி வாரிப் போட்டது . இந்திய நாணயம் ஒரு ரூபாய்க்கு , இலங்கை நாணயம் ரூ 2.20 சமம் என்று சொன்னார். ஆனாலும் வீட்டு வாடகை எனக்கு அதிகம் என்றே தோன்றியது . இலங்கைக் கரன்சியும் ரூபாய் என்றே அழைக்கப்படுகிறது . அன்று இரவு அனைவரும் நன்றாகத் தூங்கினோம் .

]" />

M.Jagadeesan wrote:

M.Jagadeesan wrote:புத்தர் விகாரைக்கு முன்பாக சிறுவன் பிரணவ்
===========================================

வாவ் .............எத்தனை யானைகள்.............பிரணவ் யானைகளை அடக்குகிறானோ?

M.Jagadeesan wrote:கதிர்காமம் முருகன் ஆலயத்திலிருந்து சுமார் 3 கி .மீ . தொலைவில் உள்ளது செல்லக் கதிர்காமம் . இங்கு ஒரு பிள்ளையார் கோவில் உள்ளது . சற்றுத் தொலைவில் புத்த விகாரை ஒன்றும் உள்ளது . பிள்ளையாரை வணங்கிவிட்டு புத்தர் கோவிலையும் மக்கள் வணங்கிச் செல்கிறார்கள் . பிள்ளையார் கோவிலை ஒட்டியபடியே சிற்றோடை ஒன்று செல்கிறது .அதற்கு மாணிக்கக் கங்கை என்று பெயர் . ஒடையிலுள்ள மீன்களுக்கு மக்கள் பொறி போடுகிறார்கள் .

கோவிலுக்குச் செல்லும் பாதை கரடுமுரடாக உள்ளது . வழிநெடுகிலும் கடைகள் .நம்மைப் பார்த்தவுடனேயே தமிழ்நாட்டிலிருந்து வருகிறீர்களா ? என்று வாஞ்சையுடன் கேட்கிறார்கள் . அடுத்து சென்னையில் ஏற்பட்ட வெள்ளப்பெருக்கைப் பற்றி விசாரித்தார்கள் . பாதிப்புகள் குறித்துக் கேட்டார்கள் . எங்கள் பயணத்தின் எல்லா இடங்களிலும் இலங்கை மக்கள் சென்னை வெள்ளத்தைப் பற்றி மிகவும் அக்கறையுடன் விசாரித்தார்கள் . செல்லக் கதிர்காமத்தின் பிள்ளையாரைத் தரிசித்து முடித்தவுடன் , கதிர்காம முருகன் ஆலயத்தைப் பார்க்கப் புறப்பட்டோம் .

பாருங்கள் அந்த மக்கள் எவ்வளவு அன்பாய் இருக்கிறார்கள் என்று.....இந்த அரசியல் வாதிகள் தான் குட்டையைக் குழப்புகிறார்கள்

M.Jagadeesan wrote:மீன்களுக்குப் பொரி போடும் காட்சி
================================

அருமை ஐயா, எங்கு பார்த்தாலும் அருவிகளும் ஓடைகளும்.......அற்புதம் .பகிர்வுக்கு மிக்க நன்றி !

இயற்கை எழில் கொஞ்சும் அழகான நாடு ஸ்ரீலங்கா ! வாய்ப்பு கிடைத்தால் ஒருமுறை போய்வாருங்கள் கிருஷ்ணம்மா !

தங்களின் பின்னூட்டத்திற்கு நன்றி.

M.Jagadeesan wrote:இயற்கை எழில் கொஞ்சும் அழகான நாடு ஸ்ரீலங்கா ! வாய்ப்பு கிடைத்தால் ஒருமுறை போய்வாருங்கள் கிருஷ்ணம்மா !

தங்களின் பின்னூட்டத்திற்கு நன்றி.

மேற்கோள் செய்த பதிவு: 1201243

கண்டிப்பாக ஐயா, உங்கள் கட்டுரையை, நீங்கள் ஆரம்பித்தபோதே, இவரிடம் காட்டி போகலாமா என்றேன், அவரும் பார்க்கலாம் என்றார். அதனால் தான் நான் அன்றே, விசா எப்படி என்று கேட்டேன் ஐயா ....வாய்ப்பு கிடைத்தால் போய்வருகிறோம் ஐயா

நாங்கள் இலங்கையை சுற்றிப்பார்க்க VAN ஏற்பாடு செய்தார்கள் . அந்த Travels company காரர்களே விசாவுக்கும்  ஏற்பாடு செய்ததாக திரு .கணேஷ் சொன்னார் . அது ஒரு பிரச்சினையில்லை , எளிதாக visa கிடைக்கும் என்று சொன்னார்.

M.Jagadeesan wrote:நாங்கள் இலங்கையை சுற்றிப்பார்க்க VAN ஏற்பாடு செய்தார்கள் . அந்த Travels company காரர்களே விசாவுக்கும்  ஏற்பாடு செய்ததாக திரு .கணேஷ் சொன்னார் . அது ஒரு பிரச்சினையில்லை , எளிதாக visa கிடைக்கும் என்று சொன்னார்.

மேற்கோள் செய்த பதிவு: 1201273

மிக்க நன்றி ஐயா .....இவரிடம் சொல்கிறேன்! .............

செல்லக் கதிர்காம பிள்ளையாரையும் , புத்தர் கோவிலையும் வழிபட்டபின்னர் , கதிர்காமக்  கந்தனை வழிபடப் புறப்பட்டோம் .

இலங்கைத் தீவின் தென்கிழக்குக் கரையில் ஊவா மாகாணத்தின் புத்தளப் பிரிவிலுள்ள ‘தியனகம’ என்ற காட்டின் நடுவில் இந்தக் கதிர்காமத்தலம் உள்ளது.

கோவில் பெரியது என்றாலும் , அதில் பாதியை புத்த பிக்குகள் ஆக்கிரமித்துக் கொண்டுவிட்டனர் . கோவில் சுற்றுச் சுவர் முழுவதும் , யானை முகத்தினாலான சிற்பங்கள் பதிக்கப் பெற்றுள்ளன. நாங்கள் சென்ற சமயம் இரவு 8 மணி இருக்கும் .மக்கள் சாரி சாரியாக தட்டுகளில் பூக்கள், பழங்கள் ஏந்தி கோவிலுக்குள் சென்றவண்ணம் இருந்தனர் . கோவிலின் உள்ளே புத்த பிக்குகள் மிகப் பெரிய பிரார்த்தனைக் கூட்டம் நடத்திக்கொண்டு இருந்தனர் . விசாரித்தபோது , கோவில் முழுவதும் புத்த பிக்குகளின் கட்டுப்பாட்டில் உள்ளதாகச் சொன்னார்கள் . பிற மதங்களைக் , குறிப்பாக இந்து மதத்தை வளரவிடக் கூடாது என்பதற்காகவே , எல்லா இந்துக் கோவில்கள் அருகிலும் , பிரம்மாணடமான புத்தர் சிலைகளையும்  புத்த விகாரைகளையும் கட்டியிருப்பதை நாம் காணலாம் .

குமரனுக்கு... கதிர்காமத்தில் விக்கிரக வழிபாடுஇல்லை; உள்ளே ஒரு திரைச் சேலை முருகன் படத்துடன் இருக்கும் . அந்தத் திரைச் சேலையில் உள்ள முருகன் படத்தைத்தான் அனைவரும் வணங்கிச் செல்கின்றனர்.. இங்கே திரைக்குப் பின் ஒரு பெட்டிக்கு வழிபாடு நடக்கிறது. பெட்டியில் இருப்பது என்ன என்று இது வரை ரஹஸ்யமாகவே இருக்கிறது. நாம் முன்பு பார்த்த கதிரைமலை முருகன் கோவிலிலும் விக்கிரக வழிபாடு இல்லை என்பது குறிப்பிடத்தக்கது

சில ஆண்டுகளுக்கு முன்பு இந்தக் கோயிலின் நிர்வாகப் பொறுப்பை பித்த பிக்குகள் கைகளுக்கு இலங்கை அரசு மாற்றியது. இப்போது பூஜை செய்யும் உரிமையும் தமிழர்களிடம் இருந்து பறிக்கப்பட்டு புத்த பிட்சுகளே பூஜை செய்கின்றனர். வழக்கமான முறைப்படி பூஜை செய்யாமல் வெறும் ஊதுபத்தியை மட்டுமே புத்த பிக்குகள் பயன்படுத்துகின்றனர்.