எனது இலங்கைப் பயணம் .

**M.Jagadeesan** · **M.Jagadeesan** Tue Mar 22, 2016 9:13 am

First topic message reminder :

எனது இலங்கைப் பயணம்
=========================
சென்ற டிசம்பர்த் திங்கள் 23 ம் நாள் முதல் ஜனவரி - 2016 ம் திங்கள் 3 ம் நாள் வரையில் 10 நாட்களுக்கு இலங்கைப் பயணம் மேற்கொண்டேன் . இது ஒரு சுற்றுலா நோக்கில் மேற்கொண்ட பயணமாகும் . இந்தப் பயணத்தில் நான் , என் துணைவியார் , என் மாப்பிள்ளை , என் மகள் மற்றும் அவர்களுடையை ஒரே பையன் பிரணவ் ஆகிய ஐந்து பேரும் கலந்துகொண்டோம் .
இது என்னுடைய இரண்டாவது விமானப் பயணம் ஆகும் . முதல் விமானப் பயணம் , சில ஆண்டுகளுக்கு முன்பு சென்னையிலிருந்து , புனே சென்றது ஆகும் .

என்னுடைய மாப்பிள்ளையின் அண்ணன் திரு . R . கணேஷ் என்பவர் கொழும்பில் உள்ள ஒரு தனியார் கம்பெனியில் Finance & Accounting Process பிரிவில் General Manager ஆகப் பணிபுரிந்து வருகிறார். அவருடைய அழைப்பின் பேரில்தான் இந்தப் பயணத்தை நான் மேற்கொண்டேன் . அவர் மனைவி சித்ராவுடனும் , மகள் பாவனாவுடனும் அங்கு வசித்து வருகிறார்

பொதுவாக எனக்கு ஜோசியம், கைரேகை இவற்றில் நம்பிக்கை கிடையாது. சில ஆண்டுகளுக்கு முன்பு என்னுடைய கைரேகையைப் பார்த்த ஒருவர் , " உங்களுக்கு வெளிநாடு செல்லும் வாய்ப்பு இருக்கிறது " என்று சொன்னார் . அவருடைய வாக்கு என்னுடைய 68 ம் வயதில் பலிக்கும் என்று நான் நினைக்கவில்லை .
பயணம் புறப்படுவதற்கு முன்பாக , வீட்டிற்குப் பக்கத்தில் உள்ள விநாயகர் கோவிலுக்குச் சென்று வேண்டிக்கொண்டோம். இலங்கை சென்று திரும்பி வருகின்ற வரைக்கும் , உடல்நலம் நன்றாக இருக்கவேண்டும் என்று வேண்டிக்கொண்டோம் . மருந்து மாத்திரைகளையும் , மறக்காமல் எடுத்துக் கொண்டோம் .

23-12-2015 அன்று சென்னை மீனம்பாக்கம் விமான நிலையத்திலிருந்து Sri Lanka Airlines விமானத்தில் இரவு மணி 8.50க்குப் புறப்பட்டோம் . விமானத்தில் வெஜிடபிள் பிரியாணியும் , ஸ்வீட்டும் , காபியும் கொடுத்தார்கள் சரியாக இரவுமணி 9.55 க்குக் கொழும்பு விமான நிலையத்தை விமானம் அடைந்தது .

கொழும்பு விமான நிலையம் , சென்னை விமான நிலையத்தைவிட சிறியது என்றாலும் , மிகவும் தூய்மையாக வைத்திருந்தார்கள் .விமான நிலைய நடைமுறைகளை எல்லாம் முடித்துக்கொண்டு , லக்கேஜ்களை எல்லாம் எடுத்துக்கொண்டு வெளியே வருவதற்கு ஒருமணி நேரம் பிடித்தது .
விமான நிலையத்தில் எங்களை வரவேற்க திரு . கணேஷ் & அவரது குடும்பத்தினர் காத்திருந்தனர் . கொழும்பு விமான நிலையத்திலிருந்து சுமார் 45 நிமிட பயணத்திற்குப் பிறகு , அவரது இல்லத்தை அடைந்தோம் . அப்போது இரவு மணி 10-45 இருக்கும். எங்களுக்காக சூடான இட்டலிகள் செய்திருந்தார்கள் . அவற்றை சாப்பிட்டுவிட்டுப் படுத்துக் கொண்டோம் . வீடு , பெரிய வீடு . குளியலறையுடன் இணைந்த இரண்டு பெரிய படுக்கை அறைகள் , ஒரு வரவேற்பறை , பெரிய சமையலறை என்று இருந்தது . வாடகை எவ்வளவு என்று கேட்டபோது ரூ 75000/= என்று கணேஷ் சொன்னார். எனக்குத் தூக்கி வாரிப் போட்டது . இந்திய நாணயம் ஒரு ரூபாய்க்கு , இலங்கை நாணயம் ரூ 2.20 சமம் என்று சொன்னார். ஆனாலும் வீட்டு வாடகை எனக்கு அதிகம் என்றே தோன்றியது . இலங்கைக் கரன்சியும் ரூபாய் என்றே அழைக்கப்படுகிறது . அன்று இரவு அனைவரும் நன்றாகத் தூங்கினோம் .

எனது இலங்கைப் பயணம் . - Page 13 HzB056K2S72dyqdasIx9+IMG_20151223_190849

எனது இலங்கைப் பயணம் . - Page 13 HzB056K2S72dyqdasIx9+IMG_20151223_190849

எனது இலங்கைப் பயணம் . - Page 13 Sj5V98v0RfyV43Ov9sce+IMG_20151223_190731

எனது இலங்கைப் பயணம் . - Page 13 Dcm15czXT6u7EJcXdgT1+IMG_20151223_203758

எனது இலங்கைப் பயணம் . - Page 13 RsTiAFf1SeytxD3HM0RM+IMG_20151223_215949

எனது இலங்கைப் பயணம் . - Page 13 ><img src=

]" />

**krishnaamma** · **krishnaamma** Thu Mar 31, 2016 1:49 am

M.Jagadeesan wrote:

கோவிலை அணைத்துக்கொண்டு ஓடுகிறது நதி, பார்க்கவே பரவசமாய் இருக்கு புன்னகை

**krishnaamma** · **krishnaamma** Thu Mar 31, 2016 1:49 am

M.Jagadeesan wrote:

வாவ் ! அருமையான நதி புன்னகை

...........பார்த்தாலே குளிக்கணும் போல இருக்கு ஐயா புன்னகை

**krishnaamma** · **krishnaamma** Thu Mar 31, 2016 1:51 am

M.Jagadeesan wrote:கோவிலின் முன்புறத் தோற்றம்
===========================

மேற்கோள் செய்த பதிவு: 1199700

அழகாய் இருக்கு இந்தக் கோவில் புன்னகை

**M.Jagadeesan** · **M.Jagadeesan** Thu Mar 31, 2016 6:51 am

நன்றி கிருஷ்ணம்மா !

**M.Jagadeesan** · **M.Jagadeesan** Thu Mar 31, 2016 2:47 pm

சீதா கோவிலைப் பார்த்து முடித்த பின்பு , நுவரெலியாவுக்குப் பயணத்தைத் தொடங்கினோம் . எல்லோருக்கும் கடுமையான பசி என்னைத் தவிர . அன்று காலையில் இருந்தே எனக்கு வயிறு சரியில்லை . நுவரெலியாவில் ஒரு பெரிய ஹோட்டலுக்குச் சென்றோம் . அனைவரும் வயிறார சாப்பிட்டனர் . எனக்கு பசிக்கவில்லை . பிறகு சாப்பிடலாம் என்று எண்ணி ஒரு வெஜிடபிள் பிரியாணி வாங்கிக்கொண்டேன் . விலை ரூ 500/= இலங்கையில் sea food அதிகமாகக் கிடைக்கின்றன. நம் நாட்டு இட்லி ,தோசை ,இடியாப்பம் கிடைத்தாலும் , அதில் அவ்வளவாக சுவையில்லை ! சிவப்பு அரிசியில் செய்கிறார்கள் . ஒரு இட்லி கேட்டால் , ஒன்பது இட்டலிகள் கொண்டுவந்து வைத்துவிடுவார்கள் . நமக்குத் தேவையானவற்றை எடுத்து சாப்பிட்டுவிட்டு மீதியை வைத்துவிடலாம் . மீதி இட்டலிகளை, மற்றவர்கள் கேட்கும்போது அவர்களுக்கு வைத்துவிடுவார்கள் . எல்லாமே ஆறிப்போன இட்டலிகள் . மற்றவர்கள் எச்சில் கையால் தொட்ட இட்டலிகள் ! நாம் சாப்பிட்ட இட்டலிகளுக்கு மட்டும் பில் போடுவார்கள் .

அடுத்து நாங்கள் அப்புதல என்ற இடத்திற்குப் புறப்பட்டோம் . அங்குதான் நாங்கள் தங்குவதற்கு ஹோட்டல் ஏற்பாடு செய்யப்பட்டிருந்தது . சுமார் மாலை 6 மணி அளவில் அப்புதல சென்று அடைந்தோம் .மிகவும் உயரமான மலைப்பிரதேசம் ஆனபடியால் , குளிர் தாங்க முடியவில்லை . ஊட்டி ,கொடைக்கானல் , மணாலி போன்று கடுமையான குளிர். ஹோட்டல் அறைகளில் மின்விசிறியே கிடையாது . மின்விசிறிக்கு அங்கு வேலையே இல்லை .

இரவு உணவுக்கு , எங்கள் அனைவருக்கும் ஹோட்டல் முதலாளி , அவர் வீட்டிலேயே ஏற்பாடு செய்திருந்தார் . இலவசமாகத்தான் . எனக்குப் பிரியாணி பொட்டலம் இருந்தபடியால் நான் அவர்களுடன் போகவில்லை . அனைவரும் சென்று சாப்பிட்டு வந்தனர் . நான் சாப்பிட உட்கார்ந்தேன் . பிரியாணியில் அரிசி வெந்தும் வேகாமலும் இருந்தது . சாப்பிடப் பிடிக்கவில்லை . பாதி சாப்பிட்டுவிட்டு மீதியை குப்பைத் தொட்டியில் போட்டுவிட்டேன் .

கடுமையான குளிர் காரணமாக , போர்த்திக்கொண்டு படுத்தவுடன் தூக்கம் வந்துவிட்டது . மறுநாள் காலை 26-12- 2015 குளித்துவிட்டு அனைவரும் பயணத்துக்குத் தயார் ஆனோம் . இரவிலேயே Induction அடுப்பில் சாதமும் , குழம்பும் தயார்செய்து வைத்துவிட்டார்கள் .

அன்று என் மகள் மகாலட்சுமிக்குப் பிறந்த நாள் .அனைவரும் அவளுக்குப் பிறந்தநாள் வாழ்த்து சொன்னோம் . அவளுடைய பிறந்தநாள் மறக்கமுடியாத ஒரு நாளாக அமைந்துவிட்டது . ஆம் ! அன்றுதான் 26-12-2004 சென்னையைச் சுனாமி தாக்கியது .

அன்றைய தினம் முழுவதும் முருகன் தலமான கதிர்காமத்தில் செலவிட்டோம் . அங்கு கதிரமலை முருகன் கோவில் , செல்லக் கதிர்காமம் பிள்ளையார் கோவில் , கதிர்காமம் முருகன் கோவில் ஆகிய மூன்று இடங்களைப் பார்த்துவிட்டு இரவு காலி ( Galle ) என்ற துறைமுக நகரில் தங்கினோம் .
கதிர்காமம் செல்லும் வழியில் , இயற்கை அன்னையின் எழில்மிகு கோலம் பிரமிக்க வைத்தது . வழி நெடுகிலும் மலைகள் , நீர்வீழ்ச்சிகள் , பள்ளத்தாக்குகள் , உயரமான மரங்கள் எல்லாமே மனதைக் கொள்ளை கொண்டது