இருபக்கங்கள்..!!

ந.க.துறைவன் · ந.க.துறைவன் Mon 21 Mar 2016 - 16:40

இயற்கைக்கு இரவு பகல், காற்று புயல் மழை, வெள்ளம் குளிர் வெம்மை என்று ,இருப்பது போலவே, பலரிடம் இருக்கும் பிடித்தமான குணஇயல்புகள். சிலருக்குப் பிடிக்காது என்பதால் அவர்களை ஒதுக்க முடியாது. சிலரிடம் இருக்கும் தீய குணங்கள். மற்றவர்க்குப் பிடிக்காது என்பதால் அவர்களையும் ஒதுக்க முடியாது. நல்லன தீயன இரண்டுமே மனிதகுணங்களின் நாணயத்தின் இருபக்கங்களாகும். இச்சமுதாயத்தில் இவை எல்லாவற்றையும் வென்றுதான் மனிதர்கள் வாழவேண்டியிருக்கிறது. இதுவேதான் வாழ்க்கையாகவும் அமைந்திருக்கிறது.
ந.க.துறைவன்.

balakarthik · balakarthik Wed 6 Apr 2016 - 21:50

எனக்கு பிடிக்கும்படியான யாராவது ஏதாவது செய்தால் அவர்களை எனக்கு பிடித்துவிடுகிறது ஆனால் அவரே என்னால் ஒப்புக் கொள்ள முடியாத விஷயங்களை ஐந்தாறு தரம் செய்துவிட்டால், அவர் எனக்குப் பிடிக்காதவராகி விடுகிறார் . பிடிக்காதவராகி விட்டால் அவர் கருத்துக்களைப் கேட்பதை நிறுத்தி விடுகிறேன். அதற்கப்புறம் அவர் பிடித்ததைச் சொன்னால் கூட என் கவனத்துக்கு வருவதில்லை. அதற்கப்புறம் அவர் என்ன செய்தாலும் விமர்சிப்பதற்கு பதில், அவரை எள்ளி நாகையாடவோ அல்லது மட்டம் தட்டவோ தோன்றிவிடுகிறது இதை தவிர்க்கமுடியவில்லையே இப்படியும் வாழ்ந்துகொண்டுதானே உள்ளோம் ஐயா

**M.Jagadeesan** · **M.Jagadeesan** Wed 6 Apr 2016 - 22:30

அரிசியிலே சில கற்கள் இருக்கும் ; தாய்மார்கள் அவற்றைக் களைந்து அரிசியை மட்டும் பிரித்தெடுத்து சமைப்பார்கள் .
அதுபோல மனிதனிடமும் நல்ல குணங்களும் , தீய குணங்களும் சேர்ந்துதான் இருக்கும். நல்ல குணங்கள் அதிகமாக இருந்தால் அவனை நண்பனாக ஏற்றுக் கொள்ளலாம் . தீய குணங்கள் அதிகமாக இருந்தால் அவனை ஒதுக்கிவிடவேண்டும் .

குணம்நாடிக் குற்றமும் நாடி அவற்றுள்
மிகைநாடி மிக்க கொளல் .

என்பது ஐயனின் வாக்கு .

Sponsored content · Sponsored content

இருபக்கங்கள்..!!

இருபக்கங்கள்..!!

Re: இருபக்கங்கள்..!!

Re: இருபக்கங்கள்..!!

Re: இருபக்கங்கள்..!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக