உலக கவிதை நாள் இன்று.

**கார்த்திக் செயராம்** · 29/10/2015

First topic message reminder :

மனிதனிடம் மனிதம் தழைத்தோங்க வழிவகை செய்வதில் இலக்கியத்துக்குப் பெரும் பங்கு உண்டு. அதிலே, அழகியல் மிகுந்து காணப்படும் கவிதையே முன்னிலை வகிக்கிறது என்பது பலரது கருத்து.

ஒவ்வோர் ஆண்டும் மார்ச் 21-ம் நாளில் 'உலக கவிதை தினம்' அனுசரிக்கப்படுகிறது.

ஐக்கிய நாடுகளின் அறிவியல் மற்றும் கலாச்சார அமைப்பான யுனெஸ்கோ நிறுவனத்தால் 1999-ம் ஆண்டில் அறிவிக்கப்பட்டு, உலக நாடுகள் முழுவதும் இந்த உன்னத தினம் கொண்டாடப்பட்டு வருகிறது.

கவிதைகளைப் படித்தல், படைத்தல், பயிற்றுவித்தல் ஆகியவற்றை ஊக்குவிக்கும் நோக்கத்தைக் கொண்டுள்ளதே 'உலக கவிதை தினம்'.

இன்றைய தினத்தில் நம் ஆஸ்தான புலவர்கள் கவி படைத்து இன்றைய தினத்தை பெருமை சேர்க்க அன்போடு அழைக்கபடுகிறார்கள்.

நன்றி விக்கி /நன்றி கார்த்திக் செயராம்.

**krishnaamma** · **krishnaamma** Tue Mar 22, 2016 9:59 am

M.Jagadeesan wrote:விருந்தும் இல்லை ; விருதும் இல்லை !

நம் கவிதைகளை நாலுபேர் படிப்பதுதான் நமக்கு விருந்தும் , விருதும் !

மேற்கோள் செய்த பதிவு: 1198639

வாஸ்த்தவம் ஐயா, நல்லா சொன்னீங்க .....படிப்பதுதான்............பின்னூட்டம் போடக் கூட கஷ்டப்படராங்களே சோகம்

.........அவங்க படிப்பது மட்டுமே நமக்கு விருந்தும் விருதும்............இது உங்கள் கவிதைகளுக்கு மட்டும் இல்லை , என் பதிவுகளுக்கும் பொருந்தும் ஐயா புன்னகை

**T.N.Balasubramanian** · **T.N.Balasubramanian** Tue Mar 22, 2016 9:39 pm

சசி wrote:
T.N.Balasubramanian wrote:உலக கவிதை தினமாம் இன்று
உன்னத தினம்தான் இது
உண்மையான கவிஞர்களை
ஊரறிய செய்தால் !

உலக கவிதை தினமாம் இன்று
உன்னத தினம்தான் இது
ஏழை கவிஞர்களை கண்டறிந்து ,
ஏழ்மையைப் போக்க பொற்கீழீ கொடுத்தால் !

உலக கவிதை தினமாம் இன்று
உன்னத தினம்தான் இது
இளம் கவிஞர்களை இனம் கண்டு
இலக்குகளை வைத்தே இமயத்திற்கு உயர்த்தினால்

உலக கவிதை தினமாம் இன்று
உன்னத தினம்தான் இது
உண்மையிலேயே கவிஞனை
உயர்த்த நினைத்தால் .

தந்தைக்கு ஒரு தினம்
தாயுக்கு ஒரு தினம்
சோதரிக்கு ஒரு தினம்
நட்புக்கு ஒரு தினம்
காதலுக்கு ஒரு தினமென
தினம் தினம்
ஒரு தினம் கொண்டாடினால் ,
வியாபார உத்தியா அல்லது
வேண்டியவனுக்கு வேலை கொடுக்க
தினம் தினம் ஒரு தினம்
கண்டுபிடிக்கிறாயா ?
காலை எழுந்ததும்
அந்த தினம்
இந்த தினம் ,
தலையை பிய்த்துக்கொள்கிறேன்,
என்ன செய்வது ?

கண்டன கணைகள் உதிர்க்கும் என்னை
கவிதைகள் எழுதச் சொன்னால்
கவிதைகள்தான் மிளிருமா ? அதில்
கருத்துக்கள்தான் ஒளிருமா ?

ரமணியன்
[url=http://www.eegarai.net/t128871-topic#119858 1198584

கவிஞரை கண்டு கொண்டேன்.
ஆனால் பொற்கீழீ கொடுக்க இயலவில்லை.
நானே பெறும் நிலையில் தான் இருக்கிறேன். நன்றாக இருக்கிறது ஐயா

மேற்கோள் செய்த பதிவு: 1198636

உங்கள் கவிதை நன்றாக உள்ளது .
ஆகவே பொற்கிழி கிடைத்தால் , தக்க கமிஷன் எடுத்துக் கொண்டு ,
மீதியை எனக்கு அனுப்பவும் .
ரமணியன்

**T.N.Balasubramanian** · **T.N.Balasubramanian** Wed Mar 23, 2016 6:03 am

M.Jagadeesan wrote:சசிபோலும் எம்போலும் கவிஞர்களை ஊக்குவித்து
...சாதனைகள் புரிந்திடவே துணையாக நீ நின்றாய் !

உங்கள் தமிழ் ஆர்வம் நானறிவேன் அதே அளவு கணிதத்திலும் உங்கள் ஆர்வம் அனைவரும் அறிந்ததே .
கவிதை பற்றிய அலசல் , கவர்ச்சியான உரைநடை ,என்று அழகு படக் கூறி , கரம் சிரம் புறம் ,நீட்டாதிர் எனக் கூறி அதிலுள்ள கவிநயத்தை கூறும் நயம் வேறு யாருக்கு வரும் .அதற்கு ஈகரை வழி வகுக்கிறது . நாங்களெல்லாம் சும்மா ஒரு சும்மா. சிறிய க்ரியா ஊக்கிகள் .

வசிப்பது தருமமிகு சென்னைதான் என்றாலும்
...வசிக்கின்றாய் ஈகரையின் அன்பர்கள் நெஞ்சமெலாம் !

இதை, இதைத்தான் ரசித்தேன் .பொக்கிஷமெனப் போற்றுவேன்
வேறென்ன வேண்டும் .......எனப் பாடத் தூண்டும் வரிகள் . நன்றி

ரமணியன்

**M.Jagadeesan** · **M.Jagadeesan** Wed Mar 23, 2016 7:20 am

தங்கள் பாராட்டுக்கு நன்றி ஐயா !

நான் எதுவும் மிகைபடக் கூறவில்லை !

Sponsored content · Sponsored content

உலக கவிதை நாள் இன்று.

உலக கவிதை நாள் இன்று.

Re: உலக கவிதை நாள் இன்று.

Re: உலக கவிதை நாள் இன்று.

Re: உலக கவிதை நாள் இன்று.

Re: உலக கவிதை நாள் இன்று.

Re: உலக கவிதை நாள் இன்று.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக