ரயில் நிலைய தூய்மை: பின்தங்கியது தமிழகம்

**ayyasamy ram** · **ayyasamy ram** Sat Mar 19, 2016 12:18 pm

புதுடில்லி:
-
ரயில் நிலைய தூய்மை: பின்தங்கியது தமிழகம் GBpDGjPyTpCaQFNGUoGt+Tamil_News_large_1481398

-
நாடு முழுவதும் நடத்தப்பட்ட கருத்துக் கணிப்பின்படி
வெளியிடப்பட்ட, துாய்மையான ரயில் நிலையங்களுக்கான
பட்டியலில், தமிழகத்தில் உள்ள மிகப்பெரிய நகரங்கள்
பின்தங்கி உள்ளன.

ஆண்டுக்கு, 50 கோடி ரூபாய்க்கு மேல் வருமானம் ஈட்டும்
ரயில் நிலையங்கள், 'ஏ1' என்றும், அதற்கடுத்த நிலையில்
உள்ள ரயில் நிலையங்கள், 'ஏ' என்றும் தரம் பிரிக்கப்பட்டு
உள்ளன.

தமிழகத்தில், சென்னை சென்ட்ரல், சென்னை எழும்பூர்,
கோவை, மதுரை ஆகிய நான்கு ரயில் நிலையங்கள், 'ஏ1'
பிரிவில் உள்ளன. அரக்கோணம், செங்கல்பட்டு, நெல்லை,
துாத்துக்குடி என, 23 ரயில் நிலையங்கள், 'ஏ' பிரிவில் உள்ளன.

துாய்மை இந்தியா திட்டத்தின் கீழ், துாய்மையான ரயில்
நிலையங்கள் திட்டமும் செயல்படுத்தப்பட்டு வருகிறது.
துாய்மையின் அடிப்படையில், இந்த ரயில் நிலையங்கள் தரம்
பிரிக்கப்படும் என, பட்ஜெட்டில், ரயில்வே அமைச்சர் சுரேஷ் பிரபு
அறிவித்திருந்தார்.

அதன்படி, நாடு முழுவதும் உள்ள, 75 'ஏ1' ரக ரயில் நிலையங்கள்,
332 'ஏ' ரக ரயில் நிலையங்களின் துாய்மை குறித்து, பயணிகளிடம்
கருத்துக் கணிப்பு நடத்தப்பட்டது.

மேலும், மூன்றாம் தரப்பு நிறுவனத்தின் மூலம் கணக்கெடுப்பும்
நடத்தப்பட்டது.

அதன்படி, மதிப்பெண்கள் அடிப்படையில், இந்த ரயில் நிலையங்கள்
ஐந்து வகைகளாக பிரிக்கப்பட்டன. 750க்கும் மேற்பட்ட மதிப்பெண்கள்
பெற்றுள்ள, தரவரிசையில் முதலில் உள்ள, 13 ரயில் நிலையங்களில்
தமிழகம் இடம் பெறவில்லை.
-
---------------

**ayyasamy ram** · **ayyasamy ram** Sat Mar 19, 2016 12:20 pm

தமிழகத்தின் 'ரேங்க்':
-
* 'ஏ1' பிரிவில் இருந்து மூன்று ரயில் நிலையங்களும்,
'ஏ' பிரிவில் இருந்து,
-
10 ரயில் நிலையங்களும், 750க்கும் மேற்பட்ட புள்ளிகளைப்
பெற்றுள்ள முதல் வகையில் இடம்பெற்றுள்ளன
-
* குஜராத் மாநிலம் சூரத், ராஜ்கோட் ஆகியவை, முதல்
இரண்டு இடங்களை பிடித்துள்ளன. இந்த முதல் வகையில்,
தமிழகத்தின் எந்த ரயில் நிலையங்களும் இடம் பெறவில்லை
-
* 600 முதல், 749 புள்ளிகள் பெற்றவை, இரண்டாம் வகையாகவும்,
500 முதல், 599 புள்ளிகள் பெற்றவை மூன்றாம் வகையாகவும்
பிரிக்கப்பட்டு உள்ளன
-
* இதில் இரண்டாம் வகையில், 'ஏ1' பிரிவில், மதுரை, கோவை
நகரங்கள் இடம்பெற்றுள்ளன. அதே நேரத்தில், 'ஏ1' பிரிவில் உள்ள
சென்னை சென்ட்ரல், சென்னை எழும்பூர், மூன்றாம் வகையில்
இடம் பெற்றுள்ளன
-
* 'ஏ' பிரிவில், மிகவும் துாய்மையான, முதல் பத்து இடங்களை
பிடித்துள்ள ரயில் நிலையங்களில், கும்பகோணம், சேலம்,
கோவில்பட்டி ஆகியவை இடம் பெற்றுள்ளன
-
* 'ஏ' பிரிவில் இடம்பெற்றுள்ள ஈரோடு, திருச்சி, விருதுநகர்,
மேட்டுப்பாளையம், தஞ்சாவூர், மயிலாடுதுறை, ராமேஸ்வரம்,
கரூர் ஆகியவை, இரண்டாம் வகையில் இடம் பெற்றுள்ளன
-
* 'ஏ' பிரிவில் உள்ள அரக்கோணம், ஜோலார்பேட்டை, துாத்துக்குடி,
தாம்பரம், திருநெல்வேலி ரயில் நிலையங்கள் மூன்றாம் வகையில்
இடம் பெற்றுள்ளன.
-
-----------------
தினமலர்

ரயில் நிலைய தூய்மை: பின்தங்கியது தமிழகம்

ரயில் நிலைய தூய்மை: பின்தங்கியது தமிழகம்

Re: ரயில் நிலைய தூய்மை: பின்தங்கியது தமிழகம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக