சவுக்கார்பேட்டை திரை விமர்சனம் !

கரு : வி.சி .வடிவுடையான் இயக்கத்தில் ஸ்ரீகாந்த்-ராய்லட்சுமி ஜோடி பேயாக நடித்து வெளிவந்துள்ள ,'வாலி' டைப் கதை . ஆனால், அதுபேய் அண்ணனுக்கும் ,பேய் தம்பிக்குமிடையே எனும் வித்தியாச கரு காட்சி படுத்தப்பட்டிருப்பது புதுமை.

கதை : வெளியூரில் வசிக்கும் ஸ்ரீக்கும் , அவரது காதலி ராய்லட்சுமிக்கும் திருமண ஏற்பாடு நடக்கிறது. தலைவாசல் 'விஜய் - ரேகா தம்பதியின் வாரிசான ஸ்ரீகாந்த்., தன் காதலியுடன் அதற்காக ஊருக்கு வருகின்றார் .

அப்படி ,வந்த இடத்தில் அவரது அப்பா தலைவாசல் விஜய் வாங்கிய கடனும் , அதன் அநியாய வட்டியும் பத்து கோடி என சொல்லி ,ஸ்ரீ காந்த் , லட்சுமி ராய், தலைவாசல் விஜய் , ரேகா உள்ளிட்ட ஒட்டுமொத்த குடும்பமும் வசிக்கும் பங்களா வீட்டை அபகரிக்க ஓட்டு மொத்த குடும்பத்தையும் , சவுகார்பேட்டை கோத்ரா சேட் சுமனும் அவரது மூன்றுஆண் வாரிசுகளும் ., சேர்ந்து தீர்த்து கட்டுகிறது. அதனால் ஸ்ரீ 'யும், ராயும் பேயாக வந்து வில்லன் சுமன் அண்ட் சன்ஸை பழிவாங்கும் கதை தான் 'சவுகார்பேட்டை' மொத்த படமும், கதையும் , காட்சி படுத்தலும் என நினைத்தால் ......

அதுதான் இல்லை ....இன்னொரு ஸ்ரீகாந்த் வருகிறார் . அவர் இந்த ஸ்ரீ யோட அண்ணன் பேய் , ஆனால் அடாவடிப் பேய் ., மேலும் அவருக்கும் இந்த ஸ்ரீக்கும் பிடிக்காது .. காரணம் ராய் லட்சுமி ... என வாலி பட டைப்பில் ஒரு கிளைக் கதை! அதனால் ., செத்தும் கெடுத்தான் ... என இவர்களை துரத்தி துரத்தி சுடுகாட்டில் வைத்து பழி தீர்க்க பார்க்கிறார் அந்த ஸ்ரீ.2 - ஸ்ரீ , ராய் லட்சுமி போதாதென்று , பேய் கிழவி வடிவுக்கரசி ,சரவணன் , பவர் ஸ்டார் , சிங்கம் புலி, கஞ்சா கருப்பு , டி, பி.கஜேந்திரன், மனோபாலா , மீனாட்சி, ஆர்த்தி .. என ஏகப்பட்ட பாத்திரங்கள் வந்தும் போயும் ரசிகனின் காதில் முழம் கணக்காய் பூ சுற்றுகின்றன! இறுதியில் இரண்டு ஸ்ரீ' பேய்க்குமிடையில் நடக்கும் சண்டையில் யார் வெற்றி பெறுகின்றனர் என்பது க்ளைமாக்ஸ்!

காட்சிப்படுத்தல் : வி.சி .வடிவுடையான் இயக்கத்தில் ஸ்ரீகாந்த்-ராய் லட்சுமி ஜோடி பேயாக நடித்து வெளிவந்துள்ள , 'வாலி' டைப் கதை . ஆனால், அதுபேய் அண்ணனுக்கும் ,பேய் தம்பிக்குமிடையே எனும் வித்தியாசம் , இண்டெர்வெல்லுக்கு பின்வரும் கதையில் கொஞ்சமே கொஞ்ச நேரம், மட்டுமே காட்சிபடுத்தப்படுத்தப்பட்டிருப்பது குறை .மற்றபடி, வழக்கமான பேய்படமாக காட்சிப்படுத்தப்பட்டிருப்பதும் மேலும் , குறை!.

கதாநாயகர் : ஸ்ரீகாந்த் , வெற்றியாகவும் , சக்தியாகவும் இருவேறு கெட்டப்களில் தன் அழகான மூஞ்சை அகோரமாக்கிக்கொண்டு ஆக்ரோஷமாக எதிராளிகளுடன் மோதுகிறார்கள் . ஒரு கட்டத்தில் குறிப்பாக க்ளைமாக்ஸில் ஒருத்தருக்கு ஒருத்தர் மோதி பயமுறுத்துகிறார்கள். ஸ்ரீ பேயாய் உழைத்திருக்கிறார்.

கதாநாயகி : மாயா -ராய் லட்சுமியும் அழகு பதுமையாகவும் , பின் பேயாகவும் வந்து அப்படியே என்றாலும் ., அவ்வப்போது அழகான தோற்றத்தில் வந்து ரசிகனை வசீகரிக்கிறார் . கூடவே கிளாமரிலும் பட்டையை கிளப்பி இருக்கிறார்.

பிற நட்சத்திரங்கள் : தலைவாசல் விஜய் , சுமன் ,சரவணன் , சிங்கம் புலி, பவர் ஸ்டார் ,டி.பி கஜேந்திரன் , சி.ரெங்கநாதன் ... பேய் கிழவி வடிவுக்கரசி ,கஞ்சா கருப்பு , டி, பி.கஜேந்திரன், மனோபாலா , மீனாட்சி, ரேகா, ஆர்த்தி .... என ஏகப்பட்ட நட்சத்திரங்கள் நடித்திருக்கின்றனர்.

அதில் சுமனின் வாரிசுகளில் ஒருவராக வரும் லிங்கேஷ் திரும்பி , விரும்பிபார்க்க வைக்கிறார். , வடிவுக்கரசி சீரியல் டைப் கிழவியாக, சிலிர்ப்புக்கு பதில் சிரிப்பூட்டுகிறார்.

தொழில்நுட்ப கலைஞர்கள் : ஜான் பீட்டரின் அதிரடி இசையில், விவேகாவின் 'மோதி பார்ப்பேனே .. ' கவிஞர் சொற்கோவின் 'சவுகார் பேட்டை சேட்டு...பயம் பயம் .... பேயினாலே பயம்' பாடலும் அதன் வரிகளும் ... இத்தனைகளேபரங்களுக்கு மத்தியிலும் கலர்புல்லாக காட்சிப்படுத்தப் பட்டிருப்பது ஆறுதல்!. சி.ஜி , ஸ்பெஷல் எபெக்ட்ஸ் உதவியால் சீனிவாச ரெட்டியின் ஒளிப்பதிவு , அளவுக்கு அதிகமாக பளிச்சிட்டிருக்கிறது. எலிசாவின் படத்தொகுப்பு, ரசிகனை படுத்தும்தொகுப்பு .

பலம் : மொத்த படத்தில் , பேய்க்கும் பேய்க்கும் சண்டை , அதுவும் ஒரு அண்ணன் தம்பி பேய்களுக்கிடையே ஒரு பெண் பேயால் பெரும் சண்டை...எனும் கான்செப்ட் பலம் .

பலவீனம் : ஆனாலும், அழகு ஸ்ரீகாந்தையும் , கொள்ளை அழகு லட்சுமிராயையும் கொடூரமூஞ்சி பேய்களாக பயமுறுத்தவிட்டிருப்பது பலவீனம்!

இயக்கம் : வி.சி வடிவுடையான் எழுத்து, இயக்கத்தில் , ஜான் பீட்டரின் இசையில் அழகிய பாடல்களும் இரண்டு ஸ்ரீகாந்துக்குமான ப்ளாஷ்பேக்கும் மட்டுமே சற்று ஆறுதல். அவ்வப்போது படத்தில் வரும் பேய் பயமுறுத்தல்கள் ஒவர் டோஸா கி ரசிகனை பயமுறுத்துகின்றன!

பைனல் 'பன்ச்' : ஆக மொத்தத்தில் , பேய் ., பேயாட்டமாய். சவ்வாய் இழுக்கும் "சவுக்கார்பேட்டை - சவக் காடாகத் தெரியும் கண்ணம்மாபேட்டை!''

ரெண்டாவது ஸ்ரீகாந்த் தேவையே இல்லை, இந்த ஜோடியே எல்லாரையும் கொன்னிருக்கலாம்...........ஆனால் பாவம் , ஸ்ரீகாந்தையும் , லட்சுமிராயையும் கொடூரமூஞ்சி பேய்களாக உலாவ விட்டிருந்தாலும் , வேற வேற கலர் உடைகள் போட்டு விட்டிருக்காங்க

கிராபிக்ஸ் நல்லா இருக்கு ..........சுமனும் பாவம் அவரைக் காமெடி யாக்கிவிட்டார்கள் !

-