பிளாஸ்டிக் டப்பா நல்லதா?

டாக்டர் ஜான் மரிய சேவியர், உதவிப் பேராசிரியர், வேதியியல் துறை, லயோலா கல்லூரி, சென்னை.

பிளாஸ்டிக் பொருட்களைப் பயன்படுத்துவது இப்போது அதிகரித்துவருகிறது. ஆனால், ஒரு பிளாஸ்டிக் பொருளை வாங்குவதற்கு முன்னர் அது எந்த வகையான பிளாஸ்டிக் என்பதைத் தெரிந்துவைத்திருக்க வேண்டும். மொத்தம் ஏழு வகையான பிளாஸ்டிக் வகைகளில் பொருட்கள் தயாரிக்கப்படுகின்றன. 1, 2, 3 முதல் 7 வரையான இந்த எண்கள், பிளாஸ்டிக் பொருட்களில் மறுசுழற்சி முக்கோண குறியீட்டுக்குள் அச்சடிக்கப்பட்டிருக்கும்.

இந்த ஏழு எண்களுக்கும் ஒவ்வொரு அர்த்தம் இருக்கிறது. இவற்றில் 1, 2, 4, 5 போன்ற எண்கள் தரமான பிளாஸ்டிக்கை குறிப்பவை. இதில் 1 என்று அச்சிடப்பட்டிருப்பவற்றை குளிர்பானங்கள், தண்ணீர் பாட்டில்கள் போன்றவற்றுக்குப் பயன்படுத்துகிறார்கள். 2 குறியீட்டை ஷாம்பூ, டிடெர்ஜன்ட் போன்ற பாட்டில்களுக்குப் பயன்படுத்துகிறார்கள். 4 குறியீட்டை பிளாஸ்டிக் பைகளுக்குப் பயன்படுத்துகிறார்கள். மருந்து பாட்டில்கள், தயிர் கப் போன்றவற்றுக்கு 5 குறியீட்டைப் பயன்படுத்துகிறார்கள்.

இதில் மற்ற எண்களின் குறியீட்டுடன் இருக்கும் பிளாஸ்டிக் பொருட்கள் தரமானவை கிடையாது. உதாரணத்துக்கு, 7 குறியீடுடன் தயாரிக்கப்படும் ‘யூஸ் அண்ட் த்ரோ’ பிளாஸ்டிக் கப்களை சொல்லலாம். இந்த கப்களைத் தயாரிக்கப் பயன்படுத்தும் அடிபேட்ஸ், தாலேட்ஸ் போன்ற வேதிப்பொருட்கள் மனிதர்களின் ஹார்மோன்களைப் பாதிக்கின்றன. அதேமாதிரி, 7 குறியீட்டுடன் தயாரிக்கப்படும் பிளாஸ்டிக் பொருட்களில் ‘bisphenol A’ என்ற வேதிப்பொருள் பயன்படுத்தப்படுகிறது. இது மூளையைப் பாதிக்கக்கூடிய அளவுக்கு ஆபத்தானது.

அதனால், பிளாஸ்டிக் பொருட்களைப் பயன்படுத்துவதற்கு முன்னால் இவற்றை கணக்கில் எடுத்துக்கொள்வது நல்லது. சில தயாரிப்பாளர்கள் போலி குறியீடுகளுடன் பிளாஸ்டிக் பொருட்களைத் தயாரிக்கிறார்கள். அதனால் தரமான பிளாஸ்டிக் என்று உறுதிசெய்தபிறகு, அவற்றைப் பயன்படுத்துங்கள். எப்போதுமே பாதுகாப்பான ‘ஸ்டீல்’, கண்ணாடி, பீங்கான் பாட்டில்களை சமையலறையில் பயன்படுத்துவது நல்லது.

தி ஹிந்து

நல்ல பகிர்வு அம்மா. காலம் மாறிவிட்டது, எதை கழுவி சுத்தம் செய்ய ஏதுவாக இருக்கிறதோ அதைத் தானே பெண்கள் தேர்ந்தெடுத்து கொள்கின்றனர்.

நலல் தகவல் ஆனால் முழுமையா இல்லை , இதை படித்தவுடன் உடனே கூகுளில் தேடி பார்க்க வேண்டும் என்று தோன்றியது , இந்த தளம் கொஞ்சமா தெளிவா சொல்லியுள்ளார்கள் http://www.healthychild.org/know-your-plastics/

நல்ல செய்தி பகிர்வுக்கு மிக்க நன்றி அம்மா

சசி wrote:நல்ல பகிர்வு அம்மா. காலம் மாறிவிட்டது, எதை கழுவி சுத்தம் செய்ய ஏதுவாக இருக்கிறதோ அதைத் தானே பெண்கள் தேர்ந்தெடுத்து கொள்கின்றனர்.

மேற்கோள் செய்த பதிவு: 1196756

வாஸ்த்தவம் சசி, என்றாலும் நம் உடல் நலனையும், நம் சுற்று சூழலையும் கொஞ்சம் பார்க்கணும், இல்லையா? இது பற்றி ஒரு கட்டுரை எழுதிக்கொண்டு இருக்கேன், தயாரானதும் போடுகிறேன்

ராஜா wrote:நலல் தகவல் ஆனால் முழுமையா இல்லை , இதை படித்தவுடன் உடனே கூகுளில் தேடி பார்க்க வேண்டும் என்று தோன்றியது , இந்த தளம் கொஞ்சமா தெளிவா சொல்லியுள்ளார்கள் http://www.healthychild.org/know-your-plastics/

லிங்க் க்கு மிக்க நன்றி ராஜா, பார்க்கிறேன் .............வி.பொ.பா.

Muthumohamed wrote:நல்ல செய்தி பகிர்வுக்கு மிக்க நன்றி அம்மா

மேற்கோள் செய்த பதிவு: 1196771

நன்றி முத்து, எங்கே உங்களை ரொம்பநாளாய் காணும்?..நலம் தானே?

நல்ல தகவல் பகிர்வுக்கு நன்றிமா

நல்ல பயனுள்ள திரி . நன்றி