கதைப்பாடல்: ஆப்பிள் பழமும் அறிவியலும்!

by **ayyasamy ram** Wed Mar 02, 2016 12:41 am

-

ஐசக் நியூட்டன் என்கின்ற
அறிஞர் சிறந்த விஞ்ஞானி
தேசப் பற்று மிகக் கொண்ட
திறமை மிக்க மெய்ஞானி!
–
புதிய செய்திகள் தெரிந்திடவே
புதுப்புது நூல்களைப் படித்திடுவார்!
எதற்கு? எப்படி? ஏன்? என்று
எதையும் அறிந்திடத் துடித்திடுவார்!
–
மரங்கள் நிறைந்த பூங்காவில்
மகிழ்வாய் ஒருநாள் அமர்ந்திட்டார்!
வரமாய் இயற்கை தந்திட்ட
வளங்களைக் கண்டு ரசித்திட்டார்!
–
மலர்கள் வாசனை வீசியது
மரங்கள் அவருடன் பேசியது!
சிலமணிநேரம் அவர் மனமும்
சின்னக் குழந்தையாய் மாறியது!
–
“பட்’டென ஆப்பிள் பழமொன்று
பக்கத்தில் வந்து விழுந்திடவே
சட்டென அவரும் அதைப்பார்த்தார்
சற்றே ஆழ்ந்து சிந்தித்தார்!
–
மரத்தில் உள்ள காய்கனிகள்
மண்ணின் மீது விழுவது ஏன்?
தரையில் இருந்து வீசும் பொருள்
தரைக்கே மீண்டும் வருவது ஏன்?
–
சிந்தனைக் குதிரை அவிழ்ந்தோட
சிறப்பாய் அவரும் யோசித்தார்!
அந்தச் சிந்தனை தெளிவு பெற
அவர்க்குக் கிடைத்தது விடையொன்று!
–
பொருட்களை ஈர்க்கும் பெரும் சக்தி
பூமிக்கு உண்டெனத் தெரிந்திட்டார!
அரிய செய்தியை நியூட்டனுமே
ஆப்பிள் பழத்தால் அறிந்திட்டார்!
–
அறிவியல் உலகம் போற்றிடவே
முடிவைக் கண்டுரைத்தார்!
செறிவு மிக்கச் சிந்தனையால்
சிறந்த புகழை இவர் பெற்றார்!
–
இயற்கை தந்த படைப்பினிலே
எத்தனை எத்தனை அதிசயங்கள்!
உயர்ந்த அறிவு இருந்தாலும்
உணர முடியா ரகசியங்கள்!
–
அறிவைக் கொண்டு சிந்தித்தால்
அனைவரும் புதுமைகள் படைத்திடலாம்!
அறிவியல் இனிக்கும் கரும்பாகும்
அகிலம் நமக்குத் துரும்பாகும்!
–
————————–
– கடலூர் நா.இராதாகிருட்டிணன்
சிறுவர் மணி

by **krishnaamma** Wed Mar 02, 2016 12:48 am

நல்லா இருக்கு ராம் அண்ணா புன்னகை

கதைப்பாடல்: ஆப்பிள் பழமும் அறிவியலும்!

கதைப்பாடல்: ஆப்பிள் பழமும் அறிவியலும்!

Re: கதைப்பாடல்: ஆப்பிள் பழமும் அறிவியலும்!

பின்னூட்டம் எழுத உள்நுழைக அல்லது உறுப்பினராக பதிவு செய்க

உறுப்பினராக இணையுங்கள்

உள்நுழைய